यूहन्ना 19
19
बल्खा येंडा एठा माजक उळातिंज
1येने लिंजेन पिलातुस नी सिपाईकु के हुकूम जीके कि यीशु के साईय्याकेच एठा डीचके बल्खा मुंडाए। 2सिपाईकुनी जानोम गा मुकूट गुंडीटे दियागा कापरा लिंजेन डोके एठा डीचके येंगान रेंग्गो गा कपळे उरिके, 3एठा दिया मेरान हेन डो दियागा मजाक उळातिंजटे मंडी लज्जे, “हे यहूदी कुरकू गा राजा, नमस्कार!” एठा डीचके थापळा मुंडाके। 4मेटे पिलातुस नी डाबोलटे बल्लान ओटजे डो कुरकू टे मंडीके, “डोगे, इंज डीचके आपेगा मेरान डाबोलटे बाल्लन सेगेच्बा मेना, ताकी आपे चिनाया कि इंज दिजेन चोचकाभी गलत बान डूगु।”
क्रूस लिंजेन पेपेळेज घल्जी जिऊ
5मेटे यीशु जानोम गा मुकूट एठा येंगान रेंग्गो गा कपळे उरिके बल्लान सालेनेच एठा पिलातुस नी दिकुटे मंडीके, “इनी कोरो के डोगेच।” 6मेटे मुख्यायाजककु एठा मंदिर गा राखवाली मिंकुनी डीचके डोकेनेच मेटे चिल्लातिंजटे मंडीके, “डीचके क्रूस लिंजेन पेळेजेच क्रूस लिंजेन!” पिलातुस नी दिकुटे मंडीके, “आपेका डीचके साटे क्रूस लिंजेन पेळेजेच। चोयाकी इंज दियेन अदा गलत बान डूगु।” 7यहूदी अगुवाकु नी डीचके जवाब जीके, “आलेगा मूसा गा नियम होय एठा डी नियम गा रोंगो देटेन गुजू गा लायको होय। चोयाकी डीचनी हेज खुदके ‘परमेश्वर गा कोण’ घाल्के।” 8जब पिलातुस नी इनी बातो आजुम्के मेटे भेबाव का हिगराएन। 9डाबोलटे किल्ला तलान ओले एठा यीशु टे कोम्बाराके, “आम तुंगा गा होय?” पेनो यीशु नी डीचके चोचकाभी जवाब बान जिडुका। 10पिलातुस नी दियाटे मंडीके, “इंजाटे चोया बान मंडी? चोच आम बान हाडाई कि आमके आरा गा हाक इंजेन होय एठा आमके क्रूस लिंजेन पेपेळेच गा भी हाक इंजेन होय।” 11यीशु नी जवाब जीके, “अगर आमके परमेश्वर गा कोनेटे हाक बान जिऊवा, मेटे अमा इंजा लिंजेन चोचका हाक बान थंदळवा। इनिघल्जी जो कोरोनी इंज्के अमा टीन उठाकेमी होय, दियागा पापो येठाभी होय।” 12इनी वोजीटे पिलातुस नी डीचके आरा चाहताके, पेनो यहूदी अगुवाकु नी चिल्ला-चिल्लातिंजटे मंडीके, “अगर आम डीचके आरागेच्बा मेटे आम रोमी सम्राट गा सोपती बाऊ। जो जेकाभी राजा गा दवा दडावा होय, देटेन रोमी सम्राट कैसर गा दुश्मान होय।” 13इनी बातो आजुमटे पिलातुस यीशु के बल्लान सालेनेच एठा देटेन न्याय गा सिंघासन सुबांके, जो कि घोटा गा म्या चबूतरा जीमू गा म्या जगान डा। (डीके इब्रानी भाषा गेन गब्बता मंडीवा होय।) 14येटेन फसह गा तिवार हफ्ता गा तैयारी दिन डा एठा डया गा टेमो डा: मेटे डीचनी यहूदी अगुवाकु टे मंडीके, “डोगे, इनिज्का होय आपेगा राजा!” 15पेनो दिकु चिल्लातिंजटे मंडी लज्जे, “डीचके घोजेज, डीचके घोजेज! डीचके क्रूस लिंजेन पेळेजेच।” पिलातुस नी दिकुटे मंडीके, “चोच इंज आपेगा राजा के क्रूस लिंजेन पेळेजेच?” मुख्यायाजक कुनी जवाब जीके, “रोमी सम्राट कैसर के आराटे आलेगा तुनिका राजा बाऊ होय।” 16मेटे पिलातुस नी यीशु के क्रूस लिंजेन पेपेळेज घल्जी दिकु हवाले जीकेनेच, दिकु डीचके देटे टे सैय्येनेच।
क्रूस लिंजेन पेपेळेज
17सिपाईकुनी यीशु लिंजेन ध्यान डोके। दिकुनी डीचके हेजा क्रूस ठुल्के एठा डीचके यरूशलेम शहर टे बल्लान, डोबळे गा जगा जीमू गा जगान साईय्येनेच डीके इब्रानी भाषा गेन गुलगुता मंडीवा होय। 18देटेन दिकुनी डीचके एठा दियागा सेंग्गोन एठा बरी कुरकींजके क्रूस लिंजेन पेळेच्केकू, म्याखोम के दियागा जेवना कोनेन एठा दूसराके दियागा डाखोरया कोनेन एठा तलान यीशु के। 19पिलातुस नी म्या आनोवा पत्र ओलटे क्रूस लिंजेन येंडाके एठा डेन इनी ओलके डा, “यीशु नासरी यहूदी कुरकू गा राजा।” 20इनी आनोवा पत्र घोनेच यहूदी कुरकू नी पळातिंज्के चोयाकी डी जगा देटेन यीशु क्रूस लिंजेन पेळेच्केनेच डा यरूशलेम शहर गा मेरान डा एठा पत्र इब्रानी भाषा गेन, लतीनी एठा यूनानी भाषानौर गेन ओलके मेना डा। 21मेटे यहूदी कुरकू गा मुख्यायाजक कुनी पिलातुस टे मंडीके, “‘यहूदी कुरकू गा राजा’ बाकी ओल पेनो इनी ओले कि ‘डीचनी मंडीके, इंज यहूदी कुरकू गा राजा मेना।’” 22पिलातुस नी जवाब जीके, “इंज्नी जो ओलके, देटेन ओल्के, जैसा होय बिल्कुल डेनेगोका थंदळवा।” 23जब सिपाई यीशु के क्रूस लिंजेन पेळेच्केनेच, मेटे दियागा कपळेनौर साटे उफुन भागो आरुके एठा उफुन भी सिपाईकुनी म्या-म्या हिसा साईय्ये, पेनो कुर्ता सुके बाऊ डा बनकी माठा टे ईटा टाएन गुटूके कपळे गा म्याका तुकळा टे आरुके डा। 24इनिघल्जी सिपाईकुनी इनिज दियाटे मंडीके, “आले इनिके बान चिराडूका, पेनो एने लिंजेन चिठ्ठी येंडाके कि देटेन जेगा डाऊवा।” येटेन इनिघल्जी डाएन कि पवित्र ग्रंथ गेन जो ओलके होय डी पुरायु होना, “दिकुनी इंजा कपळे इकुका खातिंजे एठा इंजा कपळे घल्जी चिठ्ठी येंडाके।”
यीशु गा हेजा आंटे गा घांजी प्रवाधान
25इनिघल्जी सिपाईकुनी एनेगोका डाके, पेनो यीशु गा क्रूस गा मेरान दियागा आंटे एठा दियागा आंटे गा बोकाजाई टे, क्लोपास गा जापाएटे मरियम एठा मरियम मगदेला गाँव टेंगेनके डा। 26यीशु नी हेजा आंटे एठा डी चेलाकूके दिकुटे प्यार दोडो डा मेरान टेंगेन धोटे हेजा आंटे टे मंडीके, “हे आंटे, डोगे येटेन अमा कोण होय।” 27मेटे डी चेला टे मंडीके, “डोगे, येटेन अमा आंटे होय।” एठा डीका टेमो टे डी चेलानी, यीशु गा आंटे के हेजा सगाकु मेरान साईय्येनेच।
कामय गा पुराऊ
(मत्ती 27:45-56; मरकुस 15:33-41; लूका 23:44-49)
28एनेगा बादोन यीशु नी इनी चिनाटे कि, नका सेबाईका पुराएन होय, पवित्र ग्रंथ ओल्के मिनी बातो पुराऊ गा घल्जी मंडीके, “इंजेन डा तटाम मेना।” 29देटेन म्या कटीच डा टे भेट्टीमिनी बर्तन डोके डा, इनिघल्जी जेकानी कटीच डा टे ओलाके फोसेट के जोफे गा लाकळी#19:29 जोफे गा लाकळी निला फुलनौर एठा ठायका सुकींज पलामिनी म्या सानी झाळी, जो चोखराऊ गा बलिदान गेन प्रयोग डाऊ डा। लिंजेन धोटे दियागा चभू मेरान जेगाके। 30जब यीशु नी देटेन कटीच डा जल्वे मेटे मंडीके, “पूरा डाएन” एठा कपार इटान टे गोएन।
भला टे बेधा मेन्बा
31नका येटेन तैयारी दिन डा एठा दूसरा दिन परमेश्वर गा चोखरा दिन एठा फसह गा तिवार बाएरा भी डा। येटेन यहूदी अगुवाकु गा घल्जी कास दिन डा, एठा दिकु बान चाहता डा कि इनी दिन गा दौरान गोएन कोम्बोर क्रूस लिंजेन थंदळजू। इनिघल्जी पिलातुस टे मंडीके कि डी कोरोकु गा टांगळा टुक्काकी ताकी दिकु जल्दीका घोयु एठा गोएन कोम्बोरके इटान साली होना। 32इनिघल्जी सिपाईकुनी यीशु गा सेंग्गोन क्रूस लिंजेन पेळेचकेनेच म्या कोरो गा पेला टांगळा टुक्काके दूसरा गा भी टुक्काके। 33पेनो जब यीशु गा मेरान हेन डो डोके कि देटेन गोएन होय, मेटे दियागा टांगळा बान टुक्काडुका। 34पेनो सिपाईकु तलाटे म्याखोम नी बरसी टे दियागा सिपळी पोपाके एठा देटे तुरुटो पचना एठा डा ओटके। 35जो कोरोनी इनी सेबाई डोके डीचनी गवाही जीके होय। एठा दियागा गवाही सच्चो होय। एठा देटेन मालूम होय कि देटेन सच्चो मंडीवा होय। ताकी आपे भी यीशु लिंजेन विश्वास डाएका लक्कू। 36इनी बातो इनिघल्जी डाएन ताकी पवित्र ग्रंथ गेन जो ओल्के होय डी सच्चो डायु, “दियागा तुनिका हाडे टुक्काए बाने।” 37डाबोलटे म्या एठा पवित्र ग्रंथ जगान लिंजेन इनी ओल्के होय, “डीके दिकुनी पोपाके होय, डे लिंजेन नजर डोएबा।”
यूसुफ गा कब्र गें यीशु के गगाळातिंज
38इनी बातो गा बादोन अरिमतियाह गाँव टे यूसुफ नी जो यीशु गा चेलाकू डा (पेनो यहूदी अगुवाकु गा हिगरा टे इनी बातो के उखु डोए डा), पिलातुस टे विनंती डावे, कि इंज यीशु गा गोएन कोम्बोर साईय्यावा एठा पिलातुस नी दियागा विनंती आजुम्के एठा देटेन हेंडो दियागा गोएन कोम्बोर साईय्ये। 39नीकुदेमुस भी जो पेला यीशु गा मेरान रातो ओले डा त्यातीस किलो ग्राम अंदजो सुकींज चीजो एठा सिंबिल सुकींज मिनी चीजो साले। 40यहूदी कुरकू गगाळातिंज गा रितो रोंगो, दिकुनी नेरोम कपळे गा लम्बा चद्दारेन सुकींज चीजो सेंग्गोन यीशु गा कोम्बोर उगुरके। 41डी जगा गा मेरान म्या बगीचा डा, देटेन यीशु के क्रूस लिंजेन पेळेच्केनेच डा। डी बगिचान म्या उनाई कब्र डा, डीके पेला चोलाकाभी कामय गेन बान येंडाडुका। 42इनिघल्जी यीशु गा गोएन कोम्बोर डीका कब्र गा गुफा गेन डोकेनेच चोयाकी देटेन मेरान डा एठा देटेन यहूदी कुरकू के घल्जी परमेश्वर गा चोखरा दिन गा तैयारी गा दिन डा।
Currently Selected:
यूहन्ना 19: GOKNT
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.