لشهر ماي؛ رحمات جديدة كل صباحعينة

ماخاصكش تهز الحمل ديال ملكية حياتك اليوم. راك تشريتي بتمن غالي، هادشي علاش نت مابقيتيش ديال راسك.

راه أنا ونت تحرّرنا من الحمل ديال كل الندم ديال الماضي، حتياجاتنا في الحاضر، وكل أسئلة المستقبل اللّي ماعندها جواب. راه تحررنا باش مانعيشوش مع التخمام اللّي كيجي ملّي كنفكر بلّي ماعندناش موارد حسن من داكشي اللّي نقدر نوفروه لنفوسنا. أنا ونت راه تحرّرنا من الضغوط ديال التفكير بلّي خاصنا نعرفو كلشي بوحدنا. راه تحررنا من التخمام في بلّي خاصنا نسيطرو على الحوايج اللّي هي في الواقع خارجة على سيطرتنا. راه أنا ونت ماخصناش نترعدو ونخممو على شنو جاي في الطريق على غفلة. ماخصناش نخافو حيت ماغيكونش عندنا كافي أولا ماغيبقا عندنا والو. أنا ونت ماخصناش نتخلعو من فكرة أننا في الأخير غنفشلو وغنبقاو بوحدنا. راه تحررنا من التقل باش نلقاو طريقنا ونكتبو القواعد ديالنا. كأولاد الله، بكل بساطة ماخصناش نخمّمو في كل الأمور. علاش؟ زيد قرا.

ماخاصكّش تخمّم في هاد الأمور لسبب واحد بسيط كيغيّر- راك نت مابقيتيش ديال راسك! راك تشريتي بتمن غالي، إدن راه حياتك دابا تحت ملكية جديدة وإدارة جديدة. راه الله اللّي كيملكك دابا هو ملتزم باش يحافض عليك ويتهلّا فيك. هو ملتزم باش يوّفر ليك كل ما كتحتاج. راه الله اللّي كيملكك هو كيتحكم بطريقة شخصية ودقيقة في كل موقف وبلاصة وظرف في حياتك. هو كيستر الماضي ديالك بنعمته. كيحميك وكيوفّر ليك وكيقوّيك في الوقت الحاضر؛ وهو هاز كل جانب من جوانب مستقبلك في يديه السامية والكريمة.

أه، حيت نت تشريتي بالتمن ديال دمه، فراك مابقيتيش ديال راسك. ولكن هادي راها حاجة مزيانة. الشخص اللّي نت دياله دابا هو مدير حكيم وقوي فوق حياتك كتر من عمرّك نت تقدر تكون. هو كيعتني بيك بنعمة زوينة، حكمة ماكتسلاش، وقوة ماعندها حد. باش تكون دياله يعني راك في يد أمينة. هادشي كيعني أنك مابقيتيش تحت التقل باش تعيش من أجل نفسك. المالك ديالك الجديد سيطر على حياتك، وهاد المالك الجديد عنده قدرة كتر من أي شخص أولا أي حاجة تقدر تعطيها حياتك من أجلها.

إدن ملّي تفيق غدّا، فكّر نفسك بشكون نت وشنو ولّيتي. نعمة الله رحبات بيك للراحة والسلام حيت ديك النعمة حطّات حياتك تحت إدارة جديدة وقوية. راه هاداك اللّي هو الخالق والمنجّي والملك هي دياله دابا. واش كاينة شي حاجة حسن من هادشي؟

من أجل دراسة وتشجيع كتر: كورنتوس الّلولة 7: 21-23