Жыцьцёвыя правілы, якіх варта прытрымліваццаУзор

Божая сьцежка слабасьці

Жыцьцёвае правіла нумар 15: Слабасьць патрэбна дзеля максымальнай карысьці.

Каму вы давяраеце больш, чым Богу? Што Бог забірае з вашага жыцьця? Адказ на гэтыя пытаньні можа патлумачыць, чаму Бог так цяжка працуе, каб зламаць вашую залежнасьць ад таго, што ня ёсьць Ім – нягледзячы на тое, колькі тое зойме часу альбо якім складаным той працэс можа быць. Ён моцна жадае прывесьці вас у месца цэласьці ды духоўнай сьпеласьці – робячы вас падобнымі да Свайго Сына (Рымлянаў 8:29) – дзеля таго, каб Ён мог дзеяць праз вас і прывесьці іншых да цэласьці ды духоўнай сьпеласьці праз вашае сьведчаньне (2 Карынцянаў 1:3-7).

Апостал Павал зазнаў быў такі час разьбітасьці ды пакутаў, і ён напісаў: «Тройчы маліў я Госпада за тое, каб адвёў яго ад мяне» (2 Карынцянаў 12:8). І хоць Бог не адвёў «яго» ад Паўла, Ён усё ж дапамог яму зразумець, што тое было дадзена яму на тое, каб ня даць яму ўсхваліць самога сябе ды спадзявацца на некага іншага, а не на Хрыста (2 Карынцянаў 12:7-11). Госпад таксама навучыў апостала, што Ягонае ласкі будзе заўсёды досыць ува ўсякай немачы Паўла.

Тое ж самае ёсьць верным і для вас. Калі вы адчуваеце сябе разьбітымі, Божая ласка можа падтрымаць вас і дапамагчы вам расьці. Бог пакажа вам, як пакінуць спадзявацца на зямныя формы бясьпечнасьці ды як адпачываць у Ягонай цудоўнай любові ды забясьпечаньні. Дык будзьце ўпэўненыя, што Ісус Хрыстос здолее забраць любую немач, якая ў вас ёсьць, ды ператварыць яе ў моц, надзею ды пашану.