Koninkryk KomVoorbeeld

GEBED:

Vader, ek wil graag onwrikbare geloof hê. Leer my om U ten volle te vertrou.

LEESSTUK:

Jy weet waarskynlik hoe hierdie verhaal eindig. Petrus kyk op en sien die wind en golwe en hy word bang. Hy verloor sy konsentrasie op Jesus en begin in die water wegsink sodat Jesus hom moet red. Ons is geneig om op Petrus se mislukking in hierdie verhaal te fokus, maar wat van die geweldige geloof in Jesus wat dit van hom geverg het om in die eerste plek op die golwe te loop? Dit is merkwaardige geloof! Baie meer geloof as enigiemand anders op die boot daardie dag. Petrus het so baie in die krag van Jesus geglo dat hy die enigste mens geword het wat ooit oor die oppervlak van die see geloop het. Wel die enigste mens wat nie ook God was nie. 

Ons is gewoonlik so doodbang om te misluk dat ons nooit 'n tree gee om God vir die wonderbare te vertrou nie. Net soos die ander dissipels, staan ons met ons voete stewig op die dek en hou iemand anders dop om 'n tree op die golwe te neem. Wanneer hulle wankel, mag ons dit selfs vier as 'n manier om ons besluit te regverdig om in die boot te bly. 

Dalk doen ons dit regdeur ons lewens sonder om ooit in die openbaar enige soort verleentheid te ervaar, maar ons slaag ook nooit in enigiets wat werklik die moeite werd is nie. Wat 'n tragedie! Pastoor en skrywer A.W. Tozer het gesê: "God is op soek na mense deur wie Hy die onmoontlike kan doen. Wat 'n jammerte dat ons net dit beplan wat ons op ons eie kan doen."

Wat as ons God vertrou met dieselfde roekelose gelatenheid van Petrus toe hy uit die boot gespring het? Tereg, hy het gesink, maar nie voordat hy verskeie treë in die onmoontlike geneem het nie. Die uiteinde was dat Jesus hom nie laat sink het nie. 

Selfs daar te midde van mislukking het Petrus en Jesus 'n oomblik gedeel wat nooit weer herhaal sou word nie. Indien jy vir Petrus oor daardie oomblik kon uitvra, sou hy jou waarskynlik vertel dat hy vir geen oomblik spyt was om 'n tree uit die boot te neem nie.

NADENKE"

Kan jy jou voorstel hoe dit sou voel om Jesus tot op die punt van roekelose gelatenheid te vertrou? Sou dit vreesaanjaend, opwindend of beide wees? 

Gaan na een van jou gunsteling, gemaklikste plekke. Miskien is dit 'n snoesige rusbank met 'n kombers of êrens buite in die natuur. Maak jouself gemaklik en haal dan stadig en diep asem terwyl jy voor God stil word. 

Is daar enigiets wat jou verhoed om oor te gee aan hoe God in jou wil beweeg? Staan 'n paar oomblikke af en vra Hom om jou te wys wat dit is — en lê dit voor Hom neer. Vra God om in jou hart te werk volgens sy wil en jou te help om Hom tot by die punt van roekelose gelatenheid te vertrou. 

Om nog leesplanne van North Point Community Church te kry, klik of druk hier.