Ek Wag Hier vir U. 'n Adventsreis van HoopVoorbeeld

GOD WERK TERWYL ONS WAG

OORDENKING

Om eerlik te wees; ons almal haat dit om te wag. Trouens, dikwels sê ons so iets: "Ek kan nie glo dit neem so lank nie; dit neem tyd in beslag wat ek nie het nie!" Die rede is omdat ons dit meestal as 'n vermorsing van tyd beskou om vir iets te wag. Dit is egter nie die geval met ons God nie.

God werk terwyl ons wag. Selfs wanneer jy nie kan sien wat Hy doen nie, is God altyd besig om die gebeure van die hemel en aarde so te bewerkstellig dat Hy sy doel vir jou lewe kan verwesenlik. Vertrou op sy onwrikbare liefde — liefde wat Hom gedwing het om 'n Verlosser uit die hemel te stuur om jou te herstel en te red. God se planne vir jou lewe sal nie in die wiele gery word nie. Wag geduldig en weet dat wag nooit nutteloos is wanneer jy op God wag nie.

NABETRAGTING

Kom, langverwagte Jesus

Kom, langverwagte Jesus
Gebore om u volk te bevry;
Van ons vrese en sondes ons te bevry,
Laat ons ons rus in U vind.
Israel se sterkte en troos,
Hoop van die hele aarde is U;
Geliefde begeerte van elke nasie,
Vreugde van alle verlangende harte.

Gebore om u volk te red,
'n Kind gebore en ook 'n Koning,
Gebore om vir ewig in ons te regeer.
U bring nou u goeie koninkryk.
Deur u eie ewige Gees
Regeer in al ons harte
Slegs deur u genoegsame verdienste,
Verhef ons tot u glorieryke troon.

Charles Wesley, 1707-1788

GEBED

Vader, ek wag hier vir U. My hart en hande is oop vir u doel en planne vir my lewe. Gee my die geduld wat ek so dringend nodig het en lei my terwyl ek wag. Alhoewel my gevoelens dalk nog nie in pas met U is nie, glo ek dat U nou, op hierdie oomblik, namens my werk — om te beskerm, te verdedig, voor te berei en te voorsien. Gee my genade om in die aangesig van die stormwinde van twyfel wat om my waai, op U te bly vertrou. Anker my hart in U. Amen.