لشهر ماي؛ رحمات جديدة كل صباحعينة

العبادة الجماعية كتنقدنا مرارًا وتكرارًا من خلال أنها كتفكّرنا بلّي راه كاين مجد واحد كيستحق نوهبو ليه حياتنا- مجد الله.

الحياة بالحق كتدور على شمن مجد غيجدب عينيك ويشد قلبك. هادشي حق حيت كبشر، حنا كلنا مدمنين على المجد. كلنا كنعيشو من أجل المجد بشي طريقة. حنا كنبغيو المجد ديال الكاس اللّي كياخد البطل، أولا ديك الميدالية الدهبية. حنا كنبغيو ندوقو المجد ديال دار جديدة كليّا أولا نجريو بسرعة بحال عمّرنا جرينا. حنا كنبغيو نشوفو المآتر ديال الخطر اللّي كتحيّر العقل أولا الإنجازات الفنية الممجدة. ماكنعياوش من الجمال ديال جاكيتة الجلد ديال النمر أولا ألوان غروب الشمس. عضّة وحدة من الشكلاط ماكافياش لينا وماكترضيش قلوبنا. ساعة د اليد زوينة، طموبيل واعرة، أحسن ساندويتش، ملعب كورة زوين بزّاف، كوزينة مجهزة بشكل مثالي، مقطع موسيقي واعر، هادشي كلو كيلفت نتباهنا وكنبغيو كتر.

ولكن هاد الأمجاد تخلقو وتحطّو في حياتنا من أجل واحد الغرض. كل أمجاد العالم المادي المخلوق كتخدم هاد الغرض الوحيد – باش تفكّرنا بمجد الله وتوجّهنا ليه. ماعمّر كان من المفروض نعيشو من أجل مجد أرضي. ماعمّر كان من المفروض نلقاو السلام وقناعة القلب هنا. ماعمّر كان من المفروض نعطيو رغبات وولاء قلوبنا لداكشي اللّي خلقه الله. العالم المادي ممجّد بشكل زوين، ولكن ماعمّر كان المقصود منه هو يكون هدفنا، ولكن هو البلاكة اللّي كتشير للحاجة اللّي كان من المفروض تكون هي نهاية الرحلة.

هاشنو خاصنا أنا ونت ماننساوس على البلاكات. البلاكة ماشي هي الهدف. البلاكة كتورّينا الهدف. نقدرو نقولو نفس الحاجة على الخليقة المادية. ماشي هي الحاجة اللّي تخلقنا باش نعيشو من أجلها. هي تخلقات باش توجهك لداكشي اللّي تخلقتي باش تعيش من أجله، وداكشي هو الله والله بوحده. شحال حزين ملّي شي شخص كيقلّب على داكشي اللّي مايقدرش يلقاه في الحاجة اللّي ماتقدرش تعطيه والو! ولكن بزّاف وبزّاف د الناس كيديرو هادشي كل نهار. هما كيمشيو للمجد المخلوق باش يلقاو داكشي اللّي مايمكنش يلقاوه تمّا.

أه، راه الله عمّر حياتك بأمجاد كثيرة. ماكاينش نهار ماكتشوفش فيه هاد الأمجاد. ولكن راه ضروري باش ماتنساش بلّي الأمجاد اللّي كتدور بيك كل نهار في العالم اللّي خلقه الله ماشي الغرض منها هو باش تكون هدفك، حيت راك نت تخلقتي باش تعيش من أجل مجد أعظم، مجد عامر بالمجد- مجد الله. الحمد الله، عندك العبادة الجماعية، الاجتماعات المنتضمة ديال شعب الله للعبادة، باش يفكرك بهاد الحقيقة. العبادة كتعاونك باش تشوف عوتاني بلّي راه غير ملّي كتعيش من أجل الله تمّا قلبك كيلقا السلام والقناعة والأمان اللّي كيقلّب عليهم. ومجد الله بوحده هو اللّي عنده القوة باش ينقدك من كل الأمجاد الأرضية اللّي كتشد قلبك بسهولة.

من أجل دراسة وتشجيع كتر: جامعة 2: 1-11