ITestamente eNdala - abaProfeti abakhulu

ITestamente eNdala - Iincwadi zoBulumko

Uhambo lweTestamente eNtsha lweentsuku ezingama-60

Iimvakalelo eziNgcwele - Iimpendulo ezisebhayibhileni zayo yonke imingeni

Nika uThixo iNdawo yokuQala

UNAWO uMthandazo!

Esona Sigqibo siKhulu ngoBomi Bakho

Phila Ubomi Obunenjongo

Okona kuzixhobisa

Phila ngamandla nobukhalipa!

<div class="version vid281 iso6393xho" data-vid="281" data-iso6393="xho">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s1">Unogumbe</div><div class="p"> 1Wathi uYehova kuNowa, Ngena, wena nendlu yakho yonke, emkhombeni, ngokuba ndibona wena ilungisa phambi kwam kwesi sizukulwana. 2Kwizinto zonke ezizitho zin&#233; ezihlambulukileyo, thabathela kuwe ngasixhenxe, ngasixhenxe, inkunzi nemazi yayo; kwizinto ezizitho zin&#233; eziziinqambi thabatha ngambini, inkunzi nemazi yayo; 3nakwiintaka zezulu ngasixhenxe, ngasixhenxe, inkunzi nemazi, ukuze imbewu igcinakale ehlabathini lonke. 4Kuba zisesixhenxe iintsuku, nd&#237;ze ndinise imvula ehlabathini iimini zibe mashumi man&#233; nobusuku obumashumi man&#233;, ndiyicime into yonke emiyo endayenzayo, ingabikho phezu kwehlabathi.</div><div class="p"> 5Wenza uNowa konke uYehova awamwisela umthetho ngako.</div><div class="b"></div><div class="p"> 6UNowa waye eminyaka imakhulu mathandathu ezelwe, wabakho unogumbe wamanzi ehlabathini. 7Wangena uNowa emkhombeni, enoonyana bakhe, nomkakhe, nabafazi boonyana bakhe, ndawonye naye, ngenxa yamanzi onogumbe. 8Kuzo izinto ezizitho zin&#233; ezihlambulukileyo, nakuzo izinto ezizitho zin&#233; eziziinqambi, nakuzo iintaka, nakuzo zonke izinto ezinambuzelayo emhlabeni, 9kwangena ngambini, ngambini, kuNowa emkhombeni, inkunzi nemazi, njengoko uThixo abemwisele umthetho uNowa.</div><div class="p"> 10Kwathi emva kweentsuku ezisixhenxe, amanzi onogumbe abakho ehlabathini. 11Ngomnyaka wamakhulu omathandathu wokudla ubomi kukaNowa, ngenyanga yesibini, ngosuku lweshumi elinesixhenxe enyangeni leyo, kanye ngayo loo mini, yagqabhuka yonke imithombo yamanzi enzonzobila enkulu, iingcango zezulu zavuleka. 12Wabakho umvumbi wemvula ehlabathini iimini ezimashumi man&#233; nobusuku obumashumi man&#233;.</div><div class="p"> 13Wangena emkhombeni kwangaloo mini uNowa, noShem noHam noYafete, oonyana bakaNowa, nomkaNowa, nabafazi bobathathu boonyana bakhe, ndawonye naye. 14B&#242;na, neento zonke eziphilileyo ngohlobo lwazo, nezinto zonke ezizitho zin&#233; ngohlobo lwazo, nezinambuzane zonke ezinambuzelayo emhlabeni ngohlobo lwazo, neentaka zonke ngohlobo lwazo, iinto zonke eziphaphazelayo, 15ezinamaphiko, zangena kuNowa emkhombeni, ngambini, ngambini, kwinyama yonke enomoya wokuphila kuyo. 16Zangena iinkunzi neemazi kwinyama yonke; zangena njengoko uThixo abemwisele umthetho. UYehova wamvalela ngaphakathi.</div><div class="p"> 17Yaba ngunogumbe imihla emashumi man&#233; ehlabathini, enyuka amanzi, awufukula umkhombe, wafunquleka emhlabeni. 18Aba namandla amanzi, enyuka kunene ehlabathini, wahamba umkhombe phezu kwamanzi. 19Aba namandla amanzi kunene kakhulu ehlabathini, zagutyungelwa zonke iintaba eziphakamileyo kakhulu, eziphantsi kwamazulu onke. 20Aba namandla amanzi, ada aba ziikubhite&#8226; ezilishumi elinantlanu, ethabathela phezulu; zagutyungelwa ke iintaba.</div><div class="p"> 21Yaphuma umphefumlo yonke inyama enambuzelayo emhlabeni, kwiintaka, nakwizinto ezizitho zin&#233;, nakwizinto eziphilileyo, nakwinyakanyaka yonke enyakazelayo emhlabeni, nabantu bonke. 22Iinto zonke ezikuphefumla komoya wokuphila kusemathatheni azo, kwiinto zonke ezisemhlabeni owomileyo, zafa. 23Zabhujiswa ke izinto zonke ezimiyo, eziphezu komhlaba, kwathabathela emntwini kwesa ezintweni ezizitho zin&#233;, nasezinambuzaneni, nasezintakeni zezulu; zabhujiswa azabakho ehlabathini; kwasala uNowa yedwa, nababenaye emkhombeni. 24Aba namandla amanzi ehlabathini imihla elikhulu elinamanci mahlanu.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="s1">Unogumbe</div><div class="p"> 1UThixo wamkhumbula uNowa, neento zonke eziphilileyo, nezinto zonke ezizitho zin&#233; ezazinaye emkhombeni; uThixo wahambisa umoya ehlabathini, awutha amanzi. 2Yavingcwa imithombo yamanzi enzonzobila neengcango zezulu, wathintelwa umvumbi wezulu. 3Abuya amanzi emhlabeni, amana ebuya, awutha amanzi ekupheleni kwemihla elikhulu elinamanci mahlanu. 4Umkhombe wazimisa ngenyanga yesixhenxe, ngosuku lweshumi elinesixhenxe enyangeni leyo, phezu kweentaba zaseArarati. 5Amanzi amana ewutha, kwada kwayinyanga yeshumi; ngeyeshumi ke, ngosuku lokuqala enyangeni leyo, zabonakala iincopho zeentaba.</div><div class="p"> 6Kwathi, ekupheleni kwemihla emashumi man&#233;, wayivula uNowa ifestile yomkhombe abeyenzile; 7wathuma ihlungulu, laphuma lamana lizulazula, ada atsha amanzi ehlabathini. 8Wasusa ihobe, ukuze abone ukuba amanzi awuthile na phezu kwehlabathi. 9Ihobe alifumanaga ndawo yakuphumza nentende yethupha lalo, labuyela kuye emkhombeni, ngokuba amanzi abephezu kwehlabathi lonke; wolula isandla sakhe, walithabatha, walingenisa kuye emkhombeni. 10Walinda eminye imihla esixhenxe, waphinda walisusa ihobe emkhombeni. 11Leza kuye ihobe ngexesha langokuhlwa; nanko, kukho igqabi lomnquma elisandula ukukhiwa emlonyeni walo; wazi uNowa, ukuba ehlile amanzi ehlabathini. 12Walinda eminye imihla ekwasixhenxe, walisusa ihobe; aliphindanga libuyele kuye kanjalo.</div><div class="p"> 13Kwathi, ngomnyaka wamakhulu omathandathu anamnye, ngolokuqala enyangeni yokuqala, amanzi atsha ehlabathini; uNowa walususa uphahla lomkhombe; wakhangela, nango umhlaba womile. 14Ngenyanga yesibini, ngosuku lwamashumi omabini anesixhenxe enyangeni leyo, woma kwaphela umhlaba.</div><div class="b"></div><div class="p"> 15Wathetha uThixo kuNowa, esithi, 16Phuma emkhombeni, wena nomkakho, noonyana bakho, nabafazi boonyana bakho, ndawonye nawe. 17Zonke izinto eziphilileyo ezikuwe, kwinyama yonke, ezintakeni, nasezintweni ezizitho zin&#233;, nasezinambuzaneni zonke ezinambuzelayo emhlabeni, phuma nazo, zizal&#236;se ihlabathi, ziqhame, zande ehlabathini.</div><div class="p"> 18Waphuma ke uNowa, noonyana bakhe, nomkakhe, nabafazi boonyana bakhe, ndawonye naye. 19Zonke izinto eziphilileyo, zonke izinambuzane, neentaka zonke, iinto zonke ezinambuzelayo emhlabeni, ngeentlobo zazo, zaphuma emkhombeni.</div><div class="p"> 20UNowa wamakhela uYehova isibingelelo, wathabatha kwizinto zonke ezizitho zin&#233; ezihlambulukileyo, nakwiintaka zonke ezihlambulukileyo, wanyusa amadini anyukayo esibingelelweni eso. 21UThixo weva ivumba elithozamisayo, wathi uYehova entliziyweni yakhe, Andisayi kuphinda ndilitshabhise ihlabathi ngenxa yomntu, ngokuba ukuyila kwentliziyo yomntu kubi kwasebutsheni bakhe; andisayi kuphinda ndizibhubhise zonke izinto eziphilileyo, njengoko ndenz&#233; ngako. 22Kuthabathela apha, ngayo yonke imihla yehlabathi, akuyi kuphela ukuhlwayela nokuvuna, ukubanda nobushushu, ihlobo nobusika, imini nobusuku.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s1">Unogumbe</div><div class="p"> 1UThixo wamsikelela uNowa noonyana bakhe, wathi kubo, Qhamani, nande, nizalise ihlabathi. 2Ukoyikeka kwenu, nokuqhiphula kwenu umbilini, makube phezu kwezinto zonke eziphilileyo zomhlaba, naphezu kweentaka zonke zezulu, nakwiinto zonke ezinambuzelayo emhlabeni, nakwiintlanzi zonke zolwandle; zona zinik&#233;lwe esandleni senu. 3Zonke izinambuzane eziphilileyo mazibe kukudla kuni; njengomfuno oluhlaza, ndininikile oko konke. 4Yinyama yodwa enomphefumlo wayo, enegazi layo, eningasayi kuyidla. 5Ligazi lenu lodwa, imiphefumlo yenu ke, endiya kulibiza; esandleni sezinto zonke eziphilileyo ndiya kulibiza, nasesandleni somntu; esandleni salowo ungumzalwana wakhe, ndiya kuwubiza umphefumlo womntu. 6Ophalaza igazi lomntu, igazi lakhe lophalazwa ngumntu, ngokuba umntu w&#234;nziwa ngokomfanekiselo kaThixo. 7Nina ke, qhamani nande, nilizalise ihlabathi, nande kulo.</div><div class="b"></div><div class="p"> 8Watsho uThixo kuNowa, nakoonyana bakhe ndawonye naye, ukuthi, 9Yabonani, mna ndiyawumisa umnqophiso wam nani, nembewu yenu emva kwenu, 10nayo yonke imiphefumlo ephilileyo ekuni, kwiintaka, nakwizinto ezizitho zin&#233;, nakwizinto zonke eziphilileyo zehlabathi ezikuni; kwiinto zonke eziphume emkhombeni, ezizizinto zonke eziphilileyo zehlabathi. 11Ndiwumis&#233; umnqophiso wam nani, ukuba ingabi sanqunyulwa yonke inyama ngamanzi onogumbe, kungabi sabakho nogumbe wokulonakalisa ihlabathi. 12Wathi uThixo, Nguwo lo umqondiso womnqophiso endiwubekayo phakathi kwam nani, nayo yonke imiphefumlo ephilileyo ekuni, kuse kwizizukulwana zasephakadeni: 13umny&#224;ma wam ndiwubek&#233; efini, ukuba ube ngumqondiso womnqophiso ophakathi kwam nehlabathi. 14Kothi, ndakuwusibekelisa ngelifu umhlaba, ubonakale umny&#224;ma lowo efini; 15ndiwukh&#249;mbule umnqophiso wam ophakathi kwam nani, nayo yonke imiphefumlo ephilileyo enyameni yonke, angabi sabakho amanzi onogumbe okonakalisa inyama yonke. 16Umny&#224;ma woba semafini ke, ndiwukh&#224;ngele, ndikhumbule umnqophiso ongunaphakade phakathi koThixo nayo yonke imiphefumlo ephilileyo, enyameni yonke esehlabathini. 17Wathi uThixo kuNowa, Nguwo lowo umqondiso womnqophiso endiwumisileyo phakathi kwam nayo yonke inyama esehlabathini.</div><div class="s1">UNowa nomdiliya</div><div class="p"> 18Ke kaloku oonyana bakaNowa, &#225;baphuma emkhombeni, babengooShem, noHam, noYafete; uHam ke nguyise kaKanan. 19Aba bathathu ngoonyana bakaNowa; balizaza ihlabathi lonke.</div><div class="p"> 20UNowa wathi, engumlimi womhlaba, waqala watyala isidiliya. 21Wasela iwayini, wanxila, wazihluba phakathi kwentente yakhe. 22UHam, uyise kaKanan, wabubona ubuz&#233; bukayise, waxelela abakhuluwa bakhe bobabini ngaphandle. 23UShem noYafete bathabatha ingubo, bayibeka emagxeni abo bobabini, baya ngomva, babugubungela ubuz&#233; bukayise. 24Wavuka uNowa ewayinini yakhe, wakwazi akwenzileyo unyana wakhe omnci kuye. 25Wathi,</div><div class="b"></div><div class="q1">Makaqalekiswe uKanan,</div><div class="q1">Abe sisicaka sezicaka kubazalwana bakhe.</div><div class="b"></div><div class="m"> 26Wathi,</div><div class="b"></div><div class="q1">Makabongwe uYehova uThixo kaShem,</div><div class="q1">UKanan abe sisicaka kubo.</div><div class="q1"> 27UThixo makamvulele uYafete,</div><div class="q1">Ahlale ezintenteni zikaShem,</div><div class="q1">UKanan abe sisicaka kubo.</div><div class="b"></div><div class="p"> 28Wahlala uNowa emveni konogumbe iminyaka emakhulu mathathu anamanci mahlanu. 29Yonke imihla kaNowa yaba yiminyaka emakhulu asithoba anamanci mahlanu; wafa ke.</div>
 </div>
 </div>
</div>

ITestamente Endala - Iincwadi zikaMosesIsampulu

IsiBhalo

Malunga nesi Sicwangciso

Izicwangciso eziyeleleneyo