Ek Het U Nodig!Voorbeeld

GEKIES EN BEMIN

Here, my lewe is maar doodgewoon. Ek kry nie baie lof of aandag nie. Ek voel dikwels of niemand my waardeer of selfs net raaksien nie. Diep in my hart wonder ek of ek ooit ’n verskil maak. Is ek uniek of spesiaal? Wat is my regte waarde?

Wanneer ek so voel, sê U vir my ek is uitgekies. Gekoester. Geliefd. In u groot liefde het U u Seun gegee sodat ek die ewige lewe kan verkry. U luister na elke gebed, U weet wat ek nodig het, U is altyd by my. Ek behoort aan U. Dankie dat ek in U waarde het en dat my lewe saak maak.

Amen.