'n Saak vir Christus LeesplanVoorbeeld

Wat is Betekenisvol van Jesus se Vergewing van Sonde?

Dokters sê dat mense soms sielkundige siektes kan hê, en wanneer hulle 'n nuwe doel of rigting in die lewe kry, ervaar hulle verligting van hulle simptome — hulle het nie meer die kruk van die siekte nodig nie. Vir ander, kan die "plasebo-effek" sigbare resultate hê. Dit beteken, as jy glo jy gaan beter word, word jy dikwels beter. Toe mense dus na Jesus gekom het, kon hulle geglo het dat Hy hulle kan genees en dus het Hy. Die feit bly egter staan: Ongeag van hoe Hy dit gedoen het, Jesus het hulle genees.

Natuurlik, selfs as jy hierdie verduideliking vir sommige gevalle aanvaar, verduidelik dit nie al Jesus se genesings nie. Daarteenoor neem psigomatiese genesing tyd, maar Jesus se genesings was onmiddellik. Dit gebeur ook dat die simptome van mense wat sielkundig genees is, na 'n paar dae terugkeer. Ons sien egter nie enige bewys hiervan in die evangelies nie. Jesus het toestande soos blindheid en melaatsheid genees, waarvoor 'n psigomatiese verduideliking baie onwaarskynlik is. Hierbenewens het Hy mense uit die dood opgewek — en die dood word nie deur sielkundige toestande veroorsaak nie! Laastens, is daar ook al die wonderwerke wat Hy in die natuur verrig het — soos die stilmaak van die storm op see en water wat in wyn verander is. Hulle almal weerspreek naturalistiese antwoorde.