God se HartklopVoorbeeld

RAADSMAN

Psalm 32:8

O Vader, U is die wyse Raadsman. Ek het U elke dag nodig; ek roep U aan; Ek vertrou op U. Help my om U te soek, om U met my hele hart te soek. Dankie vir u betroubare belofte dat ek U sal vind. God van wysheid, U weet watter planne U vir my het, planne vir voorspoed en nie teenspoed nie, om vir my 'n toekoms en verwagting te gee. Dankie vir hierdie waarheid, Vader. Gee vir my 'n hart wat U soek, en U alleen. Laat my u weë ken, o Here! Leer my u paaie. Lei my in u waarheid en onderrig my. Want U is die God van my heil. Vir U wag ek die hele dag. Help my om altyd te onthou en gehoorsaam te wees: U woord is 'n lamp vir my voete en 'n lig vir my pad. Vergewe my as ek elders soek! Ek bid dat U my na u lig sal bring. Ek hou aan die belofte in u Woord vas: Want wie het die gedagtes van die Here geken, dat hy Hom sou onderrig? Maar ons het die gedagtes van Christus! Hou my in u Woord, Vader, sodat my gedagtes, asook my pad, U s'n sal weerspieël.

© Chris Baxter 2014 Clear Day Uitgewers