UMarko

ULuka

KaYohane

IZenzo

2 KwabaseKorinte

KwabaseRoma

eyo-1 neye-2 KwabaseTesalonika

eyo-1 neye-2 kaTimoti

KumaHebhere

1 KwabaseKorinte

<div class="version vid281 iso6393xho" data-vid="281" data-iso6393="xho">
 <div class="book bkMAT">
 <div class="chapter ch23" data-usfm="MAT.23">
 <div class="label">23</div><div class="s1">UYesu ukhalimela ababhali nabaFarisi</div><div class="r">(ULuka 11:37 &#8211; 12:3)</div><div class="p"> 1Waza uYesu wathetha kwisihlwele nakubafundi bakhe, esithi, 2Ababhali nabaFarisi bahleli esihlalweni sikaMoses. 3Konke ngoko abasukuba besithi kuni kugcineni, ze nikugcine nikwenze; kodwa ze ningenzi ngokwemisebenzi yabo; kuba bathetha baze bangenzi. 4Kuba babopha imithwalo enzima, esindayo, bayibeke emagxeni abantu, babe ke bona bengathandi kuyishukumisa nangomnwe lo wabo. 5Yonke imisebenzi yabo ke bayenza ngokunga bangabonwa ngabantu; baw&#232;nze banzi amaqhaga abo ezikhumbuzo, bay&#224;ndise imiqukumbelo yeengubo zabo. 6Kananjalo bathanda izilili zobukhulu ezidlweni, kwanezihlalo zobukhulu ezindlwini zesikhungu, 7nemibuliso ezindaweni zembutho, nokubizwa ngabantu kuthiwe, Rabhi, Rabhi.&#8226;</div><div class="p"> 8Ke nina maningabizwa kuthiwe Rabhi; kuba mnye uMkhokeli wenu, uKristu; nina ke nonke ningabazalwana. 9Ningabizi mntu ngokuba nguyihlo emhlabeni apha; kuba mnye uYihlo wenu, lowo usemazulwini. 10Kananjalo maningabizwa ngokuba ningabakhokeli; kuba mnye uMkhokeli wenu, uKristu. 11Omkhulu ke kuni makabe ngumlungiseleli wenu. 12Osukuba ke eziphakamisa uya kuthotywa; nosukuba ezithoba uya kuphakanyiswa.</div><div class="p"> 13Yeha, nina babhali, baFarisi, bahanahanisindini! Ngokuba nibuvala ubukumkani bamazulu phambi kwabantu; kuba aningeni nina, nabang&#233;nayo anibavumeli ukuba bangene.</div><div class="p"> 14Yeha, nina babhali, baFarisi, bahanahanisindini! Ngokuba nisidla izindlu zabahlolokazi, nize ngokunyhwalaza nithandaze uzungu; ngenxa yoko niya kwamkela ugwebo olugqithiseleyo.</div><div class="p"> 15Yeha, nina babhali, baFarisi, bahanahanisindini! Ngokuba nijikajika ulwandle nomhlaba ukuze nenze nokuba mnye ongena ebuYudeni; nithi, xa athe wazuzeka, nimenze abe ngumntwana wesihogo ngokuphindiweyo kunani.</div><div class="p"> 16Yeha, nina bakhokelindini baziimfama! Nina nithi, Othe wafunga itempile, akunto oko; ke othe wafunga igolide yetempile, unetyala. 17Ziyatha, zimfama, kanene yiyiphi na enkulu? Yigolide, yitempile eyingcwalisayo igolide, kusini na? 18Kanjalo nina nithi, Othe wafunga isibingelelo, akunto oko; ke othe wafunga umnikelo ophezu kwaso, unetyala. 19Ziyatha, zimfama, kanene yiyiphi na enkulu? Ngumnikelo, sisibingelelo esiwungcwalisayo umnikelo, kusini na? 20Lowo usifungayo ngoko isibingelelo ufunga sona neento zonke eziphezu kwaso. 21Nalowo uyifungayo itempile, ufunga yona nomiyo kuyo. 22Nalowo uwafungayo amazulu, ufunga itrone kaThixo nohleli phezu kwayo.</div><div class="p"> 23Yeha, nina babhali, baFarisi, bahanahanisindini! Ngokuba ninikela izishumi zetyeleba nedile&#8226; nekumin,&#8226; kanti nizishiyile ezona ndawo zinzima zomthetho, umgwebo nenceba nokholo; ezi benimelwe kukuba nizenze, nithi neziya ningazishiyi. 24Bakhokelindini baziimfama, abahluza imbuzane, ke baginye inkamela.</div><div class="p"> 25Yeha, nina babhali, baFarisi, bahanahanisindini! Ngokuba nihlambulula umphandle wendebe nesitya, kanti ke ngaphakathi kuzele kukuphanga nokungazeyisi. 26MFarisindini uyimfama, hlambulula tanci okungaphakathi kwendebe nesitya, ukuze kuthi okungaphandle kwazo kuhlambuluke nako.</div><div class="p"> 27Yeha, nina babhali, baFarisi, bahanahanisindini! Ngokuba nifana namangcwaba aqatywe ifutha, athi abonakale emahle okunene ngaphandle, kanti ngaphakathi azele ngamathambo abafileyo nokungcola konke. 28Ngokukwanjalo nani ngaphandle okunene nibonakala kubantu ningamalungisa, kanti ngaphakathi nizele luhanahaniso nokuchasene nomthetho.</div><div class="p"> 29Yeha, nina babhali, baFarisi, bahanahanisindini! Ngokuba niwakha amangcwaba abaprofeti, nivathise amangcwaba amalungisa, 30nithi, Ukuba sasikho thina ngemihla yoobawo, singe singabanga nabudlelane nabo ngegazi labaprofeti. 31Ngoko niyangqina kwanina, ukuba ningoonyana babo b&#225;bulala abaprofeti. 32Wuzaliseni kambe nani umlinganisela wooyihlo.</div><div class="p"> 33Zinyokandini, nzalandini yamarhamba, ning&#225;thini na ukuwusaba umgwebo wesihogo? 34Ngenxa yoko, niyabona, mna ndinithumela abaprofeti nezilumko nababhali; niya kuthi inxenye kubo niyibulale, niyibethelele eminqamlezweni, nithi inxenye kubo niyityakatye ezindlwini zenu zesikhungu, niyitshutshise kwimizi ngemizi; 35ukuze linifikele lonke igazi elinobulungisa, elaphalazwayo emhlabeni apha, lithabathela egazini lika-Abheli ilungisa, lizise egazini likaZekariya, unyana kaBherekiya, enambulalela phakathi kwendawo engcwele nesibingelelo. 36Inene, ndithi kuni, Zonke ezo zinto ziya kusihlela esi sizukulwana.</div><div class="s1">UYesu ulilela iYerusalem</div><div class="p"> 37Yerusalem, Yerusalem, wena ubabulalayo abaprofeti, ubagibisele ngamatye abo bathunywe kuwe, kufuthi kangakanani na ndithand&#233; ukubabuthela ndawonye abantwana bakho, ngohlobo esithi isikhukukazi siwabuthele ndawonye amathole aso ngaphantsi kwamaphiko, anavuma! 38Yabonani, indlu yenu ishiywa nani iz&#233;. 39Kuba ndithi kuni, Aniyi kuba sandibona emveni koku, nide nithi, Makabongwe lowo uzayo egameni leNkosi.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkMAT">
 <div class="chapter ch24" data-usfm="MAT.24">
 <div class="label">24</div><div class="s1">Iziprofeto ezimalunga nokutshatyalaliswa kwetempile nesiphelo samaxesha</div><div class="r">(UMarko 13; uLuka 21:5-36)</div><div class="p"> 1Ephumile uYesu, wemka etempileni; bathe abafundi bakhe beza kumbonisa izakhiwo zetempile. 2Wathi ke uYesu kubo, Niyazibona na zonke ezi zinto? Inene, ndithi kuni, Akusayi kusala apha ilitye phezu kwelitye, elingayi kuchithwa.</div><div class="p"> 3Ke kaloku, akubon' ukuba uhleli eNtabeni yemiNquma, beza kuye abafundi bebodwa, bathi, Sixelele ukuba ziya kubakho nini na ezo zinto; &#250;ya kuba yini na umqondiso wokufika kwakho, nowokupheliswa kwephakade eli?</div><div class="p"> 4Waphendula uYesu wathi kubo, Lumkani ningalahlekiswa mntu. 5Kuba baninzi abaya kuza egameni lam, besithi banguKristu,&#8226; balahlekise into eninzi. 6Niya kuthi ke nive iimfazwe namarhe eemfazwe; lumkani ningabi navuso, kuba zonke ezo zinto zimele ukuhla; kanti kona ukuphela akukabikho. 7Kuba uhlanga luya kuvukelana nohlanga, nobukumkani buvukelane nobukumkani; kuya kubakho iindlala, neendyikitya zokufa, nezinyikimo zomhlaba kwiindawo ngeendawo.</div><div class="p"> 8Zonke ke ezo zinto zikukuqaleka kwenimba. 9Ngelo xesha baya kuninikela ekubandezelweni, banibulale; niya kuthiywa ziintlanga zonke ngenxa yegama lam. 10Ngelo xesha baninzi abaya kukhutyekiswa, banikelane, bathiyane. 11Kwaye kuya kuvela abaprofeti ababuxoki babe baninzi, balahlekise abantu abaninzi. 12Nangenxa yokwanda kokuchasa umthetho, luya kuphola uthando lwabaninzi. 13Ke onyamezeleyo kwada kwaba sekupheleni, lowo uya kusindiswa. 14Zaye ezi ndaba zilungileyo zobukumkani ziya kuvakaliswa kulo elimiweyo liphela, zibe bubungqina kuzo zonke iintlanga; kwandule ke ukufika ukuphela.</div><div class="p"> 15Xa ke ngoko nithe nalibona isikizi lesiphanziso,&#8226; ekwakuthethwa lona ngoDaniyeli umprofeti, limi endaweni engcwele (olesayo makaqiqe), 16ngelo xesha mabathi abakwelakwa Yuda basabele ezintabeni. 17Ophezu kwendlu makangehli aye kuthabatha into endlwini yakhe; 18nosentsimini makangabuyeli emva aye kuthabatha iingubo zakhe. 19Yeha ke, abamithiyo nabanyisayo ngaloo mihla!</div><div class="p"> 20Thandazani ke, ukuba intsabo yenu ingabi khona ebusika nangesabatha. 21Kuba ngelo xesha kuya kubakho imbandezelo enkulu, ekungazanga kubekho injalo kwasekuqalekeni kwehlabathi, kwada kwaba kalokunje, ekungasayi kubuye kubekho injalo. 22Kanjalo ukuba ibingayi kuthi loo mihla inqanyulelwe, bekungayi kubakho nyama isindayo; ngenxa ke yabanyuliweyo, loo mihla iya kunqanyulelwa.</div><div class="p"> 23Ngelo xesha, ukuba ubani uthe kuni, Nanku apha uKristu, nokuba uthe, Nankuya phaya, musani ukuholwa. 24Kuba kuya kuvela ooKristu ababuxoki, nabaprofeti ababuxoki, benze imiqondiso emikhulu nezimanga, ngokokude bathi, ukuba bekunokwenzeka, balahlekise nabanyuliweyo. 25Yabonani, ndinixelele ngenxa engaphambili. 26Ukuba ngoko bathi kuni, Nanko entlango, musani ukuphuma niye. Nokuba bathi, Nanko emagumbini, musani ukukholwa. 27Kuba kwanjengokuba umbane uthi uphume empumalanga, ubonakale kude kuse entshonalanga, kuya kuba njalo nokufika koNyana woMntu. 28Kuba apho sukuba sikhona isidumbu, aya kuhlanganisana khona amaxhalanga.</div><div class="p"> 29Kwaoko ke, emveni kwembandezelo yaloo mihla, ilanga liya kwenziwa mnyama, ithi nenyanga ifiphale, zithi neenkwenkwezi ziwe ezulwini, athi namandla amazulu azanyazanyiswe. 30Uya kubonakala ngelo xesha umqondiso woNyana woMntu ezulwini; zimbambazele ngelo xesha zonke izizwe zomhlaba, zimbone uNyana woMntu esiza phezu kwamafu ezulu, enamandla, nobuqaqawuli obukhulu. 31Wozithuma izithunywa zakhe zasemazulwini, zinexilongo elisandi sikhulu, zihlanganisele ndawonye abanyulwa bakhe, baphume kumacala oman&#233; omoya, kuthabathela esiphelweni sezulu, kude kuse kwesinye isiphelo salo.</div><div class="p"> 32Wufundeni ke umzekeliso kuwo umkhiwane: xa selithe lathamba isebe lawo, lahluma amagqabi, niyazi ukuba likufuphi ihlobo. 33Ngokukwanjalo nani, xa nithe nazibona zonke ezo zinto, yazini ukuba kukufuphi, sekusemnyango. 34Inene ndithi kuni, Asisayi kudlula esi sizukulwana, zingadanga zonke ezo zinto zibekho. 35Liya kudlula izulu nomhlaba, ke wona amazwi am akasayi kudlula.</div><div class="s1">Phaphani!</div><div class="p"> 36Kodwa akukho bani uwaziyo loo mhla nelo lixa; &#224;zazi nezithunywa zamazulu, nguBawo yedwa. 37Ke kaloku, njengokuba ibinjalo imihla kaNowa, koba njalo nokufika koNyana woMntu. 38Kuba njengokuba babesithi, ngemihla ebingaphambi konogumbe, badle, basele, bazeke, bendise, kwada kwayimini awangena ngayo emkhombeni uNowa, 39bengaqondanga, wada wafika unogumbe, wabakhukulisa bonke: koba njalo nokufika koNyana woMntu. 40Ngelo xesha ababini boba sentsimini, athi omnye amkelwe, omnye ashiywe. 41Abafazi ababini boba besila etyeni lokusila, athi omnye amkelwe, omnye ashiywe.</div><div class="p"> 42Phaphani ngoko; ngokuba ningazi ukuba lilixa liphi na eza ngalo iNkosi yenu. 43Yazini ke oku, ukuba ebesazi umninindlu ukuba isela liza ngawuphi na umlindo wobusuku, ange elindile, akavuma ukuba indlu yakhe igqojozwe. 44Ngenxa yoko yibani nilungile nani, ngokuba uNyana woMntu uza ngelixa eningalikhumbuleliyo.</div><div class="s1">Umzekeliso wabakhonzi ababini</div><div class="r">(ULuka 12:42-48)</div><div class="p"> 45Ngubani na ke loo mkhonzi uthembekileyo, uqondayo, eyathi inkosi yakhe yammisa phezu kwabendlu yayo, ukuze abanike ukudla ngexesha elifanelekileyo? 46Unoyolo loo mkhonzi, iya kuthi yakufika inkosi yakhe imfumane esenjenjalo. 47Inene ndithi kuni, iya kummisa phezu kwayo yonke impahla yayo. 48Ukuba ke umkhonzi lowa ukhohlakeleyo uthe entliziyweni yakhe, Inkosi yam ilibele, 49ayizi, aqale ababethe abakhonza kunye naye, adle ke, asele nabanxilayo, 50iya kufika inkosi yaloo mkhonzi ngemini angayikhangeleyo, nangelixa angalaziyo, 51imsike kubini, immisele isabelo sakhe nabahanahanisi; khona apho kuya kubakho ukulila nokutshixiza kwamazinyo.</div>
 </div>
 </div>
</div>

UMateyuIsampulu

IsiBhalo

Malunga nesi Sicwangciso

Izicwangciso eziyeleleneyo