Iivesi zeBhayibhile ezithandwayo ezisuka IsiThyilelo IsiThyilelo 13

Share

Nabu ke ubulumko. Lowo unengqiqo makalibale inani lerhamncwa; kuba linani lomntu; inani lakhe ngamakhulu amathandathu anamanci mathandathu anesithandathu.

Baya kulinqula bonke abo bemiyo phezu komhlaba, abamagama angabhalwanga encwadini yobomi yayo iMvana, exheliweyo kususela ekusekweni kwehlabathi.

Lenza ukuba bonke, abancinane nabakhulu, abazizityebi nabangamahlwempu, abakhululekileyo nabangamakhoboka, ukuba baphawulwe esandleni sabo sokunene, nokuba kusebunzi; Kwaye ukuze kungabikho bani unako ukuthenga nokuthengisa, ingenguye lowo unophawu, nokuba ligama lerhamncwa, nokuba linani legama lalo.

Ukuba ubani ukhokelela ekuthinjweni, uya kusiwa ekuthinjweni; lowo ubulala ngekrele, umelwe kukubulawa naye ngekrele. Nalu unyamezelo nokholo lwabangcwele.

Ndaza ndema phezu kwentlabathi yolwandle. Ndabona kunyuka, kuphuma elwandle, irhamncwa, lineentloko ezisixhenxe neempondo ezilishumi, ezimpondweni zalo izizithsaba ezilishumi, kwiintloko zalo iligama lonyeliso.

Lanikwa igunya lokulwa nabangcwele, libeyise; lanikwa igunya kuzo zonke izizwe, neelwimi, neentlanga.

Lalahlekisa abo bemiyo phezu komhlaba, ngemiqondiso elayinikwayo ukuba liyenze emehlweni erhamncwa; lisithi kwabo bemiyo phezu komhlaba, ukuba balenze umfanekiselo irhamncwa, elibe linenxeba lalo ikrele, laphila. Lanikwa igunya lokuwunika umfanekiselo werhamncwa umoya, ukuze umfanekiselo werhamncwa elo uthethe nokuthetha, wenze ukuba babulawe abasukuba bengaqubudi kuwo umfanekiselo werhamncwa.

Laye irhamncwa elo ndalibonayo lifana nengwe, iinyawo zalo zinjengezebhere, umlomo walo unjengomlomo wengonyama. Inamba yalinika amandla alo, netrone yalo, negunya elikhulu.

Sanikwa umlomo othetha izinto ezinkulu, nezinyeliso; lanikwa igunya lokuqhubeka iinyanga ezimashumi mane anesibini.

Ndabona enye yazo iintloko zalo, ingathi ixatyelwe yafa; lathi inxeba lalo elibanga ukufa laphila. Lamangaliswa ihlabathi liphela, lilandela irhamncwa.

Ndabona elinye irhamncwa linyuka liphuma emhlabeni; laye lineempondo ezimbini zifana nezemvana, laye lithetha njengenamba. Lenza lonke igunya lelokuqala irhamncwa, elalingaphambi kwalo; lenza umhlaba nabo bawumiyo ukuba balinqule irhamncwa lokuqala, elaphiliswayo inxeba lalo elibanga ukufa.