Laai die Bybeltoep afHoop Op God!Voorbeeld
Leer jou kinders om hulle hoop op God te stel.
Psalm 78 gaan oor die belangrikheid daarvan om God se karakter en roemryke dade te ken. Israel se geskiedenis is vol voorbeelde van mense wat van die Here vergeet het, van Hom weggedraai het en die gevolge daarvan gedra het. Daarom het Asaf (die digter wat hierdie psalm geskryf het) sy luisteraars herinner aan God se gebod aan vaders om hulle kinders te leer “van die roemryke dade van die Here, van sy krag en van sy wonderdade” (Psalm 78:4).
Elke geslag moet die Here ken. God openbaar Homself dikwels nie direk aan mense nie. Dit is dus die verantwoordelikheid van die vorige geslagte om die verhale oor God se wonders, wat hulle self ervaar het of van hulle ouers en grootouers gehoor het, of in die Bybel gelees het, oor te dra aan hulle kinders. Dit sal kinders leer dat die Here goed en almagtig en betroubaar is, “so sal hulle op God kan hoop, die werke van God nie vergeet nie, maar sy bevele gehoorsaam” (Psalm 78:7).
Ouers kan nie verseker dat hul eie geloof en hoop deur hul kinders gedeel word nie. Maar dit is hulle verantwoordelikheid om hulle op te voed en seker te maak hulle verstaan die Woord van God. Hierdie kennis is die kosbaarste geskenk wat ouers ooit vir hul kinders kan gee.
Het jou ouers jou van God geleer?
Skrif
Aangaande hierdie leesplan
Vir baie mense is "hoop" iets positiefs maar ook iets onseker. As ons op iets hoop, is ons nie seker of dit gaan gebeur nie. Die Bybel leer ons egter dat daar 'n bron van hoop is wat absoluut seker en betroubaar is: God se karakter en beloftes. Hierdie leesplan gaan oor hoop vanuit 'n Bybelse perspektief.
More
Ons wil graag GlobalRize bedank vir die verskaffing van hierdie plan. Vir meer inligting, besoek asseblief: https://globalrize.org
