IINDUMISO 26:1-7
IINDUMISO 26:1-7 IZIBHALO EZINGCWELE (XHO75)
Líthethe ityala lam, Yehova, ngokuba mna ndihambé engqibelelweni yam, Ndakholosa ngoYehova, andahexa. Ndícikide, Yehova, undilinge; Nyibilikisa izintso zam nentliziyo yam. Ngokuba inceba yakho iphambi kwamehlo am, Ndihamba enyanisweni yakho. Andihlali namdoda akhohlakeleyo, Àndihambi nabanyhwalazi. Ndilithiyile ibandla labenzi bobubi, Àndihlali nabangendawo. Ndizihlamba kokumsulwa izandla zam, Ndisiphàhle isibingelelo sakho, Yehova, Ukuba ndivakalise izwi lokubulela, Ndibalise ngayo yonke imisebenzi yakho ebalulekileyo.
IINDUMISO 26:1-7 IBHAYIBHILE (XHO96)
Ndigwebele, *Ndikhoyo; kaloku azisoleki iindlela zam, nethemba lam kuwe aligungqi. Ndivavanye, undicikide, Ndikhoyo; yigocagoce intliziyo yam ngokunjalo neengcinga zam. Ndisoloko ndikhokelwa zizibele zothando lwakho; ndihamba njalo nasenyanisweni yakho. Andinanto yakwenza namamenemene, ndaye ndingenabudlelwana nabakhohlisi. Ndiyithiyile imbutho yabantw' abagwenxa, ndaye ndingadlelani nabantw' abangcolileyo. Ndazihlamba kubo ezam izandla, ndenjenjeya ukuy' esibingelelweni sakho, Ndikhoyo, ndivuma ingoma yombongo, ndibalisa ngazo zonk' izenzo zakhw' ezingummangaliso.
IINDUMISO 26:1-7 Contemporary Xhosa Bible 2024 (CXB24)
(Indumiso kaDavide.) Lithethe ityala lam, Yehova; ngokuba ndihambe ngobulungisa bam; Kananjalo ndakholosa ngoYehova; ke ngoko, andiyi kutyibilika. Ndigocagoce, Yehova, undicikide; Ndicikide isinqe sam nentliziyo yam. Ngokuba inceba yakho iphambi kwamehlo am, Ndihamba enyanisweni yakho. Andihlali namadoda akhohlakeleyo, Andihambi nabakhohlisi. Ndilithiyile ibandla lamanginingini; kwaye akayi kuhlala nabangendawo. Ndiya kuhlamba izandla zam ngobumsulwa; Ndiya kunqula isibingelelo sakho, Yehova! ukuze ndithethe ndinezwi lokubulela, Ndibalise ngayo yonke imisebenzi yakho ebalulekileyo.
IINDUMISO 26:1-7 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
NDIGWEBELE, YEHOVA! ngokuba ndihambile ngokunyanisa kwam: nditembele KUYEHOVA, andiyi kutyibilika. Ndilinge, YEHOVA! undivavanye; cokisa izintso zam nentliziyo yam. Ngokuba ububele bako bupambi kwamehlo am: ndihambile nokuhamba enyanisweni yako. Andihlalanga nabantu abangendawo; andiyi kungena nabo bahanahanisayo. Nditiyile intlanganiso yabenzi bokungalungileyo; andiyi kuhlala nabakohlakeleyo. Ndohlamba izandla zam kokungenatyala; kukona ndiya kupahla isibingelo sako, YEHOVA! ndize ndivakalise ngelizwi lokubulela, ndishumayele yonke imimangaliso yako.