Laai die Bybeltoep afOm Goddelike Doelwitte te StelVoorbeeld
Die soldate vir wie Johannes toegespreek het, het in die Romeinse regering gedien. Daar is geen twyfel dat diegene in beheer van die soldate magsdronk was nie, en weens hierdie leierskapstyl was die soldate bekend daarvoor dat hulle hul mag oor die mense misbruik het.
Die eindresultaat: Wanneer aardse mag misbruik word, kry mense seer. Om ons mag te misbruik, is 'n simptoom van die begeerte na meer mag wat tot 'n onlesbare magsdors lei.
Geen bedrag geld sal jou bevredig nie. Geen posisie, applous, aantal volgelinge, ens. sal ooit genoeg wees nie.
Meer sal nie 'n aardse magstryd oplos nie, maar tevredenheid kan.
Tevredenheid is nie 'n bestemming wat ons bereik wanneer ons uiteindelik besluit ons het genoeg nie. Tevredenheid is 'n keuse dat, ongeag wat ons het, God genoeg is.
Die werklikheid is: God is vir die resultate verantwoordelik. Jou taak is gehoorsaamheid. Dis so eenvoudig.
Hoe gaan dit die manier verander waarop jy te werk gaan om jou doelwitte te bereik, as jy hier en nou besluit dat jy ongeag die eindresultaat vir God sal prys?
Of jy nou die doelwit behaal of nie bereik nie, God het nie verander nie en is ons lof waardig.
Kom ons besluit om ons tevredenheid in Hom te vind en nie in ons omstandighede nie.
Wanneer ons dit eers in ons gedagtes besluit het, is ons gereed om Goddelike doelwitte te stel.
Vader, help ons om na tevredenheid in U alleen te strewe. Openbaar meer van U aan ons. Laat ons meer na U en minder na hierdie wêreld verlang. Hou ons in die waarhede van u Woord geanker, ondanks die wêreld se geraas. Hou ons ver weg van die liefde vir geld en naby aan die rykdom van u liefde. Amen.
Aangaande hierdie leesplan
Doelwitte is goed ... solank hulle ons in God se rigting stuur. Indien jy dit oorweeg om doelwitte vir jouself te stel, gebruik dan hierdie leesplan as riglyn om te verseker dat waarna jy streef jou op koers hou vir Christus.
More
