Geen Aanstoot Voorbeeld

'n Woede Probleem

Die afgelope twee dae het ons gepraat oor die woede probleem. Waarom word ons so kwaad? Hoekom is dit so moeilik om aanstote te laat vaar? 

Daar is nie 'n maklike, een-grootte-pas-almal antwoord nie want woede het baie bronne. Partykeer is woede die aanduiding van 'n groter probleem. In so 'n geval, is dit wys om hulp te kry van 'n berader, predikant of betroubare vriend. 

Laat ons kyk na die opgeboude woede wat ons ervaar in die kultuur. Hoekom neem ons aanstoot die meeste van die tyd? 

'n Gedeelte daarvan is dat ons woede vryelik geopenbaar word in die publiek. Mense het gewoonlik kwaad geword en aanbeweeg. Nou plaas mense dit op sosiale media wanneer hulle kwaad is, wat net meer verontwaardiging aanvuur. 

Ons moet onthou dat ons 'n ware vyand het wie se sending dit is om te steel, dood te maak en te vernietig. Ons menslike woede pas reg in daardie plan. 

Onthou nou: Woede alleen is net 'n emosie — nie 'n sonde nie. Wat ons met die woede doen kan 'n probleem word. Trouens, hier is drie maniere waarop ons woede kan lei tot vernietiging. 

1. Dit verdeel ons. Ons almal was al daar. Jy sien dat 'n familielid of 'n goeie vriend iets deel waarmee jy nie saamstem nie, en onmiddellik is jy kwaad. Jou bloed kook en jou intuïsie is om terug te baklei, kras te reageer of om hulle as vriend te verwyder. Hier is die ding: 'n Verdeelde wêreld het 'n verenigde kerk nodig. Ons het mekaar nodig. Indien ons mense uitsluit met wie ons nie saamstem nie, dan beroof ons onsself van die geleentheid om te leer, te groei en God se liefde te deel. 
2. Dit trek ons aandag af. Ons woede kan partykeer ons aandag aftrek met aardse bekommernisse in plaas van ewige aangeleenthede. Dit beteken nie ons ignoreer die dinge waarvoor Jesus omgee nie, of ignoreer passief die ongeregtigheid wat God se kinders seermaak nie. Dit beteken wel dat ons nie kan toelaat dat ons woede ons verhoed om soos Jesus lief te hê nie. 
3. Dit trek ons geloofwaardigheid in twyfel. Wanneer ons permanent kwaad is, kan die mense nie Jesus se liefde in ons sien nie. Ja, partykeer het Jesus kwaad geword. Hy word egter geken vir sy liefde, nie vir sy woede nie. Ons word nie geroep om reg te wees nie. Ons word geroep om lief te hê. Laat ons nie die getuienis verminder deur die idee te bevestig dat Christene skynheilig, veroordelend of bitter is nie. 

Kom ons laat vaar die woede wat ons gevange hou. In plaas daarvan laat ons meer soos Christus wees, wat nie toegelaat het dat sy woede Hom na sonde lei nie. Sy liefde was magtig genoeg om beide die onderdruktes en die onderdrukker te bedek. Ons word geroep om dieselfde te doen — om wat verkeerd is reg te maak sonder om mense af te skryf en om geregtigheid te soek terwyl ons met genade liefhet. 

Bid: Vader, ek wil nie hê dat my woede verdeeldheid, afleiding of vermindering moet bring aan my vermoë om u liefde aan ander te wys nie. Wys my enige gebiede waar my woede 'n probleem geword het en maak my nederig. Help my om bekend te word vir my liefde, nie my woede nie. In die Naam van Jesus. Amen.