Moenie Jou Bekommer NieVoorbeeld

Vrede In Christus 

Filippense 4:7 sê: "En die vrede van God wat alle verstand te bowe gaan, sal oor julle harte en gedagtes die wag hou in Christus Jesus.” Dit is nie net om oor jou hart en emosies wag te hou nie, maar ook oor jou liggaam. Wanneer jou liggaam deur beproewinge gaan, kan dit jou hart aanval en kan jou gedagtes angstig word. Soos ons ouer word, word die hart swakker om die laste en swaarkry van hierdie lewe te dra. 

Die vrede van God gaan nie nét ons verstand te bowe nie, maar dit oorskry ook ons natuurlike reaksies. Hierdie vrede oorskry wat vir ons natuurlik sou voorkom en veroorsaak dat ons in ons omstandighede kalm bly. Dit hou wag oor jou hart. Ons verloor nie ons denke nie en ons harte hou aan om te klop soos dit moet. Die vrede hou ons denke en liggame gesond. God se vrede veroorsaak nie net 'n reaksie in my siel nie, maar ook in my liggaam. Ek is gesond te midde van moeilike omstandighede. 

Die vrede van God oriënteer jou en hou jou op Christus gefokus. Dit laat jou toe om die realiteit van Christus te beleef, want jy sou nie die omstandighede kon weerstaan en op dieselfde manier lewe as jy Christus nie in jou lewe gehad het, en aan die Gees onderworpe was nie. Die vrede van God veroorsaak dat jy op Christus gefokus is en verstaan dat alles slegs moontlik is deur sy werk in ons. 

Die resultaat is vrede te midde van teëspoed. Die probleme is moontlik steeds daar en jou omstandighede verander nog nie, maar jou lewe is nie afhanklik daarvan om te weet wanneer die swaarkry gaan ophou nie. Jou lewe is van God afhanklik. Om God se vrede te beleef, help my om gedurende moeilikheid kalm en veilig te bly. 

Paulus leer ons nie dat ons nie probleme gaan beleef met 'n lewe in Christus nie. Sy lering is nie oor 'n evangelie van 'n gelukbringer met alles wat perfek is nie. Dit is nie so nie! Paulus sê dat diegene wat in Christus lewe deur dieselfde omstandighede kan gaan as enige ander persoon, maar die groot verskil is dat Christus, wat die vrede van God is, die effek van 'n lewe in die Gees te voorskyn bring. Dit is 'n ander realiteit wat alle verstand te bowe gaan.