Verwag GodVoorbeeld

"... Ek kyk op na U, U wat in die hemel woon" (Psalm 123:1 NLV).

In hierdie Skrifgedeelte, kyk die psalmdigter na God toe op vir hulp. In Grieks, word die woord hulp as boetheia vertaal. Hierdie woord roep 'n prentjie op van iemand wat 'n hulpgeroep hoor en dadelik hardloop om hulp te verleen of ondersteuning te bied. "Boetheia" beskryf dus die hulp wat aangebied word om in 'n behoefte te voorsien. In die nie-kerklike Grieks, word die woord gebruik om mediese hulp of genesing te beskryf. 

Ons dogter het op die punt gestaan om ernstige, lewensveranderende chirurgie te ondergaan, maar dit sou nie tot genesing lei nie. Dit sou nie die probleem heeltemal regstel nie, maar was die beste wat die chirurg kon doen.

Ek weet egter God is die grootste en finale geneesheer. Teen daardie tyd het ek al baie genesende Skrifgedeeltes oor haar aangehaal en verklaar. Van al die verse wat ek oor haar gebid het, het ek nooit Psalm 123:1 gebruik nie. Ek dink God het daardie openbaring vir my teruggehou "vir so 'n geleentheid", wanneer ek dit werklik nodig gehad het. 

Psalm 123:1 kon so lees: "Ek kyk op na U, U wat uit die hemel heers, vir mediese hulp en vir genesing."

Ook Hebreërs 4:16 (ABA):

"Daarom moet ons nie bang wees om tot God te bid nie, God wat op sy troon sit, God wat genadig is. Ons moet na Hom toe gaan sodat Hy jammer kan wees vir ons en genadig kan wees vir ons, en sodat Hy vir ons kan help (boetheia) wanneer ons Hom nodig het."

God het my sagkens daaraan herinner om op te kyk en my oë op Hom te vestig, die Een wat oor mediese hulp en genesing beskik.  

Ek het myself begin herinner aan wie God is. Ek het begin om sy helende krag en vermoë te verklaar. Hy het my gevra om hoër te kyk as die berg wat ek in die gesig staar en toe vir my 'n prentjie gegee. Die prentjie was baie eenvoudig, maar uiters gerusstellend. Dit was 'n prentjie van sy hand wat op die berg rus. Vir sy hand om op die berg te kan rus, moet Hy hoër wees. Dit was 'n eenvoudige, tog kragtige herinnering dat Hy hoër en groter as enige berg is wat ons moet trotseer. 

Jeremia 32:27: "Ek is die Here die God van al die mense. Is iets vir My onmoontlik?"

Ongeag die situasie of omstandigheid waarin jy jou mag bevind, rig jou blik op die Een wat die hoogste is.