12 Groot Foute Wat Ouers Kan VermyVoorbeeld

Ons Projekteer Ons Lewens Op Ons Kinders

“Hoe kan jy nog steeds nie hierdie woord spel nie? Jy is nou al in graad drie en ons oefen elke aand nou al vir die laaste drie dae!" sê 'n gefrustreerde ouer soos hulle onthou hoe hulle op skool 'n spelkompetisie in graad drie gewen — of verloor — het. Ons het dit al almal gedoen. Miskien was dit met bal slaan, woordsomme, in 'n rok te pas, 'n graad verwerf, universiteitstoelating kry of die regte beroep kies. Op 'n stadium het ons gehoop om deur die mensies te lewe wat van ons moet "afstam". Ons afstammelinge moet gemotiveer word deur ons momentum; nie teruggehou word deur ons vrese nie.

In vandag se video, noem Tim unieke teleurstellings — vir beide ouer en kind — wanneer ons probeer om ons sukses in ons kinders se optredes te vind. Nogtans is die probleem om ons identiteit op die verkeerde plekke te soek nie uniek nie. Ons soek ons waarde op die verkeerde plekke al vandat Adam en Eva die slang vertrou het — 'n klein, skubberige stukkie van God se skepping wat op die grond seil — om meer te weet as God.

Ons moet ons waarde by ons hemelse Vader soek elke keer wanneer ons voel ons projekteer ons lewens op ons kinders. Hy het sy Seun vir ons gegee om 'n pad te wees terug na Hom toe. Ons waarde is in 'n kind, maar dis nie in ons kinders nie, dis in God se enigste Seun, Jesus. God het ons nie lief omdat ons iets vir Hom gedoen het nie, Hy het sy liefde aan ons bewys deur Iemand wat Hy opgeoffer het vir ons. Ons moet dít eerstens werklik verstaan om ons ware identiteit te ontdek. Tweedens, as ouers, volg ons dan God se voorbeeld en ons offer die dinge op wat ons liefhet om ons kinders vry te stel van die drang om ander tevrede te stel. Daar word in elk geval te veel waarde aan spelkompetisies geheg.

Dink hieroor na: Hoe projekteer ek my lewe op my kinders? Hoe gaan ek eerder my aandag vestig op die waarde wat God aan my heg?