Fumana i-appLuyintoni Uthando Lokwenene?Isampulu
Ukuchasana noThando
Ukuba uKristu uluthando kwaye nokuthanda njengo Kristu kuyinjongo, kuya kubakho okuchasa oku. Ukuba uThixo uluthando, ngoko uSathana utshaba lwethu ukuchasile oku ngokupheleleyo. Ubomi abukho nzima nje, kodwa ludabi. Kanye njengokuba izimvu zifuna umalusi ukuze zihlale zikwindlela elungileyo kwaye zihlale zikhuselekile, kufuneka siyilandele ngokusondeleyo iNkosi yethu ukuze singabhaduli, singarhintyelwa lihlabathi, silahlekwe bubuthina, okanye sikhohliswe lutshaba.
Sinokubona ubuthathaka besakhelo sethu kwaye sidanduluke kunye nePuritan, “Owu Nkosi, ndiliqokobhe elizele luthuli . . . Andiyonto inqabileyo nexabiseke kakhulu, kodwa lowo ungenanto kwaye engento . . . Ndiqiniseke ngokunzulu ngobubi kunye nosizi lwemeko yesono, yamampunge ezidalwa” (ukusuka “kuMntu Akanto,” kwiNtlambo yoMbono).
Ukuba uThixo uluthando yaye sithembele kuKristu njengeNkosi noMsindisi wethu, siyazi ukuba siyathandwa. Siyazi kananjalo ukuba sihlangulwe kubukumkani bobumnyama obuchasa uthando kwaye singene ebukumkanini bolu thando lwenene. Ngoku sifuna ukwazi ukuba singahamba njani kuyo. Sikwenza njani oku? Ngokugcina amehlo ethu kwivangeli kunye nokomelezwa yivangeli:
-ivangeli sisiseko sothando lokwenyani
-Ivangeli ibonakalisa uthando
-ivangeli ichaza uthando
-ivangeli isenza ukuba siphendule ngothando
Yonke imihla kufuneka sicele iNkosi ukuba isincede siyilandele, sihambe eluthandweni lwayo, siyithande, kwaye sandise uthando lwaYo.
Ukuthathela Inyaniso Entliziyweni: Khetha iSibhalo oza kusifaka entliziyweni ukuze uhlaziye ingqondo yakho kwaye uguqule intliziyo yakho.
Ukubulala Ubu Wena: Sesiphi isono esithe ngqo ekubhekiselwa kuso ebomini bakho sisiBhalo osibhalileyo? UPawulos usixelela ngokuthe ngqo ukuba sibulahle ubuntu obudala.
Ukuzisa Inyaniso Ebomini: Yambathani ubuntu obutsha—uKristu. Luluphi uhlengahlengiso olungqalileyo ekufuneka ulwenzile kwindlela ocinga ngayo okanye kwisimo sakho sengqondo okanye kwindlela oziphatha ngayo ukuze uzithobe kuYe uze usebenzise inyaniso Yakhe engqondweni nasentliziyweni yakho?
IsiBhalo
Malunga nesi Sicwangciso
Wonke umntu ufuna ukwazi ukuba uthando luyintoni kanye kanye. Kodwa bambalwa abantu abajonga oko iBhayibhile ikutshoyo ngothando. Uthando yeminye yemixholo ephambili esiBhalweni kunye neyona nto ibalulekileyo ebomini bobuKristu. Esi sicwangciso esivela kwi-Thistlebend Ministries sihlola intsingiselo yothando eseBhayibhileni kunye nendlela yokumthanda ngakumbi uThixo kunye nokuthanda abanye.
More
