MigaVoorbeeld

Lees: Miga 1:2-7; 2 Konings 17:7-13

SOAP: Miga 1:2-3

Verdere leeswerk: 2 Kronieke 29

Ek kan my voorstel hoe Miga uitroep: “Luister, gee aandag! Die Here kom om teen julle te getuig.” Dis asof Israel verhoor word en die aanklaer het al hulle oortredings onthou. Die verse in 2 Konings 17 verstrek vir ons die redes waarom Israel in ballingskap geneem was en Miga sit in besonderhede uiteen hoe hulle ander gode gevrees het, afgode gedien en goddelose dinge gedoen het ... die lys hou aan en aan.

Die Israeliete het elke reël wat God vir hulle gegee het, oortree en op die verskriklikste maniere gesondig. En tog herinner vers 13 ons hoe God Israel en Juda oor en oor “deur elke profeet en siener” gewaarsku het: “Bekeer julle van julle verkeerde paaie. Kom my gebooie en voorskrifte na.” Miga was een van daardie profete wat na Juda toe gestuur was om hulle teen die naderende oordeel van God te waarsku.

Hierdie verse herinner ons so mooi daaraan dat die Here genadig is. Ons lys van sondes mag dalk net so lank soos die sondes van die mense van Israel en Juda wees. Tog het Hy hulle geleenthede gegee om hulle te bekeer, net soos wat Hy elke oggend vir ons nuwe genade aanbied. Kom, laat ons ophou om die geleenthede wat God vir ons gee, te verkwis en begin om volgens sy Woord te lewe

Hemelse Vader, vergewe my sonde. Dankie dat al my sondes in Christus vergewe is. Dankie vir u genade en goedheid. In die Naam van Jesus, amen.