Жыцьцёвыя правілы, якіх варта прытрымліваццаУзор

Ягонае абяцаньне забясьпечваць

Жыцьцёвае правіла нумар 11: Калі мы слухаемся Бога, то Ён бярэ на Сябе поўную адказнасьць забясьпечваць нашыя патрэбы.

Ці вы сапраўды верыце, што Бог здолее ды моцна хоча задаволіць усе вашыя патрэбы? Бальшыня людзей адкажа «так». Але калі ў нас узьнікаюць праблемы ды цяжкасьці, калі нас ахапляе смутак, мы часта дзівімся, дзе Бог ёсьць, і як мы можам Яму давяраць. Госпад ня толькі здольны задаволіць усе нашыя патрэбы, Ён таксама здольны наталіць прагу нашых сэрцаў. Некаторыя людзі сумняваюцца ў гэтым. Яны кажуць: «Я ведаю, што Бог здолее задаволіць мае патрэбы, але ці Ён тое зробіць? Хіба Ён ня ведае, што я пакутую?» Госпад добра ведае тое, што вы перажываеце.

І хоць у кожнага з нас раней ці пазьней зьяўляюцца пытаньні накшталт гэтага, мы павінны засвоіць глыбейшы прынцып: як засяроджвацца на нашай веры, калі мы праходзім праз выпрабаваньні. Бог жадае задаволіць нашыя патрэбы, але найперш Ён хоча ведаць, што мы жадаем жыць дзеля Яго.

Вера патрабуе поўнага даверу й спадзяваньня на Яго, нават калі мы не разумеем, чаму Ён дазваляе, каб абставіны разгортваліся так ці інакш. Прыгадайце ўсіх тых людзей зь Бібліі, якія давяралі Богу ды дабіліся надзвычайнае перамогі: Майсей, Давід, Ерамія, Ільля, Ісусавы вучні, Марыя ды многія іншыя. Мы ніколі не павінны слухацца Яго толькі дзеля таго, каб маніпуляваць нашай сытуацыяй. Бог ведае нашыя сэрцы. Калі мы скараемся Яму, то Ён бачыць нашую адданасьць і дзее на нашую карысьць.

Вы можаце разьлічваць на Божую любоў, сілу ды ласку. Ён ніколі не падвёў вас. Ён ёсьць Бог, які дбае пра вас. Ён забясьпечыць вас усім неабходным упару. І калі Ён тое зробіць, то яно будзе значна вышэй за ўсё, што вы сабе ўяўлялі.