Vreugde In Alle TydperkeVoorbeeld

Genade.

Ek het die afgelope tyd baie oor genade nagedink. Probeer om dit te begryp … om genade met my hart … en my gees te verstaan.

Enersyds is dit 'n godsdienstige woord.

Andersyds is dit die beste en warmste soort omhelsing.

My doel is om godsdiens uit "genade" te haal en dit om my te vou soos 'n deken wat met liefde gestik is.

Genade.

Wat ek wel weet is … God se genade is die heel beste geskenk wat ek ooit ontvang het.

Ek het genade nodig. Ek het 'n desperate behoefte aan dit wat so oorvloedig … so mildelik … so genadiglik aan my gebied is.

Watter seën jy ook al vandag ontvang het … jy het dit aan genade te danke.

As jy vandag hierdie oordenking lees … lees jy dit te danke aan genade.

As jy in die aanbiddingsspan sing … het jy nie vanself daar gekom nie. Genade het jou daar gebring.

As jy ooit op 'n sendingreis was … het jy nie op jou eie daar gekom nie … genade het jou daar gekry.

As jy vanoggend jou Bybel gelees het … het jy dit nie uit eie keuse gedoen nie. Genade het dit vir jou gedoen.

As jy wil weet wat genade is … lees Johannes 15:16.

"Julle het My nie uitgekies nie, maar Ek het julle uitgekies en julle aangestel om uit te gaan en vrugte te dra, vrugte wat sal hou. So sal die Vader aan julle gee wat julle ook al in my Naam vra."

As jy wil weet wat genade is … memoriseer dan Johannes 15:16.

Genade is wat God aan mense gee … bedorwe, gebroke en sondige mense.

Genade is God se hart teenoor sy geliefde kinders wat lei tot die gee van alles wat Hy is en alles wat Hy het.

"Die oorvloedige rykdom van sy genade."

"Die rykdom van sy genade wat Hy op ons uitgestort het."

"Prys God vir die heerlikheid van sy genade."

Hierdie frases is so pragtig dat my hart letterlik pyn van vreugde.

Hierdie genade is vir my, al verdien ek dit nie. Ek het niks gedoen om dit te verdien nie. Tog gee Hy dit vir my.

Verbeel jou!

Vreugdevolle Gedagte om te Oordink: Wat is jou definisie van die woord "genade"?