Ibhayibhile Yonke Ngaphantsi kweminyaka emi-2

<div class="version vid281 iso6393xho" data-vid="281" data-iso6393="xho">
 <div class="book bkNEH">
 <div class="chapter ch4" data-usfm="NEH.4">
 <div class="label">4</div><div class="s1">UNehemiya ulumkela inkcaso yabakwaSamari</div><div class="p"> 1Kwathi, akuva uSanebhalati ukuba s&#236;yalwakha udonga, wasuka wavutha umsindo wakhe, waqumba kunene, wawangcikiva amaYuda. 2Wathetha phambi kwabazalwana bakhe nempi yakwaSamari, wathi, Enza ntoni na la maYuda antshwenyileyo? ozinqabisa na? obingelela na? ogqiba namhla na? owavusa na amatye kwezi mfumba zothuli, etshile nje? 3Ke uTobhiya umAmon, engakuye, wathi, Nale nto ayakhayo, kung&#225;thi kunyuke impungutye le, iluqhekeze udonga lwawo lwamatye.</div><div class="p"> 4Yiva, Thixo wethu; ngokuba sideliwe, ukubuyisele ezintlokweni zabo ukungcikiva kwabo, ubanikele ekuphangweni elizweni labathinjwa. 5Musa ukubuselela ubugwenxa babo; musa ukusicima isono sabo phambi kwakho; ngokuba bakuqumbisile phambi kwabakhi.</div><div class="p"> 6Salwakha ke udonga, lwadityaniswa lonke udonga, kwesa esiqingatheni sokuphakama kwalo. Abantu babenentliziyo yokusebenza.</div><div class="b"></div><div class="p"> 7Kwathi, akuva uSanebhalati, noTobhiya, nama-Arabhi, nama-Amon, nama-Ashdode, ukuba ziyenyuswa iindonga zeYerusalem; ukuba ziqaliwe, ziyavingcwa iintanda: wavutha umsindo wabo kunene. 8Bacebisana kunye bonke bephela, ukuba beze kulwa neYerusalem, bayonakalise.</div><div class="p"> 9Sathandaza kuThixo wethu, samisa abokulinda imini nobusuku ngenxa yabo. 10Athi amaYuda, Amandla abathwali bemithwalo ayetha, inkunkuma ininzi; thina asinakulwakha udonga. 11Ababandezeli bethu abo babesithi, Akayi kwazi, akayi kubona, side singene phakathi kwawo, siwabulale, siwumise umsebenzi. 12Kwathi, akuza amaYuda abehleli emacaleni abo, athetha kuthi izihlandlo zalishumi, ephuma ezindaweni zonke, esithi, Buyelani kuthi.</div><div class="p"> 13Ndesuka, ndamisa ezindaweni ezisezantsi emva kodonga, ezindaweni ezibalelelwa lilanga, ndamisa abantu ngokwemizalwane, benamakrele abo, nezikhali zabo, nezaphetha zabo. 14Ndakhangela, ndasuka ndathi kubanumzana, nakubaphathi, nakwabanye abantu, Musani ukuboyika; khumbulani iNkosi enkulu eyoyikekayo, nilwele abazalwana benu, noonyana benu, neentombi zenu, nabafazi benu, nezindlu zenu.</div><div class="p"> 15Kwathi, zakuva iintshaba zethu ukuba siyazi thina, nokuba uThixo ulitshitshisile iqhinga lazo, sabuyela sonke siphela eludongeni, elowo emsebenzini wakhe. 16Kwathi, ukususela kuloo mini, esinye isiqingatha samadodana akwam sasebenza emsebenzini, esinye isiqingatha saphatha izikhali, neengweletshetshe, izaphetha, neengubo zentsimbi; kananjalo abaphathi babeyixhasile yonke indlu kaYuda. 17Ke aba babesakha eludongeni, nabathwala imithwalo, babethwala ngesinye isandla esibe sisebenza emsebenzini, baphathe izikhali ngesinye; 18nabakhi babesakha, benxibe elowo ikrele lakhe esinqeni sakhe. Ovuthela isigodlo ubesecaleni lam.</div><div class="p"> 19Ndathi kubanumzana, nakubaphathi, nakwabanye abantu, Umsebenzi lo mkhulu, ubanzi; thina sithe saa eludongeni, omnye ekude komnye. 20Endaweni enithe neva ilizwi lesigodlo, nobuthelana kuyo kum; uThixo wosilwela. 21Sasisebenza emsebenzini, isiqingatha sawo siphethe izikhali, siqalela ekuphumeni kwesifingo, sizise ekuveleni kweenkwenkwezi. 22Kananjalo ndathi ngelo xesha ebantwini, Elowo nendodana yakwakhe makalale phakathi eYerusalem ebusuku, ukuze babe ngabalindi kuthi ebusuku, emini babe semsebenzini. 23Ke mna, nabazalwana bam, namadodana akwam, namadoda alindayo abendilandela, sibe singazikhululi iingubo zethu. Elowo ebenekrele lakhe kwesokunene.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkNEH">
 <div class="chapter ch5" data-usfm="NEH.5">
 <div class="label">5</div><div class="s1">Amalinga kaNehemiya okunceda amahlwempu</div><div class="p"> 1Ke kaloku kwabakho ukukhala okukhulu kwabantu nabafazi babo ngabazalwana babo amaYuda. 2Bekukho ababesithi, Sibaninzi thina, oonyana bethu, neentombi zethu; masamkele ingqolowa, ukuze sidle, siphile. 3Bekukho nababesithi, Amasimi ethu, nezidiliya zethu, nezindlu zethu, sibambisile ngazo; masamkele ingqolowa ngenxa yendlala. 4Bekukho nababesithi, Sibolek&#233; imali yokurhafela ukumkani, ngokubambisa ngamasimi ethu nezidiliya zethu. 5Kaloku inyama yethu ikwanjengenyama yabazalwana bethu, noonyana bethu bakwanjengoonyana babo; ukanti siyabanyanzela oonyana bethu neentombi zethu, ukuba babe ngamakhoboka; ezintombini zethu kukho nesezinyanzelwe; akukho mandla esandleni sethu, amasimi ethu nezidiliya zethu zizezabanye nje.</div><div class="p"> 6Wavutha ke kakhulu umsindo wam, ndakukuva ukukhala kwabo, naloo mazwi. 7Ndafuna iqhinga entliziyweni yam, ndabambana nabanumzana nabaphathi, ndathi kubo, Niyadlana ngokuboleka. Ndabamisela ibandla elikhulu, ndathi kubo, 8Thina, ngangoko sinako, sibathengile sabakhulula abazalwana bethu amaYuda, ebe kuthengiswe ngabo kwiintlanga. Niya kusuka ke nina nithengise na ngabazalwana benu, ukuze bathengise ngeziqu zabo kuthi?</div><div class="p">Bathi cwaka, &#224;bafumana lizwi lakuphendula.</div><div class="p"> 9Ndathi, Ayilungile le nto niyenzayo; nibe ningafanele na ukuhamba ekoyikeni uThixo wethu, ngenxa yokungcikiva kweentlanga eziziintshaba zethu? 10Kananjalo mna, abazalwana bam, namadodana akwam, sibabolek&#233; imali nengqolowa; makhe sikuyeke oku kuboleka ngokubambisa. 11Khanibabuyisele kwanamhlanje amasimi abo, nezidiliya zabo, nezinquma zabo, nezindlu zabo; nesekhulu isahlulo semali, nesengqolowa, nesewayini entsha, neseoli, eniyibize kubo iyinzuzo.</div><div class="p"> 12Bathi, Siya kusibuyisa, singabizi nto kubo; siya kwenza njengoko utshoyo. Ndabiza ababingeleli, ndabafungisa ukuba benze ngokwelo lizwi. 13Kananjalo ndavuthulula isondo lengubo yam, ndathi, UThixo makenjenje ukubavuthulula ezindlwini zabo, nasekuxelengeni kwabo, bonke abantu abangayi kulimisa elo lizwi; mabenjiwe nje ukuvuthululwa, balambathe. Lathi lonke ibandla, Amen; bamdumisa uYehova. Benza ke abantu ngokwelo lizwi.</div><div class="p"> 14Kananjalo kususela kumhla endamiselwa ukuba ndibe libamba labo ezweni lakwaYuda, ndithabathela kumnyaka wamashumi amabini, ndezisa kumnyaka wamashumi amathathu anamibini ka-Artashashta ukumkani, iyiminyaka elishumi elinamibini, mna nabazalwana bam asidlanga kudla kwabamba. 15Ke amabamba okuqala abephambi kwam enza kwaba nzima ebantwini, athabatha kubo isonka newayini; emveni koko athabatha amashumi aman&#233; eeshekele&#8226; zesilivere; kananjalo amadodana akwawo enza ngegunya ebantwini. Ke mna andenjanga njalo, ngokoyika uThixo. 16Kananjalo ndabamba emsebenzini wolo donga; asithenganga masimi; onke amadodana akwam ayehlanganisene khona emsebenzini. 17Ke amaYuda, abaphathi, amadoda alikhulu elinamanci mahlanu, kwanawez&#225;yo kuthi, evela ezintlangeni ezisijikelezileyo, abe esetafileni yam. 18Into ebe ilungiselelwa imini enye yaba yinkomo, neegusha ezikhethiweyo ezintandathu, neentaka, bekusenzelwa mna; neentlobo zonke ezininzi zewayini ngeentsuku ezilishumi; kuloo nto andibizanga kudla kwabamba, ngokuba yayinzima inkonzo phezu kwaba bantu.</div><div class="p"> 19Nd&#237;khumbulele okulungileyo, Thixo wam, ngako konke endikwenzele aba bantu.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkNEH">
 <div class="chapter ch6" data-usfm="NEH.6">
 <div class="label">6</div><div class="s1">Amalinga kaSanebhalati okuthintela ukwakha</div><div class="p"> 1Kwathi, kwakuvakala kuSanebhalati, nakuTobhiya, nakuGeshem umArabhi, nakwezinye iintshaba zethu, ukuba ndilwakhile udonga, akwasala luthanda kulo (nakuba kwada kwalelo xesha ndingazimisanga iingcango emasangweni), 2bathumela kum uSanebhalati noGeshem, besithi, Yiza, sihlangane komnye wemizana esesihlanjeni seOno. 3Babecinga ukundenza into embi. Ndathumela abathunywa kubo, ndathi, Ndenza umsebenzi omkhulu, andinakuhla; yini na ukuba ume umsebenzi lo, ngokuthi ndiwuyeke, ndihle ndize kuni? 4Bathumela kum ngokunjalo izihlandlo zazin&#233;, ndabaphendula kwangelo lizwi.</div><div class="p"> 5USanebhalati wathumela ngokunjalo kum indodana yakwakhe, isihlandlo sesihlanu, inencwadi evulekileyo esandleni sayo; 6kubhalwe kuyo kwathiwa, Kuvakele ezintlangeni, utsho noGashemu ukuthi, Wena namaYuda nicinga ukugwilika; &#249;lwakha ngenxa yoko udonga olo; &#249;nqwenele ukuba ngukumkani wawo, ngokwaloo mazwi. 7Kananjalo &#249;mise abaprofeti bokumemeza ngawe eYerusalem, besithi, Kumkani wamaYuda! Ngoko ke kuya kuvakala kukumkani ngokwaloo mazwi; yiza ke ngoko, sicebisane.</div><div class="p"> 8Ndathumela kuye, ndathi, Akukho nto injengaleyo uyithethayo, iyiloo nto uyicamngce entliziyweni yakho. 9Ngokuba bonke bephela bebesoyikisa, besithi, Izandla zawo ziya kuwuyeka lo msebenzi, ung&#232;nziwa. Ngoko, Thixo, zomeleze izandla zam.</div><div class="p"> 10Ndaya endlwini kaShemaya unyana kaDelaya, unyana kaMehetabheli, evalelwe; wathi, Masihlangane endlwini kaThixo, ngaphakathi kwetempile, sizivale iingcango zetempile leyo; ngokuba baza kukubulala; ebusuku baya kuza kukubulala. 11Ndathi, Kub&#225;leke indoda enjengam nje na? Yiyiphi na enjengam eya kungena etempileni isinde? Andiyi kungena.</div><div class="p"> 12Ndaqonda: O! AsinguThixo lo umthumileyo; isiprofeto esi usitheth&#233; ngam ngokuqeshwa nguSanebhalati noTobhiya. 13Ubeqeshelwe ukuze ndoyike, ndenze loo nto, ndone; ndibe negama elibi kubo, ukuze bandingcikive.</div><div class="p"> 14Bakh&#250;mbule, Thixo wam, ooTobhiya noSanebhalati ngokwezo zenzo zabo, kwanoNowadiya umprofetikazi, nabanye abaprofeti ababendoyikisa.</div><div class="b"></div><div class="p"> 15Lwagqitywa udonga ngomhla wamashumi amabini anesihlanu kaEluli, ngemihla emashumi mahlanu anamibini. 16Kwathi zakukuva oko iintshaba zethu zonke, zoyika zonke iintlanga ezisijikelezileyo, zetha amandla emehlweni azo, zazi ukuba kuvele kuThixo wethu ukwenziwa kwalo msebenzi.</div><div class="p"> 17Kananjalo ngaloo mihla, abanumzana bakwaYuda bazongeza iincwadi eziya kuTobhiya, nezikaTobhiya bezisiza kubo. 18Ngokuba bebebaninzi kwaYuda ababemfungele; ngokuba ebengumyeni kwaShekaniya unyana ka-Ara; noYohanan unyana wakhe ubezeke intombi kaMeshulam unyana kaBherekiya. 19Kananjalo ukulunga kwakhe babekuthetha phambi kwam, namazwi am bewasa kuye. UTobhiya wathumela iincwadi zokundoyikisa.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkNEH">
 <div class="chapter ch7" data-usfm="NEH.7">
 <div class="label">7</div><div class="s1">Uluhlu lwabasemfudusweni ababuyisiweyo</div><div class="p"> 1Ke kaloku kwathi, lwakwakhiwa udonga, ndazifaka iingcango; bamiswa abamasango, nabavumi, nabaLevi, ukuba bagcine umsebenzi wabo. 2Ndamwisela umthetho uHanani umzalwana wam, noHananiya umphathi wenqaba, ngeYerusalem; ngokuba ebeyindoda enyanisekileyo, emoyikayo uThixo ngaphezu kwabaninzi. 3Ndathi kubo, Amasango aseYerusalem makangavulwa, lide lifudumale ilanga; bathi, besemi belinda, bazivale iingcango, bazitshixe; nimise abagcini abangabemi baseYerusalem, elowo abe selugcinweni lwakhe, elowo abe phambi kwendlu yakhe. 4Umzi ububanzi ngeenxa zombini, umkhulu; abantu bembalwa phakathi kwawo, kungakhiwanga zindlu.</div><div class="b"></div><div class="p"> 5UThixo wam wangenisa entliziyweni yam, ukuba ndibabuthe abanumzana, nabaphathi, nabantu, ukuba ndibabhalele emilibeni yokuzalwa. Ndafumana incwadi yemilibo yokuzalwa kw&#226;bo babenyuke ekuqaleni; ndafumana kubhaliwe khona kwathiwa:</div><div class="p"> 6Ngabo aba oonyana belizwe lakwaYuda, abanyuk&#225;yo kwabathinjiweyo basemfudusweni, awayebafudusile uNebhukadenetsare ukumkani waseBhabheli, &#225;babuyela eYerusalem nakwaYuda, elowo wabuyela emzini wakowabo, 7abeza noZerubhabheli, noYeshuwa, noNehemiya, noAzariya, noRahamiya, noNahamani, noMordekayi, noBhileshan, noMisperete, noBhigevayi, noNehum, noBhahana.</div><div class="p">Inani lamadoda, abantu bakwaSirayeli, yayileli: 8oonyana bakaParoshe ibingamawaka amabini, anekhulu elinamanci asixhenxe anababini. 9Oonyana bakaShefatiya ibingamakhulu amathathu, anamanci asixhenxe anababini. 10Oonyana baka-Ara ibingamakhulu amathandathu, anamanci mahlanu anababini. 11Oonyana bakaPahati wakwaMowabhi, koonyana bakaYeshuwa noYowabhi, ibingamawaka amabini, anamakhulu asibhozo, anashumi linye linesibhozo. 12Oonyana bakaElam ibiliwaka, elinamakhulu amabini, anamanci mahlanu anaban&#233;. 13Oonyana bakaZatu ibingamakhulu asibhozo, anamanci man&#233; anabahlanu. 14Oonyana bakaZakayi ibingamakhulu asixhenxe, anamanci mathandathu. 15Oonyana bakaBhinwi ibingamakhulu amathandathu, anamanci man&#233; anesibhozo. 16Oonyana bakaBhebhayi ibingamakhulu amathandathu, anamanci mabini anesibhozo. 17Oonyana baka-Azegadi ibingamawaka amabini, anamakhulu mathathu, anamanci mabini anababini. 18Oonyana baka-Adonikam ibingamakhulu amathandathu, anamanci mathandathu anesixhenxe. 19Oonyana bakaBhigevayi ibingamawaka amabini, anamanci mathandathu anesixhenxe. 20Oonyana baka-Adin ibingamakhulu amathandathu, anamanci mahlanu anabahlanu. 21Oonyana baka-Atere kaHezekiya ibingamashumi asithoba anesibhozo. 22Oonyana bakaHashum ibingamakhulu amathathu, anamanci mabini anesibhozo. 23Oonyana bakaBhetsayi ibingamakhulu amathathu, anamanci mabini anaban&#233;. 24Oonyana bakaHarifi ibilikhulu, elinashumi linye linababini. 25Oonyana baseGibheyon ibingamashumi asithoba anabahlanu. 26Amadoda aseBhetelehem naseNetofa ibilikhulu, elinamanci asibhozo anesibhozo. 27Amadoda aseAnatoti ibilikhulu, elinamanci mabini anesibhozo. 28Amadoda aseBhete-azemavete ibingamashumi aman&#233; anamabini. 29Amadoda aseKiriyati-yeharim, neKefira, neBheroti ibingamakhulu asixhenxe, anamanci man&#233; anamathathu. 30Amadoda aseRama neGabha ibingamakhulu amathandathu, anamanci mabini ananye. 31Amadoda aseMikimas ibilikhulu, elinamanci mabini anamabini. 32Amadoda aseBheteli neAyi ibilikhulu, elinamanci mabini anamathathu. 33Amadoda enye iNebho ibingamashumi amahlanu anamabini. 34Oonyana bomnye uElam ibiliwaka elinamakhulu amabini, anamanci mahlanu anaban&#233;. 35Oonyana bakaHarim ibingamakhulu amathathu, anamanci mabini. 36Oonyana baseYeriko ibingamakhulu amathathu, anamanci man&#233; anabahlanu. 37Oonyana baseLodi neHadidi neOno ibingamakhulu asixhenxe, anamanci mabini anamnye. 38Oonyana baseSenaha ibingamawaka amathathu, anamakhulu asithoba, anamanci mathathu.</div><div class="p"> 39Ababingeleli: oonyana bakaYedaya, bendlu kaYeshuwa, ibingamakhulu asithoba, anamanci asixhenxe anabathathu. 40Oonyana bakaImere ibiliwaka, elinamanci mahlanu anababini. 41Oonyana bakaPashure ibiliwaka, elinamakhulu amabini, anamanci man&#233; anesixhenxe. 42Oonyana bakaHarim ibiliwaka elinashumi linye linesixhenxe.</div><div class="p"> 43AbaLevi: oonyana bakaYeshuwa noKademiyeli, koonyana bakaHodeva, ibingamashumi asixhenxe anaban&#233;.</div><div class="p"> 44Iimvumi: oonyana baka-Asafu ibilikhulu, elinamanci man&#233; anesibhozo.</div><div class="p"> 45Abamasango: oonyana bakaShalum, oonyana baka-Atere, oonyana bakaTalemon, oonyana baka-Akubhi, oonyana bakaHatita, oonyana bakaShobhayi, ibilikhulu, elinamanci mathathu anesibhozo.</div><div class="p"> 46Abakhonzi betempile: oonyana bakaTsiha, oonyana bakaHasufa, oonyana bakaTabhahoti, 47oonyana bakaKerosi, oonyana bakaSiha, oonyana bakaPadon, 48oonyana bakaLebhana, oonyana bakaHagabha, oonyana bakaSalemayi, 49oonyana bakaHanan, oonyana bakaGidele, oonyana bakaGahare, 50oonyana bakaRehaya, oonyana bakaRetsin, oonyana bakaNekoda, 51oonyana bakaGazam, oonyana bakaUza, oonyana bakaPaseha, 52oonyana bakaBhetsayi, oonyana bakaMehunim, oonyana bakaNefishesim, 53oonyana bakaBhakebhuki, oonyana bakaHakufa, oonyana bakaHarehure, 54oonyana bakaBhatseliti, oonyana bakaMehida, oonyana bakaHarsha, 55oonyana bakaBharkosi, oonyana bakaSisera, oonyana bakaTama, 56oonyana bakaNetsiha, oonyana bakaHatifa.</div><div class="p"> 57Oonyana babakhonzi bakaSolomon: oonyana bakaSotayi, oonyana bakaSoferete, oonyana bakaPerida, 58oonyana bakaYahala, oonyana bakaDarkon, oonyana bakaGidele, 59oonyana bakaShefatiya, oonyana bakaHatili, oonyana bakaPokerete-tsebhayim, oonyana baka-Amon.</div><div class="p"> 60Bonke abakhonzi betempile, noonyana babakhonzi bakaSolomon, ibingamakhulu amathathu, anamanci asithoba anababini.</div><div class="p"> 61Ngabo aba abenyuka bevela eTelemela, naseTele-harsha, naseKerubhiadoni-mere; ke ababanga nakuzixela izindlu zooyise nomnombo wabo, ukuba ngabakwaSirayeli na: 62oonyana bakaDelaya, oonyana bakaTobhiya, oonyana bakaNekoda, babengamakhulu omathandathu, anamanci man&#233; anababini.</div><div class="p"> 63Ke kubabingeleli: oonyana bakaHabhaya, oonyana bakaHakotse, oonyana bakaBharzilayi, owazeka umfazi ezintombini zikaBharzilayi waseGiliyadi, wabizwa ngegama lazo: 64abo bak&#250;funa ukubhalwa kwabo kwababhalelw&#225;yo emilibeni yokuzalwa, abakufumana; bangcola ke, ababa sebubingelelini. 65Irhuluneli yathi kubo, mabangadli nto kwezingcwele kanye, kude kuvele umbingeleli oneeUrim neeTumim.&#8226;</div><div class="p"> 66Lonke ibandla lindawonye ibe ingamawaka angamashumi aman&#233; anamabini, anamakhulu mathathu, anamanci mathandathu; 67zizodwa izicaka zabo ezi nezicakakazi zabo ezi, zingamawaka asixhenxe, anamakhulu amathathu, anamanci mathathu anesixhenxe; zineemvumi neemvumikazi ezingamakhulu amabini, anamanci man&#233; anantlanu.</div><div class="p"> 68Amahashe abo ibingamakhulu asixhenxe, anamanci mathathu anamathandathu; oondlebende babo ibingamakhulu amabini, anamanci man&#233; anabahlanu; 69iinkamela ibingamakhulu aman&#233;, anamanci mathathu anantlanu; amaesile ibingamawaka amathandathu, anamakhulu asixhenxe, anamanci mabini.</div><div class="p"> 70Inxenye yeentloko zezindlu zooyise yanikela emsebenzini. Irhuluneli yanikela ebuncwaneni igolide eliwaka leedarike,&#8226; namashumi amahlanu ezitya zokutshiza, namashumi amathathu eengubo zangaphantsi zababingeleli, nesilivere engamawaka amahlanu eemina.&#8226; 71Inxenye yeentloko zezindlu zooyise yanikela ebuncwaneni bomsebenzi igolide engamawaka amashumi amabini eedarike, nesilivere engamawaka amabini, anamakhulu amabini eemina. 72Okwanikwayo ngabanye abantu ibe iyigolide engamawaka amashumi amabini eedarike, nesilivere engamawaka amabini, namashumi amathandathu anesixhenxe eengubo zangaphantsi zababingeleli.</div><div class="p"> 73Bahlala ke ababingeleli, nabaLevi, nabamasango, neemvumi, nenxenye yabantu, nabakhonzi betempile, namaSirayeli onke emizini yakomawabo.</div><div class="p">Ithe yakufika inyanga yesixhenxe, baba oonyana bakaSirayeli besemizini yakomawabo.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bk2CO">
 <div class="chapter ch9" data-usfm="2CO.9">
 <div class="label">9</div><div class="p"> 1Kuba okunene ngako ukulungiselela abangcwele, akufuneki kona ukuba ndinibhalele. 2Kuba ndiyakwazi ukuthumekelela kwenu, endiqhayisa ngako ngani kwabelaseMakedoni, ndisithi elaseAkaya beliselilunge kwanyakenye; nokuzondelela kwenu kwaxhokonxa abona baninzi. 3Ke kaloku ndithume abazalwana, ukuze iqhayiya lethu eling&#225;ni lingalanjathiswa ngale ndawo; ukuze nithi, njengokuba benditshilo, nibe senilungile; 4hleze kuthi, ukuba bathe bafika nam abelaseMakedoni, banifumana ningekalungi, sidaniswe thina (ukuba asingethi, kudane nina) koko kukholosa kokuqhayisa. 5Ngoko ndaba kuyafuneka ukubavuselela abazalwana, ukuba basandulele ukuya kuni, bayilungise ngaphambili intsikelelo yenu ebiselixeliwe ngaphambili; ilunge yona ngohlobo lwentsikelelo, ingangi yeyokuvimba.</div><div class="s1">Indlela yokunikela</div><div class="p"> 6Qondani ke le nto: Lowo uhlwayela ngokuvimba wovuna kwangokuvimba; nalowo uhlwayela ngesisa wovuna kwangesisa. 7Elowo makanike njengoko agqibe ngako entliziyweni; makungabi kokuphuma kabuhlungu, nangokunyanzelwa; kuba uThixo uthanda umphi ochwayithileyo. 8Unako ke uThixo ukuphuphumisela kuni ubabalo lonke, ukuze nithi, nihlala ninako nje ukwanela konke ngeendawo zonke, niphuphumele emsebenzini wonke olungileyo; 9njengokuba kubhaliwe kwathiwa,</div><div class="b"></div><div class="q1">Wasasaza, wapha abasweleyo;</div><div class="q1">Ubulungisa bakhe buhleli ngonaphakade.</div><div class="qr">(INdum. 112:9)</div><div class="b"></div><div class="p"> 10Wanga ke angathi, ompha imbewu umhlwayeli, nesonka sokudliwa, aniphe ayandise imbewu yenu, ahlumise isiqhamo sobulungisa benu; 11nithi ngeendawo zonke nityetyiselwe ekunyaniseni konke, kona kusebenzayo ngathi umbulelo kuThixo. 12Ngokuba ulungiselelo lwal&#243; mbuso alwaneli kuzalisela iintsilelo zabangcwele; lusuka kananjalo luphuphume imibulelo emininzi kuye uThixo; 13besithi nje, ngako ukucikideka kolo lulungiselelo, bamzukise uThixo ngenxa yokulululamela kwenu uvumo lwenu ngokusingisele kwiindaba ezilungileyo zikaKristu, nangenxa yokunyanisa kokudlelana kwenu ngokusingisele kubo nakubantu bonke; 14bakubon' ukuba nabo bayanilangazelela, benikhungela ngenxa yobabalo lukaThixo oluncamisileyo kuni aba. 15Makubulelwe ke kuThixo ngenxa yesipho sakhe singenambali.</div>
 </div>
 </div>
</div>

IBhayibhile Iphelele Ngaphantsi KonyakaIsampulu

IsiBhalo

Malunga nesi Sicwangciso

Izicwangciso eziyeleleneyo

Ibhayibhile Yonke Ngaphantsi kweminyaka emi-2