VerliesVoorbeeld

OM TE ROU

Hoe verwerk jy pyn of verlies? Sommige mense sit net moedverlore in ons hartseer en leef daarmee saam. Sommige kanaliseer dit na 'n kreatiewe uitlaatklep en skryf liedjies of skep kuns wat uit pyn gebore word. Sommige onderdruk dit, tree op asof alles goed gaan, en probeer om dit te vermy. Waar jy ook al op die lyngrafiek van "pynhantering" val, moet jy weet dat dit heeltemal in orde is om te treur ... om die pyn van verlies ten diepste te voel en om dit te verwerk. Volgens ons kultuur is ons nie geneig om dit goed te doen nie, maar ons kan leer deur na ander te kyk.

Die Ou Testamentiese profeet, Jeremia, was een van die grootste rouklaers in die geskiedenis. Hy het die onaangename opdrag gehad om aan die volk Israel hulle finale waarskuwing te gee dat om hulle van God af weg te keer, tot die vernietiging van hulle vaderland sou lei. Toe hulle nie luister nie, moes hy toekyk hoe alles gebeur. Probeer jouself dit indink om in jou tuisdorp te staan en toe te kyk hoe dit vernietig word, tot op die grond verbrand word, en dan word al jou medeburgers as slawe weggevoer ... dit is 'n vlak van verwoesting wat moeilik is om ten volle te kan begryp. Dit is in die nadraai van daardie nasionale tragedie dat Jeremia die boek Klaagliedere skryf. 

Wat ek hoop jy vandag sal sien, is die eerlikheid wat Jeremia het wanneer hy met God praat. Hy maak sy hart oop ... hy is diep ontsteld, hy is kwaad vir sy landgenote, hy is kwaad vir homself, hy is hartseer dat hierdie gebeurtenis in die eerste plek gebeur het. Hy probeer niks verdoesel nie, hy probeer nie optree asof hy dit verstaan nie ... hy sit net voor God en ervaar al die gevoelens. Weet jy wat, God is gediend daarmee. Trouens, Hy wil daardie soort diep persoonlike verhouding met elkeen van ons hê, waar ons weet ons kan enigiets vir Hom sê en Hy sal nie aanstoot neem of daardeur beledig voel nie. 

Dus, wat jy ook al nou hanteer — watter verlies ook al onverwags in jou wêreld ingebars het — moenie van daardie gevoelens af wegloop nie. Gaan na God toe met alles wat in jou hart en jou kop rondmaal en vertel Hom dat jy dit nie kan verstaan nie. Terwyl jy dit doen, is ek vol vertroue dat jy sal ontdek waaraan Jeremia herinner is aan die einde van die gedeelte wat jy netnou gaan lees ... dat God steeds God is, dat Hy ons liefhet, dit maak nie saak wat om ons aangaan nie en dat Hy baie, baie goed is! Uiteindelik sal 'n dag kom wanneer God ontslae sal raak van alle pyn, eens en vir altyd.