Leef 'n Lewe Wat God EerVoorbeeld

Red die Doop?

Die doop is 'n belangrike ritueel, waardeur 'n Christen uiterlik identifiseer as 'n volgeling van Christus. Die fisieke handeling van die doop is nie wat ons red nie. Dit is die uiterlike teken van ons innerlike geloof wat 'n beroep op God doen vir die vergewing van ons sondes. Doop en geloof is baie nou verbind. Toe Jesus sy dissipels beveel het om die wêreld in te gaan om die evangelie te verkondig, het Hy belowe: "Wie tot geloof gekom het en gedoop is, sal gered word; wie nie glo nie, sal veroordeel word" (Markus 16:16).

Die rede waarom doop en geloof kan red is deur die "opstanding van Jesus Christus". Die water van die doop maak nie ons harte skoon nie, net die versoenende dood van Jesus kan dit doen. Hy het in ons plek gesterf en weer opgestaan om die krag van sonde en die dood te verbreek. As gevolg van sy offer kan ons nou "volle geloofsekerheid" hê. "Ons harte is immers gereinig van 'n skuldige gewete, en ons liggame is gewas met skoon water."

"Deur die doop is ons immers saam met Hom in sy dood begrawe, sodat, soos Christus deur die wonderbaarlike magsdaad van die Vader uit die dood opgewek is, ons ook so 'n nuwe lewe kan lei" (Romeine 6:4).

Is jy al gedoop?