Kíni Ìdí Àjíǹde?Àpẹrẹ

Kíni ìdí tí a ṣe nílò Jésù?

A dá ìwọ àti èmi láti gbé nínú ìbátan pẹ̀lú Ọlọ́run. Tí a kò bá tíì ní ìbátan yìí, yíò dàbí wípé n ǹkankan sọnù nínú ayé wa. Nítorí èyí, a má ń sábà sàkíyèsí àlàfo yìí. Ọ̀kan nínú àwọn akọrin òde òní ṣàlàyé rẹ̀, ó ní: 'Mo ní àlàfo kan tí ó jinlẹ̀ nínú mi.'

Arábìnrin kan kọ ìwé ránsẹ́ sí mi, ó kọ nípa àlàfo tí ó jìn. Ọ̀dọ́mọbìnrin kan náà sọ nípa 'ìṣù kan tí ó sọnù nínú ẹ̀mí rẹ.'

Àwọn ènìyàn a máa gbìyànjú láti fi n ǹkan dí àlàfo yìí ní orísìrísi ọ̀nà. Àwọn kan gbìyànjú lati fi owó dí àlàfo yìí, ṣùgbọ́n èyí kò fún wọn ní ìtẹ́lọ́rùn. Aristotle Onassis, ẹni tí ó jẹ́ ọ̀kan nínú àwọn tí ó ní owó jù ní àgbáyé, sọ ní ìgbẹ̀yìn ayé rẹ: 'Àràádọ́ta ọ̀kẹ́ kì í fìgbà gbogbo pọ̀ sí ohun tí ènìyàn nílò nínú ìgbésí ayé

Àwọn míràn gbìyànjú láti lo àwọn ògùn olóró tàbí otí àmupára tàbí ìbálòpọ̀ panságà. Ọ̀dọ́mọbìnrin kán sọ fún mi, ó ní, ' Gbogbo àwọn nǹkan yìí á fún ènìyàn ní ìdùnnú ìgbà díẹ̀ ṣùgbọ́n láìpẹ́ ojú a wá lẹ̀ yíò sì padà sí ìmọ̀lára kòrọ̀ fọ yìí.' Áwọn míràn a sì tún gbìyànjú láti ṣiṣẹ́ àsekára, tàbí orin kíkọ, ṣeré ìdárayá tàbí kí wọ́n máa wá àṣeyọrí. Bí ó tilẹ̀ jẹ́ pé kìí ṣe pé àwọn ìgbìyànjú yìí kò dára ní ti ara wọn, ṣùgbọ́n wọn ò le dípò ìpòǹgbe tí ó wà nínú àwa ọmọ ènìyàn.

Kódà ìbátan tí ó súnmọ́ jù láàrin àwa ọmọnìyàn, wọ́n dára lọ́pọ̀lọpọ̀, ṣùgbọ́n wọn kò le dípò 'àlàfo tí ó jinlẹ̀ nínú wa'. Kò sí ohun tí ó lè dí àlàfo yìí àfi ìbátan pẹ̀lú Ọlọ́run, tí ó jẹ́ ìdí tí a ṣe dá wa.

Gẹ́gẹ́ bí a ṣe kọ́ nínú Májẹ̀mú Títún, ìdí àlàfo yìí ni wípé ọkùnrin àti obìnrin ti kọ ẹ̀yìn wọn sí Ọlọ́run.

Jesu wí fún wọn pé, “Èmi ni oúnjẹ ìyè'(John 6:35 Byo). Òhun nìkan ni ó lè tẹ́ wa lọ́rùn nítorí wípé òhun ni ó ń jẹ́ kí ìbátan wa padà pẹ̀lú Ọlọ́run ṣeéṣe.

a) Ó ń tán ìpòǹgbe wa fún ìtumọ̀ àti ète Ọlọ́run nínú ìgbésí ayé

Nínú ìbátan pẹ̀lú asẹ̀dá wà nìkan ni a lè ri ìtumò tòótọ́ àti ète Ọlọ́run fún ayé wa.

b) Ó ń tán ìpòǹgbe wa fún ìyè tí ó kọjá ikú

Ọ̀pọ̀lọpọ̀ ènìyàn ni kò fẹ́ kú. À ńfẹ́ láti yè kọjá ikú. Nínú Jésù Krístì nìkan ni a rí ìyè àìnípẹ̀kun.

c) Ó ń tán ìpòǹgbe wa fún ìdáríjì

Tí a bá jẹ́ olóòtítọ́, gbogbo wa ni á gbà wípé à ńṣe àwọn nǹkan tí a mọ̀ wípé kò tọ́ láti ṣe. Nípa ikú Jésù lórí igi àgbélèbú, Jésù jẹ́ kí ó ṣeéṣe fún wa láti rí ìdáríjì kí á sì mú wa padà bọ̀ sínú ìbátan pẹ̀lú Ọlọ́run