Hoop Op God!Voorbeeld

Lyding blus nie Christelike hoop nie.

Menslike hoop is geneig om uitgewis te word deur teleurstellings en terugslae. Dit gebeur egter nie met hoop op God nie.

Die profeet Jeremia het 'n hele boek van klaagliedere geskryf. Hy het die ondergang van die stad Jerusalem en die ellende van sy inwoners dopgehou, en dit het hom diep geraak. Sy siel was beroof van vrede en hy het vergeet wat geluk is (Klaagliedere 3:17). Hy was duidelik in groot moeilikheid. In Klaagliedere 3:21-22 sê Jeremia egter iets verbasend:

“Tog is daar een ding waarop ek kan reken en waarop ek altyd sal hoop: Deur die Here se troue liefde is ons nie doodgemaak nie. Hy hou nooit op om vir ons om te gee nie. Sy genade het geen einde nie.”

Selfs te midde van al hierdie ellende het Jeremia die standvastige liefde van die Here in gedagte gehou, en dit het hom hoop gegee. Die apostel Paulus vertel van ’n soortgelyke ondervinding. Hy gaan selfs een stap verder en sê dat lyding hoop aanwakker: “swaarkry kweek volharding, en volharding kweek egtheid van geloof, en egtheid van geloof kweek hoop;” (Romeine 5:3-4). Dit is nie 'n natuurlike reaksie op lyding nie. Dit is die resultaat van “God se liefde [wat] in ons harte uitgestort is” (Romeine 5:5).

Het jy lyding ervaar? Hoe het dit jou hoop beïnvloed?