Gewilde Bybelverse vanaf Levitikus Levitikus 26

Deel

En Ek sal onder julle wandel en vir julle 'n God wees, en julle sal vir My 'n volk wees.

Dan sal Ek vir julle reën gee op die regte tyd, en die land sal sy opbrings gee, en die bome van die veld sal hulle vrugte gee.

As julle in my insettinge wandel en my gebooie bewaar en dit doen

En Ek sal vrede gee in die land, en julle sal gaan lê, en niemand sal julle verskrik nie; en Ek sal bose diere uit die land uitroei, en die swaard sal nie deur julle land trek nie.

Want Ek sal vir julle ag gee en julle vrugbaar maak en julle vermeerder en my verbond met julle oprig.

Ek is die HERE julle God wat julle uit Egipteland uitgelei het, sodat julle nie hulle slawe sou wees nie; en Ek het die bande van jou juk verbreek en jou regop laat staan.

En Ek sal my tabernakel onder julle oprig, en my siel sal van julle geen afsku hê nie.

Julle mag vir julle geen drekgode of gesnede beeld maak nie, en vir julle geen staande beeld oprig nie, en geen klipbeeld in julle land oprig om daarvoor neer te buig nie; want Ek is die HERE julle God.

En julle sal ou voorraad eet en die oue voortbring ter wille van die nuwe.

En vyf van julle sal honderd agtervolg, en honderd van julle sal tienduisend op die vlug slaan, en julle vyande sal voor julle deur die swaard val.

En julle dorswerk sal tot by die oesjaar kom, en die oesjaar tot die saaityd; en julle moet julle brood volop eet en veilig in julle land woon.

En julle sal julle vyande agtervolg, en hulle sal voor julle deur die swaard val.

Julle moet my sabbatte onderhou en my heiligdom ontsien: Ek is die HERE.