Iivesi zeBhayibhile ezithandwayo ezisuka Kejadian 4

Share

Tek sisi telepngepu kupmemnyopda, nedi kange deipra, ‘Telepe,’ men tenepkamken do? Dinino, telepngepu men kupmemnyopda, kange moupkurume. Mali kuna deiyo keca mening dam kupkere. Isokdi tenpu ati pum bukmenge nesala tep, ‘Uo, anesala mali kupra deipkune’ tenen, pio putarepa, buplan dam bukra, pio kalekra dinapu kuretopu, mali kweipdanmanto konum kupkere. Dinino kan adipapu bisbisa kapra, amali kunada tapkurume.” Allahdi pepu.

Set nepu dingeda, er mi ton deipudi, er sida Enos pepra deipu. Ataru neitamaida, ton tuai nesaladi gonga kepra, ‘Allah er si Yahwehdi melipsetu’ tenen, er si Yahweh erepra moronmai. Allah morona gonga kemna taruda, ataru di gonga kepidi, Allah er si Yahweh tep mororami.

Ukupupa, Allah er si Yahwehdi, Kain tep asipetepu. “Kan weit bo Habelda, dan cei kunmar do?” pepra asipetepmaupa, Kaindi, “Jo, ne walwale. Neda ne weit bo Habel, er kalekra dina deiyo ngebo kunmana tep, aupu pepnerem do?” pepra iniptapu.

Upepu pangeda, Allah er si Yahwehdi upepu. “Uo, kanda ware kupmaumum do? Geketerepo! Kan weit bo, er yapi tu deiki sakmaua di, ngolongmarpa gekepne.

Upepupa, Allah er si Yahwehdi Kain tep tamupra pepu. “Gume. Apepmaremtopu men kupkamkere. Ware ngebo do, kanda Kain tep popre ngeboda, nedi peipnepa, angebo tep kwangdakra ponapu kupkamenge. Ada tenpu taru teppu gume. Yoneitam bari nukra, kwang dangdankamenge,” pepu. Allah upepudi, ‘Ware nesala do yuma, Kain epmengedi, popnung’ tenen, upu sengdongona tep, Kain er nong deikida, peten kemne keca deipu.