UMarko

ULuka

KaYohane

IZenzo

2 KwabaseKorinte

KwabaseRoma

eyo-1 neye-2 KwabaseTesalonika

eyo-1 neye-2 kaTimoti

KumaHebhere

1 KwabaseKorinte

<div class="version vid281 iso6393xho" data-vid="281" data-iso6393="xho">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="p"> 1Kwathi, xeshikweni uYesu ebegqibile ukubamisela abafundi bakhe abalishumi elinababini, wesuka apho waya kufundisa nokushumayela emizini yabo.</div><div class="s1">UYohane umbhaptizi uthumela abafundi ababini kuYesu</div><div class="r">(ULuka 7:18-35)</div><div class="p"> 2Ke kaloku uYohane, eyive esentolongweni imisebenzi kaKristu, wesusa bababini kubafundi bakhe, wathi kuye, 3Wena ungulowo uzayo na, silinde wumbi, kusini na? 4Waphendula uYesu wathi kubo, Hambani niye kumbikela uYohane izinto enizivayo nenizibonileyo: 5iimfama zibuya zibone, neziqhwala ziyahamba; abaneqhenqa bayahlanjululwa, nezithulu ziyeva; abafileyo bayavuswa, namahlwempu ayazishunyayezwa iindaba ezilungileyo. 6Unoyolo othe akakhutyekiswa ndim.</div><div class="b"></div><div class="p"> 7Bakubon' ukuba bayemka abo, waqala uYesu wathi kwizihlwele ngaye uYohane, N&#225;ye niphuma nisiya kubona ntoni na entlango? Yabe iyingcongola na, izanyazanyiswa ngumoya? 8Naye niphuma nisiya kubona ntoni na kodwa? Yabe ingumntu ovethe iingubo ezitofotofo na? Yabonani, abo bambatha ezitofotofo baba sezindlwini zookumkani bona. 9N&#225;ye niphuma nisiya kubona ntoni na kodwa? Yabe ingumprofeti na? Ewe, ndithi kuni, n&#243;de wagqithisa kumprofeti. 10Kuba lo ngulowo kubhaliweyo ngaye, kwathiwa,</div><div class="b"></div><div class="q1">Yabona, mna ndiyasithuma isithunywa sam ngaphambi kobuso bakho,</div><div class="q1">Esiya kuyilungisa indlela yakho phambi kwakho.</div><div class="qr">(UMal. 3:1)</div><div class="b"></div><div class="m"> 11Inene ndithi kuni, Phakathi kwabo bazelweyo ngabafazi, akuvelanga mkhulu kunoYohane umbhaptizi; kanti ke nomncinane kwabanye ebukumkanini bamazulu mkhulu kunaye.</div><div class="p"> 12Kususela ke kwimihla kaYohane umbhaptizi kude kube kalokunje, ubukumkani bamazulu buyagonyamelwa, bathi abagonyameli babuthimbe. 13Kuba bonke abaprofeti nomthetho b&#225;profeta kwada kwakho uYohane. 14Kananjalo ukuba niyavuma ukukwamkela oko, yena nguEliya, lo bekuthiwa uza kufika. 15Lowo uneendlebe zokuva makeve.</div><div class="p"> 16Ke kaloku ndiya kusifanisa nantoni na esi sizukulwana? Sifana namakhwenkwana ehleli ezindaweni zembutho, 17ekhwaza abalingane bawo, esithi, Sanigwalela, naza nina anaduda; sanihlabela isililo, naza nina anambambazela. 18Kuba uYohane weza engadli, engaseli, basuka bathi, &#217;nedemon. 19UNyana woMntu yena weza esidla, esela, basuka bathi, Khanibone umntu olidla-kudla, olisela-wayini, umhlobo wababuthi berhafu naboni. Ubulumko bugwetyelwe kokuvela ebantwaneni babo.</div><div class="s1">Imizi emithathu engavumi kuguquka</div><div class="r">(ULuka 10:13-15)</div><div class="p"> 20Waza waqala ukuyidubula loo mizi yayenzeke kuyo inkoliso yemisebenzi yakhe yamandla, ngokuba ingaguqukanga, esithi, Yeha, wena Korazin! 21Yeha, wena Bhetesayida! Ngokuba imisebenzi yamandla eyenzeke kuni, ukuba yayenzeke eTire naseTsidon, inge yaguquka kudala loo mizi ngeengubo ezirhwexayo nangothuthu. 22Ke ndithi kuni, Kuya kuba nokunyamezeleka kwiTire nakwiTsidon ngomhla womgwebo kun&#225;ni.</div><div class="p"> 23Nawe Kapernahum, uphakanyiselweyo ezulwini, uya kuphoselwa phantsi kwelabafileyo; ngokuba imisebenzi yamandla eyenzeke kuwe, ukuba yayenzeke eSodom, inge ihleli kwada kwaba namhla. 24Ke ndithi kuni, Kuya kuba nokunyamezeleka okomhlaba waseSodom ngomhla womgwebo kunawe.</div><div class="p"> 25Ngelo xesha waphendula uYesu wathi, Ndiyabulela kuwe, Bawo, Nkosi yamazulu nehlabathi, ngokuba ezi zinto wazifihlayo kwizilumko nakwiingqondi, wazityhilela iintsana; 26ewe, Bawo, ngokuba kwakholeka phambi kwakho ukuba kube njalo. 27Zonke izinto zinikelwe kum nguBawo; kanjalo akukho umaziyo uNyana, kuphela nguYise; akukho umaziyo uYise, kuphela nguNyana, nalowo athi uNyana athande ukumtyhilela.</div><div class="s1">Idyokhwe kaYesu</div><div class="r">(ULuka 10:21-24)</div><div class="p"> 28Yizani kum nonke nina nibulalekayo, nisindwayo ngumthwalo, ndoninika ukuphumla. 29Thabathani idyokhwe yam niyithwale, nifunde kum; ngokuba ndinobulali, ndithobekile ngentliziyo; noyifumanela ukuphumla imiphefumlo yenu. 30Kuba idyokhwe yam imnandi, nomthwalo wam ulula.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkMAT">
 <div class="chapter ch12" data-usfm="MAT.12">
 <div class="label">12</div><div class="s1">UYesu uyiNkosi yesabatha</div><div class="r">(UMarko 2:23-28; uLuka 6:1-5)</div><div class="p"> 1Ngelo xesha uYesu wacanda emasimini ngesabatha; baye ke abafundi bakhe belambile, baqala ukukha izikhwebu, badla. 2Ke kaloku abaFarisi, bakukubona oko, bathi kuye, Yabona, abafundi bakho benza oko kungavumelekileyo ukwenziwa ngesabatha.</div><div class="p"> 3Wathi ke kubo, Aniyilesanga na into awayenzayo uDavide, xa walambayo, yena nabo babenaye; 4okokuba wangena endlwini kaThixo, wazidla izonka ezibekwa phambi koThixo, ekube kungavumelekile ukuba azidle yena, kwanabo babenaye, kuvumelekele ababingeleli bodwa? 5Anilesanga na emthethweni, ukuba ngesabatha ababingeleli etempileni bayayingcolisa isabatha, bangazeki tyala noko? 6Ndithi ke kuni, omkhulu kunayo itempile ukho apha. 7Ukuba ke nibe nikwazile ukuba kuthini na ukuthi, Ndithanda inceba, andithandi mbingelelo, ninge ningabagwebanga abangenatyala. 8Kuba uNyana woMntu uyiNkosi yayo nesabatha.</div><div class="s1">Ukuphiliswa kowome isandla</div><div class="r">(UMarko 3:1-6; uLuka 6:6-11)</div><div class="p"> 9Esukile ke apho, waya kungena endlwini yabo yesikhungu. 10Kwabonakala kukho umntu owome isandla; baza bambuza, besithi, Kuvumelekile na ukuphilisa ngesabatha? ukuze bammangalele. 11Wathi ke kubo, Kuni apha nguwuphi na umntu ongethi, enemvu inye, yaza yona yeyela emhadini ngesabatha, angayibambi ayirhole? 12Ubeke phi na ke umntu ukuyigqitha imvu? Ngoko ke kuvumelekile ukwenza okulungileyo ngesabetha. 13Aze athi kumntu lowo, Solule isandla sakho. Wasolula, sabuya saphila ke, saba kwanjengesinye.</div><div class="p"> 14Bathi ke abaFarisi babhunga ngaye bakuphuma, ukuze bamtshabalalise. 15Uthe ke uYesu, ekwazi oko, wemka apho; walandelwa ngabantu abaninzi; wabaphilisa bonke. 16Wabakhalimela ukuba bangamtyhili; 17ukuze kuzaliseke okwathethwayo ngoIsaya umprofeti, esithi,</div><div class="b"></div><div class="q1"> 18Yabonani, umkhonzi wam endimnyulileyo;</div><div class="q1">Int&#225;nda yam okholisiweyo yiyo umphefumlo wam;</div><div class="q1">Ndiya kumbeka uMoya wam phezu kwakhe,</div><div class="q1">Waye eya kuzibikela iintlanga umgwebo.</div><div class="q1"> 19Akayi kuphika, akayi kunkqangaza,</div><div class="q1">Akukho mntu uya kuliva izwi lakhe ezitratweni.</div><div class="q1"> 20Ingcongolo etyumkileyo akayi kuyaphula,</div><div class="q1">Nomsonto oqhumayo akayi kuwucima,</div><div class="q1">Ade awuphumelelisele ekoyiseni umgwebo;</div><div class="q1"> 21Kanjalo ziya kuthembela egameni lakhe iintlanga.</div><div class="qr">(UIsaya 42:1-4)</div><div class="s1">AbaFarisi banyelisa uThixo</div><div class="r">(UMarko 3:20-30; uLuka 11:14-23)</div><div class="p"> 22Kwaza kwaziswa kuye ophethwe yidemon, eyimfama, esisidenge; wamphilisa, wada lowo uyimfama usisidenge wathetha, wabona nokubona. 23Zathi nqa ke zonke izihlwele, zathi, Ngunyana kaDavide kanti na lo? 24Kodwa bona abaFarisi, bakuva, bathi, Lo yena akazikhuphi iidemon, kuphela kungoBhelezebhule, umphathi weedemon.</div><div class="p"> 25Uthe ke uYesu, ezazi iingcingane zabo, wathi kubo, Ubukumkani bonke obahlulelene bodwa buyaphanza, nomzi wonke nendlu yonke eyahlulelene yodwa ayisayi kuma. 26Ukuba ke uSathana ukhupha uSathana, wahlulelene yedwa; bothini na ngoko ukuma ubukumkani bakhe? 27Ukuba mna ndizikhupha iidemon ngoBhelezebhule, bazikhupha ngabani na onyana benu? Ngenxa yoko baya kuba ngabagwebi benu bona. 28Kodwa ukuba ndizikhupha iidemon ngoMoya kaThixo mna, ngoko bunifikele kanti ubukumkani bukaThixo. 29Ang&#225;thini na umntu ukuba nako ukungena endlwini yegorha elo, ayiphange impahla yalo, ukuba akathanga tanci alibophe igorha, andule ke ukuyiphanga indlu yalo?</div><div class="p"> 30Lowo ungengakum uchasene nam, nalowo ungandibuthisiyo uyachithachitha. 31Ngenxa yoko ndithi kuni, Konke ukona nokunyelisa bokuxolelwa abantu; kodwa khona ukumnyelisa uMoya oyiNgcwele abasayi kukuxolelwa abantu. 32Nothe wathetha ilizwi elichasene noNyana woMntu uya kuxolelwa; kodwa othe wathetha elichasene noMoya oyiNgcwele, akasayi kuxolelwa yena, nakweli phakade, nakwelo lizayo.</div><div class="s1">Imithi neziqhamo</div><div class="r">(ULuka 6:43-45)</div><div class="p"> 33Wenzeni mhle umthi, nesiqhamo sawo sibe sihle; nithi mhlawumbi niwenze mbi umthi, nesiqhamo sawo sibe sibi; kuba umthi waziwa ngesiqhamo sawo.</div><div class="p"> 34Nzalandini yamarhamba, ningathini na ukuba nako ukuthetha izinto ezilungileyo, nikhohlakele nje? Kuba umlomo uthetha ngokuphuphuma kwentliziyo. 35Umntu olungileyo, ebuncwaneni obulungileyo bentliziyo yakhe, ukhupha izinto ezilungileyo; nomntu okhohlakeleyo, ebuncwaneni obukhohlakeleyo, ukhupha izinto ezikhohlakeleyo. 36Ndithi ke kuni, Onke amazwi angewan&#237; abathe bawathetha abantu, baya kuphendula ngawo ngomhla womgwebo; 37kuba ngawo amazwi akho &#249;ya kugwetyelwa, nangawo amazwi akho &#249;ya kugwetywa.</div><div class="s1">Umqondiso kaYona</div><div class="r">(ULuka 11:16,29-32)</div><div class="p"> 38Kwaza kwaphendula abathile bakubabhali nabaFarisi, besithi, Mfundisi, singa singabona umqondiso uvela kuwe. 39Waphendula ke wathi kubo, Isizukulwana esingendawo, esikrexezayo, singxamele umqondiso; ke asiyi kunikwa mqondiso, ungenguwo umqondiso kaYona umprofeti. 40Kuba, njengokuba uYona ebemini ntathu nabusuku buthathu esiswini sentlanzi enkulu, kwangokunjalo, uNyana woMntu woba mini ntathu nabusuku buthathu embilinini womhlaba. 41Amadoda aseNineve aya kusuka eme ngomgwebo nesi sizukulwana, asigwebe; ngokuba aguquka wona ngomemezo lukaYona; ke omkhulu kunoYona nanku apha. 42Ukumkanikazi welasezantsi uya kusuka eme ngomgwebo nesi sizukulwana, asigwebe; ngokuba wavela eziphelweni zomhlaba, esiza kuva ubulumko bukaSolomon; kanti ke omkhulu kunoSolomon nanku apha.</div><div class="p"> 43Xa uthe ke waphuma umoya ongcolileyo emntwini, ucanda ezindaweni ezingenamanzi, ufuna ukuphumla, ungakufumani. 44Uze uthi, Ndiya kubuyela kwasendlwini yam endaphuma kuyo; uthi ke wakufika uyifumane iz&#233;, itshayelwe, ivathisiwe. 45Wandule ke ukuya uthabathe uze nabanye oomoya, abasixhenxe abakhohlakeleyo kunawo, bangene beme khona; lize ikamva laloo mntu libe libi kunesiqaleko sakhe; kuya kuba njalo nakwesi sizukulwana singendawo.</div><div class="s1">Izizalwane zenene zikaYesu</div><div class="r">(UMarko 3:31-35; uLuka 8:19-21)</div><div class="p"> 46Akubon' ukuba usathetha neendimbane ezo, kwathi thaphu unina nabazalwana bakhe, bema ngaphandle, befuna ukuthetha naye. 47Wathi ke othile kuye, Nanku unyoko nabazalwana bakho, bemi ngaphandle, befuna ukuthetha nawe. 48Uphendule ke wathi kulowo ubemxelele, Ngubani na uma? Kanjalo ngoobani na abazalwana bam 49Esolule isandla sakhe phezu kwabafundi bakhe, uthe, Nanku uma nabazalwana bam; 50kuba osukuba ekwenza ukuthanda kukaBawo osemazulwini, yena lowo ngumzalwana wam, nodade wethu, noma.</div>
 </div>
 </div>
</div>

UMateyuIsampulu

IsiBhalo

Malunga nesi Sicwangciso

Izicwangciso eziyeleleneyo