God se HartklopVoorbeeld

EWIGE ROTS

Jesaja 26:3-4

O Vader, U is die ewige rots! U sal nie wankel nie; U sal nie verskuif word nie. Want wie is God, behalwe die Here? En wie is 'n rots, behalwe ons God? O Heilige Een, daar is niemand soos U nie! Ek kies om vir ewig op U te vertrou. U is my rots, my bergvesting en my redder, my God, my rots by wie ek skuil, my skild, my magtige redder, my veilige vesting. Dankie, Almagtige Een, dat U my wegsteek in die klipskeur sodat ek u heerlikheid wat verbygaan, kan aanskou. U, liefdevolle Here, is wonderskoon vir my! Hou my oë op U gevestig, sodat ek u Naam kan loof. En as my geloof wankel, en my hart afgemat word, lei my terug na die rots wat hoër as ek is. Want U is vir my 'n skuilplek en 'n sterk vesting teen die vyand. Ja, by U is ek veilig en geborge. Hou my in u teenwoordigheid sodat ek my huis op hierdie rots kan bou. Deur U, o God van my lewe, sal ek nie wankel nie, sal ek nie verskuif word nie.

© Chris Baxter 2014  Clear Day Uitgewers