Laai die Bybeltoep afVrede in jou hartVoorbeeld
Wysheid is …
Mense sê mos graag wysheid kom met die grysheid. Maar soms kom grysheid alleen. Daar is geen waarborg dat wysheid op jou gaan neerdaal net omdat jy een jaar ouer is as verlede jaar hierdie tyd nie.
Wysheid vra toewyding aan God, maar ook leerbaarheid. Dié wat bereid is om te leer by die lewe, asook by ander mense en by die Here self, groei in wysheid. Wysheid is om minder van mense se goedkeuring afhanklik te wees, maar om ander met meer respek te behandel. Wysheid is om minder selfsugtig te leef. En om te weet jy hoef nie meer aan elke argument deel te neem nie. Of om ’n opinie oor alles in die lewe te hê nie. Wysheid maak jou rustiger en meer tevrede.
Daardie vrede van God wat verstand en hart te bowe gaan waarvan Paulus in Filippense 4 skryf, word al hoe meer jou deel. En jy hoef nie eers oud te word voordat sulke wysheid jou deel word nie. Hoe bekom jy dit? Wel, Jakobus 1 sê jy bid dit van God af. Vra in geloof en Hy sal vir jou wysheid gee.
Skrif
Aangaande hierdie leesplan
God se vrede is soveel anders as ons idees van vrede. Dit is nie sinoniem met wapenstilstande tussen militêre magte en politieke kragte nie. Nee, God se vrede is ’n vrede van die hart. Dit is vrede met God, vrede wat oorspoel na alles en almal rondom jou. Stephan Joubert moedig jou aan om hierdie vrede na te streef ten spyte van die lewe se stampe en stote.
More
Ons wil graag Christian Art Publishers bedank vir die verskaffing van hierdie plan. Vir meer inligting, besoek asseblief: https://cumbooks.co.za
