Laai die Bybeltoep afVrede in jou hartVoorbeeld
Raak geduld-vol
Geduld kom nie vanself nie. Ons moet dit van die Here afbid. Geduld is ’n geskenk van die Heilige Gees, maar ons moet hierdie geskenk inoefen. Geen wonder die ou Engelse woord vir geduld is “longsuffering” nie. Geduld vra dat ons ons emosies moet beheer. Dit begin gebeur wanneer ons nie die hele tyd fokus op daardie omstandighede of mense wat ons emosies so negatief opjaag nie. Ons oefen geduld in wanneer ons nie toelaat dat slegte dinge en goor mense ons gedagtes en emosies kaap nie.
Geduld is om ons gedagtes te verskuif na die Here toe. Dan raak ons gemoed kalmer en geduld wen.
Dan maak ons Spreuke 16:32 ’n werklikheid in ons lewe. Paulus sê op sy beurt in Filippense 4 dat ons al ons behoeftes in gebed aan God moet bekendmaak. Dan sal die vrede van die Here, wat alle verstand te bowe gaan, ons hart en ons gedagtes oppas. Ook moet ons ons gedagtes rig op alles wat opbouend, lofwaardig en mooi is. Dan sal ons God se vrede beleef. Dan sal ons gemoed kalm raak.
Aangaande hierdie leesplan
God se vrede is soveel anders as ons idees van vrede. Dit is nie sinoniem met wapenstilstande tussen militêre magte en politieke kragte nie. Nee, God se vrede is ’n vrede van die hart. Dit is vrede met God, vrede wat oorspoel na alles en almal rondom jou. Stephan Joubert moedig jou aan om hierdie vrede na te streef ten spyte van die lewe se stampe en stote.
More
Ons wil graag Christian Art Publishers bedank vir die verskaffing van hierdie plan. Vir meer inligting, besoek asseblief: https://cumbooks.co.za
