Vanuit Die HartVoorbeeld

’n Ma se hart

Ek onthou nog die oomblik toe ek my babaseuntjie die eerste keer vasgehou het. Daar was ’n kosbare oomblik waarin dit net ons twee was. Op daardie oomblik het ek die liefde in my voel opvlam soos ek dit nog nooit voorheen ervaar het nie. Maar ek het ook bewus geword van ’n gevoel van verantwoordelikheid soos ek dit nog nooit beleef het nie.

Dit is ’n voorreg om ’n ouer te wees, maar ook ’n groot verantwoordelikheid. Om te besef dat God hierdie klein mensie aan my toevertrou het, ’n mensie wat niks vir homself kan doen nie. Op daardie oomblik was dit vir my onmoontlik om die volle omvang van ouerskap te begryp.

God verwag egter nie van ons om al die antwoorde te hê nie. Ek voel vertroos en gerusgestel dat ek nie alleen verantwoordelik is om hierdie baba groot te maak nie. Ek kan die verantwoordelikheid deel met my man, ons uitgebreide familie en met God.

Voel jy oorweldig deur ’n swaar verantwoordelikheid in jou lewe? Onthou dat jy dié verantwoordelikheid nie alleen hoef te dra nie. God is by jou.