Iivesi zeBhayibhile ezithandwayo ezisuka यूहन्ना 19

Share

जब यीशु नी देटेन कटीच डा जल्वे मेटे मंडीके, “पूरा डाएन” एठा कपार इटान टे गोएन।

एनेगा बादोन यीशु नी इनी चिनाटे कि, नका सेबाईका पुराएन होय, पवित्र ग्रंथ ओल्के मिनी बातो पुराऊ गा घल्जी मंडीके, “इंजेन डा तटाम मेना।”

यीशु नी हेजा आंटे एठा डी चेलाकूके दिकुटे प्यार दोडो डा मेरान टेंगेन धोटे हेजा आंटे टे मंडीके, “हे आंटे, डोगे येटेन अमा कोण होय।” मेटे डी चेला टे मंडीके, “डोगे, येटेन अमा आंटे होय।” एठा डीका टेमो टे डी चेलानी, यीशु गा आंटे के हेजा सगाकु मेरान साईय्येनेच।

पेनो जब यीशु गा मेरान हेन डो डोके कि देटेन गोएन होय, मेटे दियागा टांगळा बान टुक्काडुका। पेनो सिपाईकु तलाटे म्याखोम नी बरसी टे दियागा सिपळी पोपाके एठा देटे तुरुटो पचना एठा डा ओटके।

इनी बातो इनिघल्जी डाएन ताकी पवित्र ग्रंथ गेन जो ओल्के होय डी सच्चो डायु, “दियागा तुनिका हाडे टुक्काए बाने।” डाबोलटे म्या एठा पवित्र ग्रंथ जगान लिंजेन इनी ओल्के होय, “डीके दिकुनी पोपाके होय, डे लिंजेन नजर डोएबा।”

सिपाईकुनी यीशु लिंजेन ध्यान डोके। दिकुनी डीचके हेजा क्रूस ठुल्के एठा डीचके यरूशलेम शहर टे बल्लान, डोबळे गा जगा जीमू गा जगान साईय्येनेच डीके इब्रानी भाषा गेन गुलगुता मंडीवा होय।

सिपाईकुनी जानोम गा मुकूट गुंडीटे दियागा कापरा लिंजेन डोके एठा डीचके येंगान रेंग्गो गा कपळे उरिके