Gbígbé Ìgbé Ayé Ọ̀tọ̀: Gbígba Ẹni Tí A Jẹ́Àpẹrẹ

Kíkó Ìdánimọ̀ Nínú Krístì Mọ́ra

Ìyàtọ̀ kan wà láàrin mímọ ohun tí a kọ sínú Bíbélì àti gbígbàgbọ́ jinlẹ̀ nínú rẹ̀ dé'bi tí ó yí ayée wa padà. Gbígba ìdánimọ̀ wa nínú Krístì nítòótọ́ ni ohun tí ó fún wa ní ipá láti d'ojú kọ ìdánwò pẹ̀lú ìgboyà. Ó kún ayé wa pẹ̀lú ayọ̀, àlàáafíà, àti èrèdí. Ó mú kí a leè fẹ́ràn ara wa nítorí péÓ fẹ́ràn wa. Níní òye ẹni tí a jẹ́ àti ti ẹni tí a jẹ́ yí gbogbo nnkan padà, ṣùgbọ́n a ní láti máa kíyè sára nígbàgbogbo.

Láti kété tí a bá ti bẹ̀rẹ̀ sí gbàgbọ́ pé a ní'ye lórí, pé a fẹ́ràn wa, àti pé Ọlọ́run ti yà wá s'ọ́tọ̀, ni ọ̀tá ti máa fẹ́ ká gbogbo rẹ̀ kúrò. Ó kórìra kí á fi ìdanimọ̀ kọ́ sínú Jésù nítórí pé ó máa ń sọ ọ́ di alàìlágbára nínú ayé wa àti ayé àwọn ẹlòmíràn nítorí pé àwọn náà máa wá ní ìrètí. A kò lè gba Sàtánì láàyè láti rán wa létí ohun tó ti kọjá sẹ́hìn nínú ayé wa tàbí kí ó pàrọwà fún wa pé a kò lè yí padà. Bíbélì sọ pé nígbà tí a bá gba Jésù sínú ọkàn wa, a di ẹ̀dá títun. Oore ọ̀fẹ́ rẹ̀ bo ẹ̀ṣẹ̀ wa, ìtìjú wa àti ohun tí ó ti kọjá sẹ́hìn. A ní láti di òtítọ́ pé a jẹ́ Tirẹ̀ mú ṣinṣin.

Ó rán mi létí igi kan nínú àgbàlá wa. Nígbà tí wọ́n kọ́kọ́ gbìn ín, ó nílò irin láti gbé e dúró kí ó sì fún un lágbára. B'ọ́jọ́ ṣe ń gorí ọjọ́, igi náà hù yí irin yìí ká, t'ó jẹ́ kí ó má ṣeéṣe láti yọ irin yì kúrò. Báyìí, irin ti di ara kanná pẹ̀lú igi. Bákannáà, òtítọ́ Ọlọ́run ń fún wa ní okun. Tí a bá dìí mú pẹ́ tó, á di ara ìdánimọ̀ wa tí a kò lè ṣí kúrò.

Ìgbésẹ̀:

Ọlọ́run f'arabalẹ̀ láti dá gbogbo ohun tí ó mú kí ó jẹ́ ìwọ. O rí ojúlówó rẹ Ó sì fẹ́ràn rẹ láìka ohunkóhun sí. Jẹ́ kí òtítọ́ yìí wọlé sínú rẹ. Má sálọ fún un, má sápamọ́ fún un, má sì gbìyànjú láti f'ọwọ́ rọ́ ọ sẹ́gbẹ̀ẹ́. Béèrè kí Ọlọ́run ràn ọ́ lọ́wọ́ láti gbà á gbọ́ kí ó sì di ohun tí a kò lè yà kúrò láyé rẹ. Nígbà tí o bá gba ìdánimọ̀ rẹ nínú Krístì ní tòótọ́, wàá di òmìnira kúrò lọ́wọ́ irọ́ tí ó dè ọ́ mọ́lẹ̀, wàá sì ní ìgboyà láti d'ojú kọ ìdánwò kídánwò.

Ọlọ́run Bàbá, o ṣeun pé o darí mi sí ìlànà ẹ̀kọ́ yìí o sì ràn mí lọ́wọ́ láti bẹ̀rẹ̀ ìrìnàjò fífi ìdánimọ̀ mí lélẹ̀ nínú rẹ. Dákun ràn mí lọ́wọ́ láti rí àwọn àkọlé tí mo ti ń gbé lábẹ́ẹ wọn gẹ́gẹ́ bí irọ́ tí wọ́n jẹ́ kí O sì ràn mí lọ́wọ́ láti fi òtítọ́ Rẹ rọ́pò wọ́n. Ràn mí lọ́wọ́ láti má fi ara mi wé àwọn elòmíràn kí n ṣì yé gba ìbára-ẹni sọ̀rọ̀ òdì láti darí ayé mi. Fún mi ní ojú tó rí ara mi gẹ́gẹ́ bí o ṣe rí mi - ẹni tí a fẹ́, tí ó ṣe iyebíye, tó wu ni, tó lágbára, tó ní ẹ̀bùn tó yàtọ̀, tí a sì dá pẹ̀lú ẹwà. Ìwọ ni mo fẹ́ kí wọ́n fi ṣe àpèjúwe mi, kìí ṣe nnkan míràn. Mo fún òtítọ́ rẹ ní àṣẹ lórí ayé mi mo sì bèèrè pé kí o fi hàn mí bí mo ṣe leè mú ìjọba Rẹ gbòòrò pẹ̀lú ohun tí O fi fún mi. O ṣeun fún ìfẹ́ àìlódiwọ̀n tí kò pa mí tì síbi tí mo wà ṣùgbọ̀n tí ó ń fà mí súnmọ́ ọ̀dọ̀ Rẹ síi. Mo fẹ́ràn Rẹ mo sì gbẹ́kẹ̀lé Ọ. Ní orúkọ ńlá Jésù, àmín. 

A gbàdúrà pé kí Ọlọ́run lo ìlànà ẹ̀kọ́ yìí láti bá ọkàn rẹ pàdé. 

Ṣàwárí Àwọn È̩kọ́ Bíbélì Míràn Lórí Gbígbé Ayé Tóti N'ìyípadà

Kọ́ Síi Nípa Iṣẹ́ Ìránṣẹ́ Àwọn Obìnrin Tí Ó Yípadà