Die Gees se genadige aanraking

God seën die bidder wat met sy hele wese bid. Wanneer ons bid, dink ons helderder, verstaan ons beter en kan ons nugterder redeneer.

Goddelike leiding beteken dat God in ons denke werk en ons help om wyse besluite te neem. Baie biddende leraars kan getuig hoe God hulle in hierdie opsig gelei het. Vroeër jare, toe mense heelwat minder geletterd was, het hulle getuig hoe die Gees hulle verstand verhelder het — die gevolg van suksesvolle gebed. Hulle gedagtes was oop vir die leiding van die Gees.

Here, ek bid dat U my op so ’n manier sal lei dat ek ook die aanraking van die Gees in my lewe sal ervaar. Amen.