لشهر ماي؛ رحمات جديدة كل صباحعينة

تقدر تطل باش تشوف الحياة ديال شي واحد وتحسده عليها أولا تقول لراسك بلّي الله باركك بطرق ماكنتيش تتخيّلها.

واش سبق ليك تصارعتي مع الحسد؟ واش سبق ليك تساءلتي شي نهار علاش الحياة ديال شي شخص أخر كتبان سهل من حياتك؟ واش سبق ليك كان صعيب عليك تفرح بالبركات ديال شي شخص أخر عنده داكشي اللّي نت كتضن أنك محتاجه؟ واش سبق ليك تمنيتي باش تبدّل حياتك مع شي شخص أخر؟ ربما كاينين شي طرق كيتبعنا بيها الحسد كلنا، هادشي علاش راه مهم نفحصو قلب الحسد.

شنو هما الحوايج اللّي كتصاوب الطريق قدّام قلب الحسد؟

1. الحسد هو النسيان. ملّي كنركزو على شنو ماعندناش واللّي كنضنو أنه خاص يكون عندنا، كنفشلو نعلقو على القائمة الكبيرة ديال البركات اللّي عندنا غير حيت الله بغا يدير محبتو السخية في حياتنا. راه هاد النسيان كيخلّينا نزيدو نقارنو ونشكيو كتر من نشكرو ونرتاحو.
2. الحسد كيفهم غلط البركة. غالبًا الحسد كيتقوّا ملّي ماكنفهموش كيفاش دايرة الرعاية ديال الله. هي ماشي ديما رعاية كتعطي، كتحيّد الألم أولا كتحرّر. بركة الله مرة مرة كتجي في شكل تجارب اللّي هي كتكون وسيلته باش يعطينا حوايج مانقدروش ناخدوها بأي طريقة خرا.
3. الحسد هو أناني. الحسد كيبغي يحطنا في المركز ديال عالمنا. هو كيبغي يخلّي كلشي يدور على راحتنا، رغباتنا، حتياجاتنا، ومشاعرنا، وماشي على خطة ومجد الله اللّي كنخدموه.
4. الحسد هو التقوى الداتية. الحسد هو "أنا كنستاحق _____كتر منهم". هو كينسا بلّي حنا كلنا كنستحقو العقاب دابا وللأبد، وبلّي أي حاجة مزيانة عندنا هي هدية ماكنتساحقوهاش من نعمة الله الزوينة.
5. الحسد ماكيشوفش بعيد. الحسد عندو غير المنضور ديال شنو كاين هنا ودابا واللّي كيتجاهل حقيقة أن هاد اللحظة ماشي هي كلشي. الحسد مايقدرش يشوف بلّي هاد اللحظة ماشي هي الوجهة، ولكن هي توجاد للوجهة الأخيرة اللّي غتكون زوينة كتر من نقدرو نتخيلو.
6. الحسد كيشكّك في حكمة الله. ملّي أنا ونت كنحسدو، كنميلو باش نفكرو بلّي حنا دكيين من الله. ملّي كنحسدو، كنميلو نفكرّو أننا كنعرفو كتر وحسن، وكون كنا حنا اللّي متحكمين في كلشي، كون كنّا تعاملنا مع الأمور بطريقة مختلفة.
7. الحسد ماكيصبرش. الحسد ماكيعجبوش يتسنّا. الحسد كيشكي دغية وكيعيا بسهولة. الحسد ماشي غير كيطلب البركات؛ هو كيطلب البركات دابا.

الحاجة الخطيرة في الحسد هي أنه كيخلّيك تشك في صلاح الله، وملّي كتشك، كتحبس تمشي تطلب المساعدة. هادشي علاش طلب الإنقاذ- باش يعطيك الله قلب شاكر ومتواضع وصبور. النعمة دياله اللّي كتغيّر هي دفاعك الوحيد ضد الحسد.

من أجل دراسة وتشجيع كتر: مزمور 34