UMarko

ULuka

KaYohane

IZenzo

2 KwabaseKorinte

KwabaseRoma

eyo-1 neye-2 KwabaseTesalonika

eyo-1 neye-2 kaTimoti

KumaHebhere

1 KwabaseKorinte

<div class="version vid281 iso6393xho" data-vid="281" data-iso6393="xho">
 <div class="book bkMAT">
 <div class="chapter ch13" data-usfm="MAT.13">
 <div class="label">13</div><div class="s1">Umzekeliso womhlwayeli</div><div class="r">(UMarko 4:1-20; uLuka 8:4-15)</div><div class="p"> 1Ke kaloku, kwangaloo mini waphuma uYesu endlwini, waya wahlala ngaselwandle. 2Kwahlanganisana kuye abantu abaninzi, wada yena wangena emkhombeni, wahlala phantsi; zathi zonke izihlwele zema elunxwemeni.</div><div class="p"> 3Wathetha kubo iindawo ezininzi ngemizekeliso, esithi, Yabonani, umhlwayeli waphuma waya kuhlwayela. 4Ekuhlwayeleni kwakhe inxalenye yeenkozo yawa ngasendleleni, zeza iintaka zayidla zayigqiba. 5Ezinye ke zawa ezindaweni ezilulwalwa, apho bezingenamhlaba mninzi; zaphuma ke kwaoko, ngenxa yokuba bezingenabunzulu bamhlaba; 6zathi ke lakuphuma ilanga zatsha, zaza ngenxa yokuba zingenangcambu zoma kwaphela. 7Ezinye ke zawa emithaneni enameva, yaza imithana enameva yakhula yaziminxa. 8Ezinye ke zawa kuwo wona umhlaba omhle, zanika iziqhamo, olunye lwanika ikhulu, olunye amashumi amathandathu, nolunye amashumi amathathu. 9Lowo uneendlebe zokuva makeve.</div><div class="p"> 10Beza abafundi bathi kuye, Kungani na ukuba uthethe kubo ngemizekeliso? 11Waphendula ke wathi kubo, Kungokuba nikuphiwe nina ukuzazi iimfihlelo zobukumkani bamazulu, babe ke bona bengakuphiwanga. 12Kuba osukuba enako, yena uya kuphiwa, aze abe nako ngokugqithiseleyo; kodwa osukuba engenako, uya kuhluthwa kwanoko anako. 13Ngenxa yoko ndithetha nabo ngemizekeliso; ngokuba bebona nje bengaboni, besiva nje bengeva, bengaqondi nokuqonda. 14Sizalisekele kubo ke isiprofeto sikaIsaya esithi,</div><div class="b"></div><div class="q1">Ukuva niya kuva, ningakhe niqonde;</div><div class="q1">Nithi nibona nje nibone, ningakhe niqiqe;</div><div class="q1"> 15Kuba intliziyo yaba bantu ithe fithi kukutyeba,</div><div class="q1">Beva ngeendlebe ezithe nkqi,</div><div class="q1">Bayawacima namehlo abo;</div><div class="q1">Hleze babone ngamehlo,</div><div class="q1">Beve ngeendlebe,</div><div class="q1">Baqonde ngentliziyo,</div><div class="q1">Bajike,</div><div class="q1">Ndibaphilise.</div><div class="qr">(UIsaya 6:9,10)</div><div class="b"></div><div class="p"> 16Kodwa nina, anethamsanqa amehlo enu, ngokuba ebona; neendlebe zenu, ngokuba zisiva. 17Kuba ndithi kuni, Inene, baninzi abaprofeti nabantu abangamalungisa, abanqwenel&#225;yo ukuzibona izinto enizibonayo &#224;bazibona; nokuziva izinto enizivayo, &#224;baziva.</div><div class="p"> 18Nina ngoko wuveni umzekeliso womhlwayeli: 19akubon' ukuba ubani uyaliva ilizwi lobukumkani, engaliqondi, uyafika ongendawo, akuhluthe okuhlwayelwe entliziyweni yakhe; lo nguye lowo wahlwayelwa ngasendleleni. 20Lowo ke uhlwayelwa ezindaweni ezilulwalwa, ngulo ulivayo ilizwi, alamkele kwaoko ngovuyo; 21abe ke engenangcambu ngaphakathi kwakhe, eme umzuzwana kodwa; uthi ke kwakuhla imbandezelo nokuba yintshutshiso ngenxa yelizwi, akhutyekiswe kwaoko. 22Lowo ke uhlwayelwe emithaneni enameva, ngulo ulivayo ilizwi, lithi ke ixhala leli phakade, nokulukuhla kobutyebi, kuliminxe ilizwi, lisuke lingabi nasiqhamo. 23Lowo ke uhlwayelwe kuwo umhlaba omhle, ngulo ulivayo ilizwi aliqonde; othi yena okunene axakathe iziqhamo; omnye ke enze ikhulu, omnye amashumi amathandathu, nomnye amashumi amathathu.</div><div class="s1">Umzekeliso womdiza</div><div class="p"> 24Wababekela omnye umzekeliso, esithi, Ubukumkani bamazulu bufanekiswa nomntu owahlwayela imbewu entle entsimini yakhe. 25Kuthe ke, xa baleleyo abantu, lwafika utshaba lwakhe, lwahlwayela umdiza phakathi kwengqolowa, lwemka. 26Ithe ke yakudubula, yakuba neenkozo, wandula ukubonakala nomdiza. 27Bezile ke abakhonzi bomninindlu, bathi kuye, Nkosi, ubungahlwayelanga imbewu entle yini na entsimini yakho? Phofu iwuzuze phi na umdiza? 28Wathi ke kubo, Ngumntu olutshaba owenze le nto. Bathi ke abakhonzi kuye, &#217;yathanda na ke ukuba siye siwubuthe? 29Uthe ke, Hayi; hleze nithi, xa niwubuthayo umdiza, nincothule nengqolowa kunye nawo. 30Yekani kukhule ndawonye kokubini, kude kube sekuvuneni; ngenxa ke lokuvuna ndothi kubavuni, Buthani kuqala umdiza, niwubophe ube zizithungu, utshiswe, kodwa yona ingqolowa yihlanganiseleni kuvimba wam.</div><div class="s1">Umzekeliso wokhozo lwemostade nowegwele</div><div class="r">(UMarko 4:30-34; uLuka 13:18-21)</div><div class="p"> 31Wababekela omnye umzekeliso, esithi, Ubukumkani bamazulu bufana nokhozo lwemostade, awaluthabathayo umntu, waluhlwayela entsimini yakhe; 32lona loluncinane okunene kuzo zonke iimbewu; kodwa xa luthe lwahluma, luyayidlula imifuno ngobukhulu, lube ngumthi, ngokokude iintaka zezulu zize zihlale emasebeni awo.</div><div class="p"> 33Wathetha omnye umzekeliso kubo, esithi, Ubukumkani bamazulu bufana negwele, awalithabathayo umfazi, walifihla ezilinganisweni&#8226; zozithathu zomgubo, wada wabaliswa uphela.</div><div class="b"></div><div class="p"> 34Ezi ndawo zonke uYesu wazithetha ngemizekeliso kuzo izihlwele; akathethanga kungengamzekeliso kuzo; 35ukuze kuzaliseke okwathethwayo ngomprofeti, esithi,</div><div class="b"></div><div class="q1">Ndiya kuwuvula ngemizekeliso umlomo wam,</div><div class="q1">Ndiya kukhupha izinto ezazifihliwe kwasekusekweni kwehlabathi.</div><div class="qr">(INdum. 78:2)</div><div class="s1">Inkcazo yomzekeliso womdiza</div><div class="p"> 36Waza uYesu akuzindulula izihlwele wangena endlwini. Beza kuye abafundi bakhe, besithi, Sixelele umzekeliso womdiza wentsimi. 37Waphendula ke wathi kubo, Lo uhlwayela imbewu entle nguNyana woMntu; 38intsimi ke lihlabathi; imbewu ke entle ngoonyana bobukumkani abo; umdiza ke ngoonyana bongendawo; 39utshaba ke olwawuhlwayelayo wona nguMtyholi; ukuvuna ke kukupheliswa kwephakade eli; abavuni ke zizithunywa zezulu. 40Njengokuba ngoko ubuthwa umdiza, utshiswe ngomlilo, kuya kuba njalo ekuphelisweni kweli phakade. 41UNyana woMntu uya kuthuma izithunywa zakhe, zize zibuthe, zikhuphe ebukumkanini bakhe, zonke izikhubekiso, nabo benza okuchasene nomthetho; 42zibaphose ezikweni lomlilo; khona apho kuya kubakho ukulila nokutshixiza kwamazinyo. 43Aya kwandula ke amalungisa ukubengezela njengelanga ebukumkanini boYise wawo. Lowo uneendlebe zokuva makeve.</div><div class="s1">Umzelekeliso wentsimi enobutyebi, nowomrhwebi owafumana iperile enexabiso, nowomnatha</div><div class="p"> 44Kanjalo ubukumkani bamazulu bufana nobutyebi obufihlwe entsimini, athe umntu akubufumana wabufihla; aze ngenxa yovuyo lwakhe aye athengise ngeento zonke anazo, ayithenge loo ntsimi.</div><div class="p"> 45Kanjalo ubukumkani bamazulu bufana nomrhwebi, efuna iiperile&#8226; ezintle; owathi ke akuyifumana iperile inye, 46exabiso likhulu, wemka waya wananisa ngeento zonke abenazo, wayithenga.</div><div class="p"> 47Kanjalo ubukumkani bamazulu bufana nomnatha, owaphoswa elwandle, wahlanganisa kwiintlobo zonke; 48abathe wakuzala bawurholela elunxwemeni; ke bakuhlala phantsi, bazibuthela ezintle ezityeni, bazilahla ke ezimbi. 49Kuya kuba njalo ekuphelisweni kwephakade eli: ziya kuphuma izithunywa zezulu, zibakhethe abangendawo phakathi kwamalungisa, 50zibaphose ezikweni lomlilo; khona apho kuya kubakho ukulila nokutshixiza kwamazinyo.</div><div class="p"> 51Athi kubo uYesu, Niziqondile na zonke ezi ndawo? Bathi kuye, Ewe, Nkosi. 52Wathi ke kubo, Ngenxa yoko, umbhali wonke ofundiselwe ebukumkanini bamazulu ufana nomntu ongumninindlu, orhola ebuncwaneni bakhe izinto ezintsha kwanezindala.</div><div class="s1">UYesu uyadelwa eNazarete</div><div class="r">(UMarko 6:1-6)</div><div class="p"> 53Kwathi, akuyigqiba uYesu le mizekeliso, wanduluka khona apho. 54Akufika kwelakowabo, wabafundisa endlwini yabo yesikhungu, ngokokude bakhwankqiswe bathi, Lo ubuzuze phi na obu bulumko, nale misebenzi yamandla? 55Lo asinguye na unyana wengcibi yokwakha? Unina akuthiwa na nguMariya? Nabazalwana bakhe asingooYakobi, noYose, noSimon, noYuda, yini na? 56Noodade bakhe &#224;bakuthi apha bonke na? Uzizuze phi na phofu lo zonke ezi zinto? 57Baye bekhubeka kuye. Wathi ke uYesu kubo, Umprofeti akaswele mbeko, kungekhona kowabo, nakokwabo. 58Akenza misebenzi mininzi yamandla khona apho, ngenxa yokungakholwa kwabo.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s1">Ukunqunyulwa kwentloko kaYohane umbhaptizi</div><div class="r">(UMarko 6:14-29; uLuka 3:19-20; 9:7-9)</div><div class="p"> 1Ngelo xesha uHerode, umphathi wesahlulo sesin&#233; selizwe, waluva udaba lukaYesu, 2wathi kubakhonzi bakhe, Lo nguYohane umbhaptizi. Yena uvukile kwabafileyo; ngenxa yoko le misebenzi yamandla iyasebenza kuye.</div><div class="p"> 3Kuba uHerode wambamba uYohane, wambopha, wamfaka entolongweni ngenxa kaHerodiya, umfazi kaFilipu, umninawa wakhe. 4Kuba wayethe uYohane kuye, Akuvumelekile ukuba ube naye. 5Wathi efuna ukumbulala, woyika abantu; ngokuba babebambe ukuthi ungumprofeti.</div><div class="p"> 6Ke kaloku, kwakubon' ukuba kwenziwa isikhumbuzo sokuzalwa kukaHerode, yathi intombi kaHerodiya yangqungqa esazulwini, yamkholisa uHerode. 7Ekuthe ke koko wayithembisa ngesifungo ukuba woyinika oko ingakucelayo. 8Ke yona, iqhutywe ngunina, yathi, Ndinike apha ngesitya intloko kaYohane umbhaptizi.</div><div class="p"> 9Wesuka ukumkani waba buhlungu; ke, ngenxa yezifungo ezo nangenxa yabo babehleli ngasesithebeni naye, watsho ukuthi mayiyinikwe. 10Wasusa umntu, wamnqumla uYohane intloko entolongweni apho. 11Yaziswa intloko yakhe ngesitya, yanikwa intombazana leyo, yathi yona yayisa kunina. 12Bafika abafundi bakhe, basithabatha isidumbu, basingcwaba; baya babikela uYesu.</div><div class="s1">Ukutyiswa kwamawaka amahlanu</div><div class="r">(UMarko 6:30-44; uLuka 9:10-17; uYoh. 6:1-14)</div><div class="p"> 13Evile ke uYesu, wemka apho ngomkhombe, waya endaweni eyintlango eyedwa. Zivile ke izihlwele, zamlandela ngeenyawo, zivela emizini. 14Ephumile ke uYesu, wabona into eninzi yabantu, wasikwa yimfesane ngabo, wayiphilisa imilwelwe yabo.</div><div class="p"> 15Kuthe ke kwakuhlwa, beza kuye abafundi bakhe, besithi, Le ndawo iyintlango, kanjalo ilixa lise lidlule; zindulule izihlwele, zimke ziye emizaneni, zizithengele ukudla. 16Uthe ke kubo uYesu, Akufuneki ukuba zimke; zipheni nina zitye. 17Bathi ke bona kuye, Asinanto apha, ingezizo izonka ezihlanu neentlanzi ezimbini. 18Wathi ke yena, Ziziseni kum apha.</div><div class="p"> 19Wathi izihlwele mazingqengqe phantsi engceni; wazithabatha izonka zozihlanu neentlanzi zombini, wathi, ekhangele ezulwini, wasikelela; waqhekeza, wazinika abafundi izonka ezo; ke abafundi banika izihlwele. 20Badla bonke bahlutha; basusa amaqhekeza aseleyo, zalishumi elinazibini izitya zizele. 21Ke kaloku abo babesidla babengamadoda akumawaka amahlanu, ngaphandle kwabafazi nabantwana.</div><div class="s1">UYesu uhamba phezu kolwandle</div><div class="r">(UMarko 6:45-56; uYoh. 6:16-21)</div><div class="p"> 22Waza uYesu wabanyanzela kwaoko abafundi bakhe ukuba bangene emkhombeni, bamandulele baye phesheya, lo gama azindululayo izihlwele yena. 23Ezindulule ke izihlwele, wenyuka intaba ngasese, ukuba athandaze. Kwahlwa ke ekhona apho yedwa.</div><div class="p"> 24Ke kaloku umkhombe ubuseluphakathi kolwandle, untsilwa ngamaza; kuba umoya ubuvela ngaphambili. 25Kuthe ke ngowesin&#233; umlindo wobusuku, wesuka waya kubo uYesu, ehamba phezu kolwandle. 26Bathe bakumbona abafundi ehamba phezu kolwandle, bakhathazeka, besithi, Ngumshologu; bakhaliswa kukoyika. 27Wathetha ke kwaoko uYesu kubo, esithi, Yomelelani; ndim, musani ukoyika.</div><div class="p"> 28UPetros wamphendula ke wathi, Nkosi, ukuba nguwe, yitsho ndize kuwe ndihamba phezu kwamanzi. 29Wathi ke yena, Yiza. Ehlile uPetros emkhombeni, wahamba phezu kwamanzi, esiya kuYesu. 30Ke kaloku, ebona umoya unamandla, woyika; waza eqala ukutshona wakhala, esithi, Nkosi, ndisindise. 31Wasolula kwaoko ke isandla uYesu, wambamba, wathi kuye, Ehla wena ulukholo luncinane, uthandabuzelani na? 32Bakungena emkhombeni, wadamba umoya. 33Bazile ke abo basemkhombeni, baqubuda kuye, besithi, Inyaniso, unguNyana kaThixo.</div><div class="p"> 34Bakuwela, bafika emhlabeni waseGenesarete. 35Emazile amadoda aloo ndawo, athumela kuwo wonke loo mmandla. 36Bazisa kuye bonke abafayo, bambongoza ukuba bachukumise nje kodwa intshinga yengubo yakhe; baza bonke abayichukumis&#225;yo baphiliswa kanye.</div>
 </div>
 </div>
</div>

UMateyuIsampulu

IsiBhalo

Malunga nesi Sicwangciso

Izicwangciso eziyeleleneyo