لشهر يناير؛ رحمات جديدة كل صباحعينة

إلا تحررتي من الاحتياج باش تنجح وتقلب باش تحس بلّي راك راضي على نفسك، تما عرف بلّي راه النعمة زارتك.

هادا مسعى بشري قوي. هادا مسعى كنقلبو عليه كاملين. كلنا بغينا نحسو بلّي حنا راضيين على نفوسنا. كلنا بغينا نفكرو بلّي حنا بخير. هو مسعى مخيف ومُقلق وغير النعمة تقدر تحررك منه.

هاشنو كيوقع لينا كلنا - كنقلبو أفقيًا على الراحة الشخصية اللي نقدرو نلقاوها غير عموديًا، وهادا ماعمره كينجح. أننا نقلبو في الناس لخرين باش نحسو مزيان داخليّا هي حاجة مافيها فايدة. أولاً، ماعمرك غتكون مزيان كافي، كافي باستمرار، باش تاخد المدح ديال لخرين اللي عليه كتقلّب. غادي تفشل. لا بد من خيبة الأمل. غيكون نهارك صعيب. غتلف على الطريق. في شي مرحلة، غتقول أو تدير حوايج ماخاصكش تقولهم أو تديرهم. زيد على هادشي الحقيقة بأن الناس اللي قراب ليك ماعندهمش اهتمام يهزو هاد الحمل باش يكونو مسيح شخصي ليك. مابغاوش يعيشو مع المسؤولية ديال تكون هويتك في يديهم. أنك تقلب في الناس من أجل قيمتك الداتية الداخلية ماعمره غينجح.

السلام اللي كيعطيه النجاح ماكايناش فيه التقة حتى هو. نظرًا لأنك أقل من كامل، فأي نجاح يمكن تحققو غيتبعو قريب فشل من شي نوع. وحتى كاينة الحقيقة ديال أن الضجة اللي كيجيبها النجاح ماكتدومش بزاف ديال الوقت. ماغيدوزش بزاف ديال الوقت حتى ترجع تقلّب على النجاح اللي من بعد باش تقدر تستمر. هادشي علاش الحقيقة ديال أن يسوع ولى هو التقوى ديالك هي حقيقة ثمينة بزّاف. النعمة دياله حرراتنا إلى الأبد من احتياجنا باش نبرهنو على التقوى والقيمة دياولنا. هادشي علاش كنذكرو نفوسنا كل يوم باش مانقلبوش أفقيًا على شنو سبق وعطاه لينا الله عموديًا. "والتأتير ديال التقوى غيكون هو السلام، والنتيجة ديال التقوى هي السكون والطمأنينة الأبدية" (إشعياء 32: 17) هاد التقوى موجودة في المسيح بوحده.

من أجل دراسة وتشجيع كتر: كورنتوس التانية 6: 3-10