Laai die Bybeltoep afOnverwagsVoorbeeld
Hoeveel van ons leef daagliks in vrees vir die toekoms net omdat ons nie weet wat dit inhou nie? Wanneer ons in der waarheid nie die verlede, hede of toekoms kan beheer nie? Jesus het direk met ons menslike neigings van vrees vir die onbekende en bekommernis oor die toekoms gepraat toe Hy gesê het: "Trouens, wie van julle kan deur hom te bekommer sy lewe met een enkele uur verleng? ... Moet julle dus nie oor môre bekommer nie, want môre bring sy eie bekommernis. Elke dag bring genoeg moeilikheid van sy eie" (Matteus 6:27, 34).
God wil hê ons moet Hom vertrou in plaas daarvan om bekommerd te wees, ongeag hoe ons toekoms lyk. Om Hom te vertrou, is 'n proses; nie 'n eenmalige gebeurtenis nie. Dit is die deurlopende reis wat "die lewe" genoem word. Dit is 'n siklus wat ons daagliks, uurliks, soms selfs minuut-tot-minuut herhaal wat tot bestendige groei lei. Ons oorkom en kry vrede, maar word dan deur nog 'n onverwagse terugslag getref . Elke keer as ons deur die siklus gaan, word ons sterker en meer volwasse.
As ons moedeloos word, wil God hê ons moet op Hom steun. "Dit sê Ek vir julle, sodat julle vrede kan vind in My. In die wêreld sal julle dit moeilik hê; maar hou moed: Ek het die wêreld klaar oorwin" (Johannes 16:33). In hierdie vers beteken om probleme te hê, "om verpletter te word". Onopgeloste, deurlopende probleme is geneig om ons te verpletter en te versmoor. Hulle oorweldig ons. Hulle probeer ons in 'n toestand van ewige vrees hou, maar ons moet leer hoe om die goeie stryd van geloof te veg, ten spyte van hoe ons voel.
God rus ons toe om vrees te weerstaan deur Hom te vertrou. As ons in plaas daarvan om bekommerd te wees met verwagting leef, kan ons met 'n hart vol hoop leef. Wanneer ons die beste verwag, in plaas van die ergste, kan ons elke dag met geloof gevul wees.
Aangepas uit"Unexpected: Leave Fear Behind, Move Forward in Faith, Embrace the Adventure" deur Christine Caine. Kopiereg © 2018 deur Christine Caine. Herdruk met toestemming van Zondervan Uitgewers. Alle regte voorbehou.
Skrif
Aangaande hierdie leesplan
Dit is tyd om vrees agter te laat, in geloof vorentoe te beweeg en om die avontuur aan te gryp. Met behulp van hierdie 14-dag leesplan gaan jy jou geloof versterk in 'n God wat goed is en leer om in die vreugdevolle vryheid van volkome vertroue in Hom te leef, selfs in onverwagte omstandighede.
More
