God se HartklopVoorbeeld

REDDING

Jesaja 12:2

O Vader, U is my redder! My hart wag met dringendheid op u woorde van lewe; my siel smag na u dade van liefde. Ek roep weer eens na U: "Red my, o God, want die waters bedreig my lewe. Ek het diep in die modder weggesink, waar daar geen vastrapplek is nie; ek het in diepe waters beland, en 'n vloed oorweldig my. Ek is moeg gehuil; my keel is kurkdroog; my oë faal my terwyl ek op my God wag." O soete Verlosser, help my om U te onthou ... u sterkte, u krag, u mag, u liefde. Laat dit die koorde wees wat my uit die onstuimige golwe van my vrees, verwarring, twyfel en my ontsteltenis trek. Ja, o Vader, word asseblief weer my sterkte, my lied en my redding! My geloof is so klein soos 'n mosterdsaad, o Vader; dankie dat U niks meer as dit vra nie. Deur u onfeilbare liefde, kan ek alreeds aan hierdie woorde van hoop vashou: "Van bo af het Hy sy hand uitgesteek en my gegryp; uit diep waters het Hy my uitgetrek, Hy het my van magtige vyande verlos. Die Here hou my staande. Hy het my na 'n oop ruimte uitgelei; Hy het my gered omdat Hy my liefhet." Ja, binnekort sal my hart en my siel weer sing: "Hy het my redding geword."

© Chris Baxter 2014  Clear Day Uitgewers