Hoop IsVoorbeeld

Hoop Is Vir Ewig

Het jy al ooit die gesegde "moenie 'n berg van 'n molshoop maak nie” gehoor?

Sommige dae is dít makliker om te onthou as ander. Wanneer een kind 'n bohaai opskop in 'n kruidenierswinkel, oor 'n pakkie lekkers, is dit baie makliker om koelkop te bly as wanneer twee huil en onbeheersd tekere gaan. Wanneer jou baas vir jou een dringende taak gee, is dit makliker om kalm te bly as wanneer jy tegelykertyd met drie werkskrisisse toegegooi word.

Vir volgelinge van Jesus is dit moontlik om gemaklik te wees te midde van angstigheid. Johannes 14:1-3 sê dat wat ons op die aarde ondervind, nie die einde is nie. Jesus kom terug om ons te kom haal en die hartseer wat ons in hierdie lewe ondervind, sal soos 'n wasem voel vergeleke met die vreugde en vrede wat ons sal ondervind in die ewigheid saam met Hom. Die hoop wat ons in Jesus het, strek baie verder as die hartseer oor verhoudings, finansiële spanning en oorweldigende werk wat ons elke dag ondervind.

Wanneer Jesus terugkom, sal ons hoop volledig en vervuld wees. Ons hoef nie in vrees te lewe nie, want Jesus het reeds gesterf aan die kruis, opgestaan uit die dode en vrees oorwin. Die vrede wat ons sal ondervind in die ewigheid saam met Jesus, gaan soveel groter wees as die bekommernisse wat ons vandag ondervind. Om aan sy ewige hoop te dink, verander nie ons omstandighede nie, maar dit verander wel ons perspektief van wat hier en nou gebeur.

Bid:

Jesus, baie dankie dat U hoop aanbied vir 'n lewe wat verby die bekommernisse van hierdie lewe strek. Help my om U ewige hoop te onthou wanneer ek deur bekommernis begin oorweldig word.

Oordink:

Wat is die "klein dingetjies" in jou lewe wat jou vandag gefokus hou op spanning en bekommernis?

Hoe verander Jesus se belofte om terug te kom jou perspektief op die spanning in jou lewe?