Iivesi zeBhayibhile ezithandwayo ezisuka Jenɛɛsë 3

Share

'Ŋlʋʋ 'jäa' 'sɩrɩ tuulua 'bö 'naa jijikʋa ‑gʋ, ‑bɛ 'u 'naraa' 'nyü ‑gälɩ, ‑bɛ 'u 'naa' wiijejrekʋa ‑nyɩnyɩkʋa ‑gʋ nɩ, 'ɔnya dɔrɔ 'ua 'bö 'wʋ 'ɔnya jidɛɛ, 'ɔnya ‑nyɩ bɩa 'ään 'ɔa dʋɔlɔ bäɩa' 'ɔa ‑gba, 'ɔnya ji 'ään.

'Klʋɛɛa mlaalü kä 'fɩɔ Yawe Nyɔsʋa nʋa' nɩ, trɔɔ 'uu ma kä yrʋ. 'Unya 'bete 'ŋlʋʋlɔ: «'Cɩcasa Nyɔsʋa ‑gbala 'amɩ ‑maa: ‹'Anyɩ ji tiilia 'fɩɔ bäa' ‑taa putulu kʋa' ‑pɩa 'mlɩ, 'ia tʋtʋdii?› »

'Nyaa ‑mɔ bɛ 'ŋlʋʋa ‑tɔrʋpɩɔ ‑yrɛ berea, 'nyaa bɩa ‑na 'jüa 'jü nyra 'ɔa 'jüa jüa ‑tɔrɔpɩɔ ‑yrɛ berea. 'Ɔnya ‑na 'wli 'käsusroa, 'kä ‑nya 'ɔa bɔtötö mlu.»

'Ɔnya ‑gbala 'ŋlʋʋlɔ: «'Nyaa ‑na ‑sʋɛ ‑gälɩ 'paplaa ‑na nʋgblaguia 'taɩn 'lɩ, mɩmɩakʋ 'lɩ ‑nëmä 'jü ‑glooro. ‑Nya 'daa ‑mä ‑na dʋɔ 'klügälɩ kälä, ‑maa 'ɔnya ‑mɩ 'klü ‑gälɩ käläa.»

‑Na 'klɩa nyasu ‑nëmä kpla, 'kä ‑nya dɛɛ ji, 'asɩ ‑nya nʋ nʋ 'kä ‑nya ‑tʋtʋ 'lɩ dɛrɩ 'blöö. 'Be 'uu 'n nʋ 'nyaa nʋ ‑mɩ. 'Mlʋ ‑bä, ‑nya 'mlʋ 'lɩ dɛrɩ 'blööa.»

'Ɔnya ‑gbala Adaan: «‑Na 'ŋlʋʋ ponyakli, ‑nya ji tuubölä 'n ‑gbalaa' ‑mɩ ‑nyɩ jia'. 'Ii känyrɩ, ‑tʋtʋ 'a busu ‑na ‑gʋ. ‑Sʋɩ ‑nëmä 'jä ‑a ji ‑mä 'ua 'mlɩ jijrɛ 'ba, ‑srɩlɩ kä 'fɩɔ ‑nëmäa' ‑si.

'Ɔnya 'bete nyɔɔlɔ: «'Nyɔɔ 'plɛɛ 'daa ‑gbagba ‑paa le? Tuulu kä bö 'n 'daaa' ‑nyɩ jia', 'ää ji?»

'Ɔ prɛa' nyɔɔ nɩ, 'ɔnya ‑tʋ putulua 'jrʋa 'wʋsɔrɔfa 'wʋa 'pɛ ‑gälɩ Serubɛɛn, 'üa kälɩ kapu ‑järë. 'Ü nö 'üün bɩabɩa nyɔɔ ‑pɩ tuulu ‑nyɛɛa' 'klä ‑gba 'tɔ.

Adaan nya 'dara 'ɔa 'ŋlʋʋ Ɛvë, 'be 'ɔɔ bä nyüüa 'fɩɔa 'yio.