Heilige Emosies - Bybelse Antwoorde vir Elke UitdagingVoorbeeld

So baie dinge in die lewe stel ons teleur. As jy jouself toelaat, kan jy 'n groot gedeelte van elke dag van jou lewe met die teleurstelling worstel wat iemand of iets oor jou pad laat kom. Teleurstelling kan maklik die norm van ons lewens word, as gevolg van die mense en gebeure wat nooit heeltemal voldoen aan ons hoë verwagtinge nie.

Die apostel Paulus, die skrywer van die boek van Romeine, gee vir ons 'n beter manier om teleurstellings te hanteer as om teleurgesteld te wees! Paulus leer ons dat teleurstellings nie die krag het om jou teleur te stel nie! God beplan 'n toekoms vir jou, dus het teleurstellings geen krag om ongedaan te maak wat God reeds gedoen het nie. Wanneer ons emosioneel gespanne en gefrustreerd is as gevolg van die daaglikse teleurstellings in die lewe, gee ons elke teleurstelling te veel gesag. Ons behoort teleurstellings in die regte perspektief te sien.

Om "teleur te stel" beteken dat jou lot vir ewig verander het. Eens op 'n tyd was jy bestem vir 'n spesifieke doel, maar die teleurstelling het jou ewige doel vir altyd verander. "Teleurstelling" impliseer dat jou doel in die lewe gesteel is. Daaglikse gebeure het nie die reg om God se plan vir jou lewe ongedaan te maak nie!

Paulus skryf in Romeine 5:3 die volgende: "... Ons verheug ons ook in die swaarkry ..." Ons moet bly wees as ons teleurstellings ervaar.

Ons was heeltemal verkeerd! Ons het verkeerdelik geglo dat beproewinge en teleurstellings tragiese, lewensveranderende blokkasies is, terwyl die Bybel, wat ons kompas is, ons vertel dat teleurstellings vir ons goed is. Dit is die geleentheid wat Christene het om te wys dat hulle werklik anders is en die geleentheid gebruik om die heerlikheid te wys wat in hul geplaas is. Ons huil nie oor teleurstellings nie, ons verheug ons daarin. Ons kerm nie oor teleurstellings nie, maar soek vir God se hand in elke situasie.