Hernuwe Jou Huwelik in 31 DaeVoorbeeld

Niks kan verwoesting in jou huwelik veroorsaak nie, tensy jy meer daaroor dink as bid en dit meer aandag as Jesus kry.  

•••

Dit lyk asof die aandag wat ons aan 'n probleem gee, dikwels 'n groter probleem is as die eintlike probleem. Hoeveel keer was jy so bekommerd of gespanne oor iets, net om te sien dat dit uiteindelik goed uitwerk? Ek weet ek doen dit alewig. Ek raak so gespanne oor hoe ons dit of dat gaan betaal, of hoe ons op twee verskillende plekke tegelyk kan wees, en dan werk dit tog goed uit. Hoekom lyk dit of dinge uiteindelik goed uitwerk? Omdat ek 'n kind van God is, en terwyl ek my bekommer het, het God dinge vir my uitgewerk. Hy het 'n plan vir my probleem gehad! Hy het 'n antwoord vir my spanning gehad. As kinders van God het ons geen rede tot spanning of bekommernis nie. As kinders van die Skepper van alle tye, kan ons sy tydsberekening vertrou. As kinders van die Koning van die konings, is bekommernis tydmors. Ons is bedek. Ons word vasgehou. Ons word versorg. Ons is geliefd. Ons het 'n almagtige God wat gewillig en in staat is om vir ons in alle omstandighede of situasies in te tree, en dit ten goede te laat uitwerk. As daar iets in jou huwelik is wat die vreugde uit jou lewe steel, of as daar iets in jou huwelik is wat 'n padblokkade voor jou hoop opgerig het, moet jy die waarheid oor hierdie dinge, op hierdie oomblik in die Naam van Jesus uitspreek! Dit is net 'n kwessie van tyd! God is vir jou! Hy het 'n plan! Hy het 'n doel! Hy is goed! Hy is getrou! Vertrou Hom!