Kíni Ìdí Àjíǹde?Àpẹrẹ

Kí nìdí tó fi wá sáyé, kí sì nìdí tó fi kú?  

Jésù nìkan ni ẹni tó yàn láti di bí bí, ó sì tún jẹ́ ọ̀kan lára àwọn dí ẹ̀ tó yàn láti kú. Ó sọ pé ìdí tí Ó ún fi wá ni pé kí Ó kú fún wa. Ó wá láti 'fi ẹ̀mí rẹ̀ ṣe ìràpadà ọ̀pọ̀ ènìyàn.' (Máàkù 10:45).

Jésù sọ pé Òun kú 'fún' wa. Ọ̀rọ̀ náà 'fún' túmọ̀ sí 'dípò.' Ó ṣe bẹ́ẹ̀ torí pé ó nífẹ̀ẹ́ wa, kò sì fẹ́ ká jìyà fún gbogbo àṣìṣe wa. Nígbà tó wà lórí àgbélébùú, ohun tó ń sọ ni pé, 'Èmi yóò gba gbogbo àwọn ǹkan yẹn sórí ara mi'. Ó ṣe é fún ọ, Ó sì ṣe é fún mi. Tí ó bá ṣe pé èmi tàbí ìwọ nìkan la wà láyé yìí, Yóò ṣe é fún wa síbẹ̀. Pọ́ọ̀lù ẹni mímọ́ nì kọ̀wé nípa 'Ọmọ Ọlọ́run, tí ó nífẹ̀ẹ́ mi, tí ó sì fi ara rẹ̀ lélẹ̀ fún mi' (Gálátíà 2:20). Ìfẹ́ tó ní sí wa ló mú kó fi ẹ̀mí Rẹ̀ lélẹ̀ gẹ́gẹ́ bí ìràpadà.

Ọ̀rọ̀ náà "ìràpadà" wá látinú oko-òwò ẹrú. Ẹni rere lè ra ẹrú kan, kó sì dá a sílẹ̀ lómìnira, àmọ́ ó gbọ́dọ̀ kọ́kọ́ san owó ìràpadà. Jésù fi ẹ̀jẹ̀ rẹ̀ san ìràpadà lórí àgbélébùú láti dá wa nídè.