Ukukhumbula konke uNkulunkulu akwenzileyo

Ukukhuculula Umphefumulo

Izenzo Zokuhlambuluka

Ukubona Ukuvuselelwa KukaNkulunkulu

Imizwa Engcwele - Izimpendulo ZeBhayibheli Kuzo Zonke Izinselelo

Ukusebenzisa isikhathi sakho kuNkulunkulu

UElisha: Indatshana Yokukholwa Okumangazayo

Ukukholwa Ubuhle BukaNkulunkulu Noma Kunjani

<div class="version vid286 iso6393zul" data-vid="286" data-iso6393="zul">
 <div class="book bkJHN">
 <div class="chapter ch17" data-usfm="JHN.17">
 <div class="label">17</div><div class="s1">Umkhuleko kaJesu ezikhulekela yena, nabafundi bakhe, nabo bonke abakholwayo</div><div class="p"> 1 UJesu wakhuluma lokho; wayesephakamisela amehlo akhe ezulwini, wathi: &#8220;Baba, isikhathi sifikile; khazimulisa iNdodana yakho, ukuze iNdodana ikukhazimulise wena, 2 njengalokho uyiphile amandla phezu kwenyama yonke ukuba bonke oyiphe bona ibaphe ukuphila okuphakade. 3 Ukuphila okuphakade yilokhu ukuba bazi wena Nkulunkulu wedwa oqinisileyo, nomthumileyo, uJesu Kristu. 4 Ngikukhazimulisile emhlabeni, ngifeze umsebenzi ongiphe wona ukuba ngiwenze. 5 Manje-ke ngikhazimulise wena Baba, kuwe uqobo, ngenkazimulo ebenginayo ngikuwe, izwe lingakabikho.</div><div class="p"> 6&#8220;Ngibonakalisile igama lakho kubantu ongiphe bona kwabasezweni; babengabakho, wangipha bona; baligcinile izwi lakho. 7Sebazi ukuthi konke ongiphe khona kuvela kuwe. 8 Ngokuba amazwi ongiphe wona ngibaphile wona, bawamukela, bazi isibili ukuthi ngavela kuwe, bakholwa ukuthi wangithuma wena. 9Ngiyabakhulekela bona; angikhulekeli izwe kepha labo ongiphe bona, ngokuba bengabakho. 10 Konke okwami kungokwakho, nokwakho kungokwami; ngikhazimulisiwe kubona. 11 Angisekho ezweni mina, basezweni bona, mina ngiza kuwe. Baba ongcwele, bagcine egameni lakho labo ongiphe bona, ukuze babe munye njengathi. 12 Lapho ngise nabo ezweni, ngabagcina egameni lakho labo ongiphe bona, ngabalonda; akakho kubo owalahleka, kuphela indodana yokulahlwa, ukuba kugcwaliseke umbhalo.</div><div class="p"> 13 &#8220;Sengiza kuwe kalokhu; ngikhuluma lokhu ezweni ukuba babe nokuthokoza kwami, kugcwale kubo. 14 Mina ngibanikile izwi lakho; izwe labazonda, ngokuba bengesibo abezwe, njengalokhu nami angisiye owezwe. 15 Angiceli ukuba ubasuse ezweni; kepha ngicela ukuba ubalonde kokubi. 16Abasibo abezwe, njengalokhu nami angisiye owezwe. 17Bangcwelise ngeqiniso, izwi lakho liyiqiniso. 18 Njengalokho wangithumela ezweni, nami ngibathumela ezweni. 19 Ngiyazingcwelisa ngenxa yabo ukuba bangcweliswe nabo ngeqiniso.</div><div class="p"> 20&#8220;Angiceleli laba bodwa kepha nalabo abakholwa yimi ngezwi labo 21 ukuba bonke babe munye, njengalokhu wena Baba ukimi, nami ngikuwe, ukuba nabo babe kithina, ukuze izwe likholwe ukuthi wena ungithumile. 22 Nenkazimulo ongiphe yona ngiyiphile bona, ukuze babe munye, njengalokhu thina simunye, 23 mina kubona, nawe kimina, ukuba bapheleliswe ebunyeni, ukuze izwe lazi ukuba wena ungithumile, wabathanda, njengalokho ungithandile.</div><div class="p"> 24 &#8220;Baba, ngithanda ukuba labo ongiphe bona nabo babe khona nami lapha ngikhona, ukuze babone inkazimulo yami ongiphe yona; ngokuba wangithanda, kungakasekelwa izwe.</div><div class="p"> 25 &#8220;Baba olungileyo, izwe kalikwazanga, kepha mina ngikwazile, nalaba bazile ukuthi ungithumile. 26 Ngibazisile igama lakho, ngizakubazisa lona ukuba uthando ongithande ngalo lube kubo, nami ngibe kubo.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkJHN">
 <div class="chapter ch18" data-usfm="JHN.18">
 <div class="label">18</div><div class="s1">Ukuboshwa kukaJesu</div><div class="r">(Math. 26:36,47; Mark. 14:43-50; Luk. 22:39,47)</div><div class="p"> 1 UJesu esekhulume lawo mazwi waphuma kanye nabafundi bakhe, waya phesheya komfudlana iKedroni, lapho kwakukhona insimu angena kuyo yena nabafundi bakhe.</div><div class="p"> 2NoJuda owamkhaphelayo wayeyazi leyo ndawo, ngokuba uJesu wayevama ukuhlangana khona nabafundi bakhe. 3 Khona uJuda, esethole isigaba samabutho nezikhonzi kubapristi abakhulu nabaFarisi, waya lapho, benezihlanti nezibani nezikhali.</div><div class="p"> 4 Khona uJesu ekwazi konke okuyakumehlela waphuma, wathi kubo: &#8220;Nifuna ubani na?&#8221;</div><div class="p"> 5Bamphendula bathi: &#8220;UJesu waseNazaretha.&#8221;</div><div class="p">UJesu wathi kubo: &#8220;Yimina.&#8221; UJuda omkhaphelayo wayemi nabo. 6Kuthe-ke ukuba athi kubo: &#8220;Yimina,&#8221; bahlehla nyovane, bawa phansi.</div><div class="p"> 7Waphinda wababuza wathi: &#8220;Nifuna ubani na?&#8221;</div><div class="p">Bathi: &#8220;UJesu waseNazaretha.&#8221;</div><div class="p"> 8UJesu waphendula wathi: &#8220;Nginitshelile ukuthi yimina; uma-ke nifuna mina, bayekeni laba, bahambe,&#8221; 9 ukuba ligcwaliseke izwi alishiloyo lokuthi: &#8220;Kulabo ongiphe bona angilahlekelwanga namunye.&#8221;</div><div class="p"> 10 USimoni Petru enenkemba wayihosha, wayigenca inceku yompristi omkhulu, wayinquma indlebe yokunene. Igama lenceku lalinguMalkusi.</div><div class="p"> 11Khona uJesu wathi kuPetru: &#8220;Faka inkemba emgodleni wayo; angiyikusiphuza kanti isitsha anginike sona uBaba na?&#8221;</div><div class="s1">Ukuthethwa kwecala likaJesu</div><div class="r">(Math. 26:57; Mark. 14:53; Luk. 22:54)</div><div class="p"> 12 Njalo-ke isigaba nenduna yenkulungwane nezikhonzi zabaJuda bambamba uJesu, bambopha; 13baqala bamyisa ku-Anase, ngokuba engumukhwe kaKayafase obengumpristi omkhulu walowo mnyaka. 14 UKayafase kambe nguye owaluleka abaJuda ngokuthi kubalungele ukuba kufe umuntu abe munye ngenxa yesizwe.</div><div class="p"> 15USimoni Petru walandela uJesu nomunye umfundi. Lowo mfundi wayaziwa ngumpristi omkhulu, wangena noJesu egcekeni lompristi omkhulu; 16kepha uPetru wayemi ngaphandle emnyango. Waphuma-ke lowo mfundi omunye owaziwa ngumpristi omkhulu, wakhuluma nomlindikazi womnyango, wamngenisa uPetru.</div><div class="s1">Ukuphika kukaPetru</div><div class="r">(Math. 26:69; Mark. 14:66; Luk. 22:54)</div><div class="p"> 17 Intombazana elinda emnyango yayisithi kuPetru: &#8220;Imbala nawe awusiye owabafundi balowo muntu na?&#8221;</div><div class="p">Wathi yena: &#8220;Angisiye.&#8221;</div><div class="p"> 18Kwakumi khona izinceku nezikhonzi zibasile umlilo wamalahle, ngokuba kwakumakhaza, zotha; noPetru wayenazo otha.</div><div class="p"> 19Kepha umpristi omkhulu wabuza uJesu ngabafundi bakhe nangemfundiso yakhe.</div><div class="p"> 20 UJesu wamphendula wathi: &#8220;Ngikhulumile obala ezweni. Ngezikhathi zonke bengifundisa esinagogeni* nasethempelini, lapho abaJuda bonke bebuthana khona, angikhulumanga lutho ngasese. 21Ubuzelani kimi na? Buza kulabo abezwile lokho engakukhuluma kubo; bheka, bona bayakwazi engakushoyo.&#8221;</div><div class="p"> 22Esasho lokho, esinye isikhonzi esasimi khona sammukula uJesu, sathi: &#8220;Uphendula umpristi omkhulu kanjalo na?&#8221;</div><div class="p"> 23UJesu wasiphendula wathi: &#8220;Uma ngikhulume kabi, fakaza ngalobo bubi; kodwa uma kukuhle, ungishayelani na?&#8221; 24U-Anase wamthumela eboshiwe kuKayafase umpristi omkhulu.</div><div class="s1">UJesu uphikwa nguPetru ngokwesibili nangokwesithathu</div><div class="p"> 25 Kepha uSimoni Petru wayemi otha. Bathi-ke kuye: &#8220;Imbala nawe awusiye owabafundi bakhe na?&#8221;</div><div class="p">Waphika yena, wathi: &#8220;Angisiye.&#8221;</div><div class="p"> 26Enye yezinceku zompristi omkhulu, eyisihlobo salowo ondlebe yaso uPetru abeyinqumile, yathi: &#8220;Angikubonanga yini mina ensimini unaye na?&#8221; 27Wabuye waphika uPetru; masinyane lakhala iqhude.</div><div class="s1">UJesu ephambi kukaPilatu</div><div class="r">(Math. 27:11; Mark. 15:1; Luk. 23:1)</div><div class="p"> 28 Base bekhipha uJesu kuKayafase, bemyisa endlini yokwahlulela; kwakusekuseni. Kepha bona kabangenanga enqabeni ukuba bangangcoli kodwa babe nokudla iphasika. 29Khona uPilatu waphumela kubo, wathi: &#8220;Nimthwesa cala lini lo muntu na?&#8221;</div><div class="p"> 30Baphendula, bathi kuye: &#8220;Uma lona ebengesiye owenza okubi, nga singamlethanga kuwe.&#8221;</div><div class="p"> 31 Khona uPilatu wathi kubo: &#8220;Mthatheni nina, nimahlulele ngomthetho wakini.&#8221;</div><div class="p">Bathi kuye abaJuda: &#8220;Asivunyelwe ukubulala umuntu,&#8221; 32 ukuba kugcwaliseke izwi likaJesu alishilo lapha ebonisa ukuthi uyakufa ngokufa okunjani.</div><div class="p"> 33 UPilatu wabuye wangena enqabeni, wabiza uJesu, wathi kuye: &#8220;Wena uyinkosi yabaJuda na?&#8221;</div><div class="p"> 34UJesu waphendula wathi: &#8220;Uzisholo lokhu wena, noma kusho abanye kuwe ngami na?&#8221;</div><div class="p"> 35UPilatu waphendula wathi: &#8220;Kanti ngingumJuda yini mina na? Isizwe sakini nabapristi abakhulu bakunikezele kimi; wenzeni na?&#8221;</div><div class="p"> 36 UJesu waphendula wathi: &#8220;Umbuso wami awusiwo owaleli zwe. Uma umbuso wami ubungowaleli zwe, izikhonzi zami zaziyakulwa ukuba nginganikezelwa kubaJuda. Kepha kalokhu umbuso wami awusiwo owalapha.&#8221;</div><div class="p"> 37 Wayesethi uPilatu kuye: &#8220;Kanti nokho uyinkosi na?&#8221;</div><div class="p">UJesu waphendula wathi: &#8220;Usho khona. Ngiyinkosi; ngizalelwe lokho, ngafikela lokho ezweni ukuba ngifakazele iqiniso. Bonke abeqiniso bayalizwa izwi lami.&#8221;</div><div class="p"> 38Wathi uPilatu kuye: &#8220;Iqiniso liyini na?&#8221; Eseshilo lokho wabuye waphumela kubaJuda, wathi kubo: &#8220;Angifumani cala kuye. 39 Kepha ninesiko lokuba nginikhululele omunye ngePhasika; ngakho niyathanda ukuba nginikhululele inkosi yabaJuda na?&#8221;</div><div class="p"> 40Khona babuye bamemeza bonke, bathi: &#8220;Qha lona, kodwa uBaraba.&#8221; Kepha uBaraba wayengumphangi.</div>
 </div>
 </div>
</div>

Indaba yePhasikaIsampula

UmBhalo

Mayelana naloluHlelo

Izinhlelo zohlobo olufanayo