Oswald Chambers: Vrede - Lewe deur die GeesVoorbeeld

Die meeste mense sien nie wat verkeerd is nie, en die woorde van 'n profeet soos Jeremia is vir hulle onsin. Ons kan nooit die dinge wat verkeerd is in die gesig staar sonder om verward te raak nie. As sonde iets onbenullig is en ons vir die genesing van mense kan bid en self vrede kan bewerkstellig, is die tragedie van die kruis 'n groot fout. Om 'n lewe met Christus, in God te leef, beteken dat ons soms mense, wat sonder God leef, vanuit sy oogpunt sal sien. Dit beteken ook dat ons vir hulle sal bid, al kyk hulle met jammerte op ons neer.

Neem my verborge sondes weg. Weerhou my ook van moedswillige sonde. Ek wil graag u vrede en reinheid in my lewe ervaar!

OORDENKINGSVRAE:
1. Hoekom is dit nodig om eerlik te wees oor wat ons verkeerd doen, voordat ons vergewe kan word?
2. Hoekom is dit onmoontlik om vrede te maak waar sonde teenwoordig is?
3. Hoekom is reinheid 'n vereiste vir vrede?

Aanhalings uit: "Notes on Jeremiah" en "Knocking at God’s Door", © Discovery House Uitgewers.